နိုင်ငံသားတိုင်းမပျက်မကွက်မဲပေးဖို့ ရန်ကုန်ကတ်သလစ်ဂိုဏ်းချုပ်တိုက်တွန်း

ရန်ကုန် ကက်သလစ် ခရစ်ယာန်ဂိုဏ်းချုပ်ဆရာတော်ကြီး ကာဒီနယ်ချားလ်မောင်ဘို

ရန်ကုန် ကက်သလစ် ခရစ်ယာန်ဂိုဏ်းချုပ်ဆရာတော်ကြီး ကာဒီနယ်ချားလ်မောင်ဘိုက နိုဝင်ဘာရွေးကောက်ပွဲမှာ နိုင်ငံသားတိုင်းရဲ့တာဝန်အဖြစ် မပျက်မကွက်မဲပေးကြဖို့ မြန်မာပြည်သူတွေကို တိုက်တွန်းလိုက်ပါတယ်။ နိုင်ငံရေးအခြေအနေအပေါ် အားမရတာကြောင့် မဲသွားမထည့်ဘူးဆိုပြီး ပြောဆိုမှုတွေ များပြားလာချိန်မှာပဲ၊ အခုလို ကြေညာချက်ထုတ်ပြီး ရွေးကောက်ပွဲမှာ လူထု တတ်တတ်ကြွကြွပါဝင်တာဟာ ဒီမိုကရေစီ လမ်းစဉ်အတွက်အရေးကြီးတယ်လို့ ခရစ်ယာန်ဂိုဏ်းချုပ်ဆရာတော်ကြီးက ပြောဆိုထားတာပါ။

ဒီမိုကရေစီစနစ်ဟာ အားနည်းသူတွေ ထိခိုက်လွယ်သူတွေအတွက် အထောက်အကူပြုစေတယ်လို့လည်း စက်တင်ဘာ ၁ ရက်နေ့စွဲနဲ့ ထုတ်ပြန်တဲ့ကြေငြာချက်မှာ ဖော်ပြထားပါတယ်။ ပြည်တွင်းပဋိပက္ခတွေကြောင့် ထိခိုက်နေရတဲ့ မြန်မာ့ ငြိမ်းချမ်းရေးအတွက်တခုတည်းသောမေ ျှာ်လင့်ချက်ဖြစ်တဲ့ ဒီမိုကရေစီစနစ် ရှင်သန်ဖွံ့ဖြိုးနိုင်အောင် မဲပေးကြပါလို့လည်း ကြေငြာချက်မှာ ဖော်ပြထားပါတယ်။

ကာဒီနယ်ချားလ်မောင်ဘိုရဲ့တိုက်တွန်းချက်တွေထဲမှာ နိုင်ငံသယံဇာတတွေကို မတရား လုယူခြယ်လှယ်နေသူတွေကို မဲမပေးမိစေဖို့၊ အမုန်းတရား ပြန့်ပွါးအောင်လုပ်ပြီး နိုင်ငံအပေါ်ခြယ်လှယ်အမြတ်ထုတ်နေသူတွေကို ဖယ်ရှားပစ်ဖို့၊ ပြည်တွင်းခရိုနီတွေနဲ့ပူးပေါင်းပြီး မြန်မာနိုင်ငံကို ကုတ်သွေးစုပ်အမြတ်ထုတ်နေသူတွေကို မဲမပေးမိစေဖို့၊ လူ့စွမ်းအားဖွံ့ဖြိုးတိုးတက်ရေ ပီပြင်ဖော်ဆောင်နိုင်မယ့် ကိုယ်စားလှယ်လောင်းတွေကို မဲပေးဖို့လည်း ကြေငြာချက်မှာ အလေးပေးတိုက်တွန်းထားပါတယ်။

ဒါ့အပြင် ဉာဏ်ရည်ပြည့်ဝပြီး ရိုးသားဖြောင့်မတ်သူတွေ၊ ပြည်သူတွေကို အလုပ်အကြွေးပြုချင်တဲ့ ကိုယ်စားလှယ်လောင်းတွေကို မဲပေးကြပါလို့လည်း တိုက်တွန်းထားပါတယ်။ စစ်မှန်တဲ့ နိုင်ငံရေး၊ စီးပါွးရေး၊ ဖယ်ဒရယ်လမ်းစဉ်ပေါ်ပေါက်ရေး လှုပ်ရှားရင်း အသက်ပေးသွားတဲ့ အမျိုးသားခေါင်းဆောင်ကြီး ဗိုလ်ချုပ်အောင်ဆန်းရဲ့ မေ ျှာ်မှန်းချက်တွေကို အကောင်အထည်ဖော်ပေးနိုင်မယ့်သူကို ရွေးချယ်မဲပေးကြပါလို့ အင်္ဂလိပ်၊ မြန်မာ နှစ်ဘာသာနဲ့ ထုတ်ပြန်တဲ့ကြေငြာချက် နိဂုံးမှာ တိုက်တွန်းထားပါတယ်။

ဗွီအိုအေ (မြန်မာပိုင်း)

https://burmese.voanews.com/a/myanmar-election-cardinal-charles-maung-bo/5566030.html