ထိုင်းနိုင်ငံမှာ အစိုးရက သတ်မှတ်ထားတဲ့ လုပ်ခနှုန်းထားအတိုင်း အပြည့်မရကြတဲ့ အထည်ချုပ်စက်ရုံ အလုပ်သမားတွေအနေနဲ့ လျော်ကြေးငွေအဖြစ် အမေရိကန်ဒေါ်လာ ၉၉,၀၀၀ နဲ့ ညီမ ျှတဲ့ ထိုင်းဘတ်ငွေ ၃,၀၀၀,၀၀၀ ကို အလုပ်ရှင်အပါအဝင် Starbucks နဲ့ Walt Disney လို ကုမ္ပဏီကြီးတွေဆီကနေ ရဖို့ရှိပါတယ်။
ထိုင်းမြန်မာနယ်စပ် မဲဆောက်မြို့က စက်ရုံတွေမှာ လုပ်ကိုင်နေတဲ့ မြန်မာအလုပ်သမားအတော်များများဟာ အနိမ့်ဆုံး တနေ့လုပ်အားခ ဘတ်ငွေ ၃၁၀ မရကြတာကို ရိုက်တာသတင်းဌာနက ၂၀၁၉ စက်တင်ဘာလမှာ စုံစမ်းတွေ့ရှိခဲ့တာပါ။
အစိုးရတာဝန်ရှိသူတွေ မနှစ်က ဝင်ရောက်စစ်ဆေးခဲ့တဲ့ စက်ရုံတခုရဲ့ပိုင်ရှင်ကိုတော့ အဲဒီက အလုပ်သမား ၂၆ ယောက်တို့က သူတို့ရဖို့ရှိတဲ့ ဘတ်ငွေ ၃.၅ သန်းပေးဖို့ တရားစွဲဆိုခဲ့ပါတယ်။ ဒါပေမဲ့လည်း ပိုင်ရှင်ဘက်ကဘတ် ၁,၀၀၀,၀၀၀ ပဲလျော်ကြေးပေးဖို့ တတ်နိုင်တဲ့အတွက် ဒီပမာဏနဲ့ကြေအေးဖို့ ဒီလထဲမှာ သဘောတူညီခဲ့တယ်လို့ အလုပ်သမားတွေဖက်က ရှေ့နေလိုက်ပေးတဲ့ HRDF အဖွဲ့ရှေ့နေ Jirarat Moonsiri ကပြောပါတယ်။ NGO အဖွဲ့တွေ တွေ့ဆုံမေးမြန်းချက်အရ အလုပ်သမားတွေဟာ Universal Studio အပြင် ဗြိတိန်နိုင်ငံရဲ့အကြီးဆုံး Tesco ကုမ္ပဏီအတွက် အဝတ်အထည်တွေ ချုပ်လုပ်ပေးနေတာဖြစ်ပါတယ်။ အဲဒီကုမ္ပဏီတွေကတော့ သူတို့ကို ပစ္စည်းပေးသွင်းနေသူတွေ၊ ဒါမှမဟုတ် မိတ်ဖက်လုပ်ကိုင်နေသူတွေက ကုမ္ပဏီဘက်က ခွင့်ပြုချက်နဲ့ မဟုတ်ဘဲ တဆင့်ခံစာချုပ်နဲ့ လုပ်ကိုင်နေတာလို့ ပြောကြပါတယ်။
Disney ၊ Starbucks နဲ့ Tesco ကုမ္ပဏီတွေဘက်ကလည်း နစ်နာခဲ့တဲ့အလုပ်သမားတွေကို လျော်ကြေးပေးဖို့ ဒီတပတ်ထဲမှာပဲ သဘောတူညီခဲ့ပါတယ်။ မြဝတီတဘက်ကမ်း မဲဆောက်မြို့က စက်ရုံအလုပ်ရုံပေါင်း ၄၃၀ ကျော်မှာ လုပ်ကိုင်နေတဲ့အလုပ်သမား ၄၄,၀၀၀ ကျော်ထဲမှာ မြန်မာရွှေ့ပြောင်းအလုပ်သမား အများစုပါဝင်တာဖြစ်ပါတယ်။ အဲဒီဒေသကအလုပ်သမားတွေကို တွေ့ဆုံမေးမြန်းထားတာအပါအဝင် လေ့လာဆန်းစစ်ထားချက်အရ အနိမ့်ဆုံး လုပ်အားခမပေးတဲ့ စက်ရုံပေါင်း တဒါဇင်နီးပါးရှိမယ်လို့ HRDF နဲ့ MAP ဖောင်ဒေးရှင်းတို့က ခန့်မှန်းထားပါတယ်။
ဗွီအိုအေ (မြန်မာပိုင်း)
https://burmese.voanews.com/a/thailand-workers-pay/5678610.html
Reviewed by THITHTOOLWIN
on
00:37
Rating:
No comments:
Post a Comment