 |
| ရခိုင်မှာ ဆရာတွေကို ကျောင်းပြန်တက်ခိုင်း |
ရခိုင်ပြည်နယ်အတွင်းက အခြေခံပညာကျောင်းတွေမှာ တာဝန်ထမ်းဆောင်နေကြတဲ့ ဆရာ၊ဆရာမတွေနဲ့ ပညာရေးဝန်ထမ်းတွေအားလုံးကို သက်ဆိုင်ရာကျောင်းတွေမှာ သွားရောက်တာဝန်ထမ်းဆောင်ကြဖို့ ရခိုင်ပြည်နယ်ပညာရေးဌာနက ညွှန်ကြားထားပါတယ်။
အခြေခံပညာကျောင်းတွေက ဆရာဆရာမတွေ၊ ရုံးဝန်ထမ်းတွေအနေနဲ့ ဖေဖော်ဝါရီ ၂၂ ရက်နေ့ မနက်ဖြန် မနက်ပိုင်းကစပြီး တာဝန်ကျနေတဲ့ကျောင်းတွေကို သွားရောက်တာဝန်ထမ်းဆောင်ကြရမှာ ဖြစ်သလို ကျောင်းကိုမလာရောက်ဘဲ ပျက်ကွက်သူတွေရှိပါက ပျက်ကွက်မှုအခြေအနေတွေကို မနက် ၁၀ နာရီနောက်ဆုံးထားပြီး သတင်းပေးပို့ရမှာ ဖြစ်တယ်လို့ သိရပါတယ်။
အဲ့ဒီညွှန်ကြားစာမှာ ကိုရိုနာဗိုင်းရပ်စ် ကိုဗစ် ၁၉ ရောဂါကူးစက်ပျံ့နှံ့မှု လျော့နည်း သွားပြီဖြစ်တဲ့အတွက် မကြာခင်ကာလအတွင်း အခြေခံကျောင်းတွေကို ပြန်လည်ဖွင့်လှစ်ပေးဖို့ စီစဉ်နေတဲ့အတွက် ကျောင်းတွေကို ဥပဓိရုပ်ကောင်းမွန်စေရေးနဲ့ ပြင်ဆင်ထားကြဖို့ ညွှန်ကြားထားတာ ဖြစ်ပါတယ်။
ရခိုင်ပြည်နယ်အတွင်း မြို့နယ်တချို့တို့မှာ CDM လှုပ်ရှားမှုတွေ ရှိနေပြီး အဲ့ဒီလှုပ်ရှားမှုမှာ ပညာရေးဝန်ထမ်းတွေနဲ့ ကျောင်းသားတွေလည်း ပါဝင်ခဲ့ကြတာကြောင့် ဖမ်းဆီးခံရပြီး သဘာဝဘေး အန္တရာယ် စီမံခန့်ခွဲရေး ဥပဒေပုဒ်မ ၂၅ နဲ့ တရားစွဲဆို ခံနေကြရပါတယ်။
BBC Burmese
Reviewed by THITHTOOLWIN
on
02:15
Rating:
No comments:
Post a Comment