ဦးကိုနီကို လုပ်ကြံသူ ရုံးချိန်းမှာ ထမင်းဝအောင်စားထား တီရှပ်ဝတ်ဆင်ဝန်းရံသူ သုံးဦးကို အလုပ်နဲ့ ထောင်တစ်နှစ်ချမှတ်
ဦးကိုနီကိုလုပ်ကြံခဲ့တဲ့ တရားခံကြည်လင်းရဲ့ ရုံးချိန်တစ်ခုမှာ "ထမင်းဝအောင်စားထား" စာတန်းပါ တီရှပ်အကျီ ဝတ်ဆင်ဝန်းရံခဲ့သူသုံးဦးဖြစ်တဲ့မြတ်ဘုန်းမိုရ်၊ အောင်လင်းနဲ့ ဟိဏ်းဝေယံတို့ကို အင်းစိန်မြို့နယ်တရားရုံးက အလုပ်နဲ့ ထောင်ဒဏ်တစ်နှစ် အမိန့်ချမှတ်လိုက်ပါတယ်။
သူတို့ ၃ ဦးကို အင်းစိန်မြို့နယ်အထွေထွေအုပ်ချုပ်ရေးဦးစီးဌာနက၂၀၁၈ခုနှစ်၊ ဖေဖော်ဝါရီလအတွင်း နိုင်ငံတော် အကြည်ညိုပျက်စေမှုပုဒ်မ-၅၀၅(ခ)နဲ့ တရားလိုပြုလုပ်ကာ တရားစွဲဆိုခဲ့ခြင်းဖြစ်ပါတယ်။
ဒီနေ့ ဒီဇင်ဘာ ၁၅ ရက် အမိန့်ချတဲ့ ရုံးချိန်းမှာ သူတို့သုံးဦးကို ဝန်းရံသူတွေလည်း လာရောက် ခဲ့ကြတာကိုတွေ့ရပါတယ်။
ဒီအမှုနဲ့ပတ်သက်ပြီး စုစုပေါင်း လေးဦးကိုတရားစွဲဆိုခဲ့တာဖြစ်ပြီး တစ်ဦးကတော့ ပြစ်ဒဏ်ကျခံခဲ့ပြီးဖြစ်ကာ ဟိဏ်းဝေယံနဲ့ ကျန်နှစ်ဦးကတော့ ရှောင်တိမ်းနေရာကနေ ပြီးခဲ့တဲ့ ရက်ပိုင်းက မှ လာရောက်အဖမ်းခံခဲ့တာဖြစ်ပါတယ်။
ဘီဘီစီမြန်မာပိုင်း
Reviewed by THITHTOOLWIN
on
22:24
Rating:
No comments:
Post a Comment