ကလေးဝ စက်တင်ဘာ ၈
စစ်ကိုင်းတိုင်းဒေသကြီး ကလေးဝမြို့နယ်တွင် ယမန်နေ့ ည ၁၀ နာရီခွဲခန့်က ကလေး-ကလေးဝ ကားလမ်း သစ်ချောက်ကျေးရွာအုပ်စု မိုင်တိုင်အမှတ် ၅ မိုင် အနီးတွင် အိမ်စီးကား တစ်စီး မြစ်သာမြစ်အတွင်း ပြုတ်ကျ နစ်မြုပ်ခဲ့ကြောင်း သိရသည်။
ဖြစ်စဉ်မှာ ကလေးဝမြို့နေ ယာဉ်မောင်း ကိုမင်းနိုင်ဦး ၄၇ နှစ်သည် Ford Ranger အမျိုးအစား ခဲရောင်အိမ်စီးကားအား တမူးမြို့မှ ကလေးဝ မြို့သို့ ကိုသိန်းဌေး၊ ကိုပေါက်စီးတို့နှင့်အတူ မောင်းနှင်လာစဉ် သစ်ချောက် ကျေးရွာအုပ်စု မိုင်တိုင်အမှတ် ၅ မိုင် အနီးအရောက်၌ အရှိန်မထိန်းနိုင်ဘဲ လက်ယာဘက်ခြမ်းရှိ မြစ်သာမြစ်အတွင်း ပြုတ်ကျနစ်မြုပ်ခဲ့၍ မြို့နယ်မီးသတ်ဦးစီးဌာန မှ မီးသတ်တပ်ဖွဲ့ဝင်များ၊ လူမှုကူညီရေးအသင်းအဖွဲ့များက ရှာဖွေကယ်ဆယ်ခဲ့ရာ ယာဉ်မောင်း ကိုမင်းနိုင်ဦးမှာ နေရာတွင်သေဆုံးခဲ့ပြီး ကိုသိန်းဌေး၊ ကိုပေါက်စီးတို့မှာ မစိုးရိမ်ရ ဒဏ်ရာများ ရရှိခဲ့သဖြင့် ကလေးဝမြို့ ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။
သက်ဟန် (ကလေးဝ)
Myanmaalinn
Reviewed by THITHTOOLWIN
on
18:15
Rating:
No comments:
Post a Comment