မြိတ်မြို့၊ ကန်ကြီးနယ်မြေ ၊သာကေတရပ်တွင် ဇန်နဝါရီလ ၂၄ ရက်၊ ည ၁၀ နာရီခန့်က ယောက်ဖဖြစ်သူအား မကျေနပ်တာကြောင့် ဓါးထိုးမှုဖြစ်ကာ ဓါးထိုးခံရသူ သေဆုံးသွားကြောင်းသိရပါတယ်။
သာကေတရပ်၊ ၅ လမ်းတွင်နေထိုင်တဲ့ ဦးထွန်းနိုင်(၆၃)နှစ်၊ ဆိုသူက နေအိမ်နောက်ခန်း၌ ၎င်းရဲ့ သားသမီးများနှင့်အိပ်ပျော်နေစဥ် ယောက်ဖဖြစ်သူ ဦးတင်ဇော်(၅၆)နှစ်၊ မှ ၎င်းရဲ့တူမ(ဦးထွန်းနိုင်၏သမီး)ဖြစ်သူ မယု အား ဆေးလိပ်မီးဖြင့်တို့တဲ့အတွက် မယု ရဲ့ ထအော်သံကိုကြားရပြီးနောက် ဦးထွန်းနိုင် မှ အကျေမနပ်ဖြစ်ကာ ၎င်းရဲ့အနီးမှာရှိတဲ့ အသွား ၅ လက်မခန့်ရှိတဲ့ဓါးဖြင့် ဦးတင်ဇော်အားထိုးခဲ့ကြောင်းသိရပါတယ်။
ဓါးထိုးမှုကြောင့် တင်ဇော်တွင် ဓါးဒဏ်ရာ ၁၁ ချက်(စိုးရိမ်ရ)ရရှိကာ ဆေးရုံကြီးသို့ပို့ဆောင်ကုသရာ ဇန်နဝါရီလ ၂၅ ရက်နေ့၊ နံနက် ၅ နာရီခန့်တွင် ရရှိဒဏ်ရာဖြင့်သေဆုံးသွားကြောင်းသိရပါတယ် ။
ဖြစ်စဥ်နဲ့ပတ်သက်ပြီး ယောက်ဖဖြစ်သူအား ဓါးဖြင့်ထိုး၍အသက်သေဆုံးအောင်ပြုလုပ်သူ ဦးထွန်းနိုင် အား မြိတ်မြို့မရဲစခန်းမှ ကနဦး ရာဇသတ်ကြီးပုဒ်မှ ၃၂၆ ဖြင့် အမှုဖွင့်အရေးယူထားရာမှ ရာဇသတ်ကြီးပုဒ်မ ၃၀၂ ဖြင့် ပြောင်းလဲ အရေးယူထားကြောင်းသိရပါတယ်။
မြတ်ထွဋ် (မြိတ်)
Reviewed by THITHTOOLWIN
on
18:17
Rating:
No comments:
Post a Comment