 |
| "COVID 19 ကာကွယ်ဆေး" လို့ တံဆိပ်တပ်ထားတဲ့ ဆေးပုလင်းတပုလင်း။ (ဧပြီ ၁၀၊ ၂၀၂၀) |
အမေရိကန်မှာ ကိုဗစ်ကာကွယ်ဆေး ဒီနှစ်မကုန်ခင် ဒါမှမဟုတ် ဒီထက်စောပြီးတော့တောင်မှ ရလာနိုင်တယ်လို့ အမေရိကန် သမ္မတ Donald Trump က ပြောပါတယ်။
ရီပတ်ဘလီကန်ပါတီညီလာခံအတွင်း သမ္မတလောင်းအဖြစ် လက်ခံတဲ့ ကြာသပတေးနေ့ မိန့်ခွန်းထဲမှာ သမ္မတထရမ့်ပ်က အဲဒီလိုပြောသွားတာပါ။
ကျွမ်းကျင်သူတွေကတော့ ကာကွယ်ဆေးဖော်စပ်တာ၊ စမ်းသပ်တာနဲ့ အန္တရာယ်ကင်းကြောင်းသက်သေပြရတာ အဆင့်ဆင့်က တခါတရံမှာ ဆယ်စုနှစ်တွေနဲ့ချီ ကြာနိုင်တယ်လို့ ပြောထားပါတယ်။
ဒါပေမဲ့ နိုင်ငံတကာမှာ ဒီကာကွယ်ဆေးထုတ်ဖို့ ဆက်စပ် ပူးပေါင်းဆောင်ရွက်မူတွေ အားကောင်းလာတာကြောင့် ရှေ့နှစ်တချိန်ချိန်မှာ ထိရောက်တဲ့ကာကွယ်ဆေး ထုတ်နိုင်မယ်ဆိုတဲ့ မျှော်လင့်ချက်တွေ မြင့်မားလာနေပါတယ်။
အများမြင်ကွင်းမှာ ကိုဗစ်ကာကွယ်ရေး နှာခေါင်းစည်း (Mask) တပ်လေ့မရှိတဲ့ သမ္မတ Trump အနေနနဲ့ အခုမိန့်ခွန်းပြောရာမှာ ကျနော်နိုင်ငံနဲ့ တကမ္ဘာလုံးမှာ ပြင်းထန်ပြီး မမြင်နိုင်တဲ့ ရန်သူသစ်တိုက်ခိုက်တာကို ခံနေရတယ်လို့ ပြောခဲ့ပါတယ်။ သမ္မတမိန့်ခွန်းပြောချိန်မှာ တက်ရောက်လာသူအများစုဟာ နှာခေါင်းစည်းတွေ ဝတ်မထားကြသလို ၆ ပေခွာပြီးတော့လည်း မထိုင်ခဲ့ကြပါဘူး။
ကမ္ဘာမှာ ကိုဗစ်ပိုးတွေ့သူအများဆုံး ရှိလာတဲ့ အမေရိကန်မှာ ကူးစက်သူပေါင်း ၅.၈ သန်းရှိလာပြီး တကမ္ဘာလုံးမှာ ပိုးတွေ့သူ စုစုပေါင်း ၂၄ သန်းရဲ့ ငါးပုံ တစ်ပုံထိ ရှိနေတယ်လို့ Johns Hopkins တက္ကသိုလ်ရဲ့ ကိန်းဂဏန်းတွေမှာ ဖော်ပြထားပါတယ်။
ဗွီအိုအေ (မြန်မာပိုင်း)
Reviewed by THITHTOOLWIN
on
19:42
Rating:
No comments:
Post a Comment