ဖားကန့် မြေပြိုမှုမှာ သေဆုံးသူ ၂၀၀ ထက် များနိုင်တယ်လို့ ကိုယ့်တွေ့ကြုံခဲ့သူကပြော

သေဆုံးသူ ၁၇၄ ဦးရဲ့ရုပ်အလောင်းတွေ ရရှိထား

(Unicode)⤵⤵⤵
ဖားကန့်မြေပြိုမှုမှာ သေဆုံးသူအရေအတွက် ၂၀၀ လောက် ရှိမယ်လို့ ခန်မှန်းကြပေမဲ့ ဒါ့ထက် ပိုများနိုင်တယ်လို့ ဒီမြေပြိုမှုဖြစ်စဉ်ကနေ လွတ်မြောက်လာသူ ကိုဖြိုးသက်နိုင်က ဘီဘီစီကို ပြောပါတယ်။

အခင်းဖြစ်ပွားချိန်မှာ အဲဒီနေရာမှာ လူတွေရာနဲ့ချီ ရှိနေကြတယ်လို့ ကိုဖြိုးသက်နိုင်က ပြောပြပါတယ်။

"လူ၂၀၀ တော့ မကလောက်ဘူး၊ လေးငါးရာလောက် ပါမယ်ထင်တယ်"လို့ သူကပြောပါတယ်။

"ပြိုကျတဲ့အချိန်မှာ လှိုင်းနဲ့ပါသွားတဲ့သူတွေ ရှိတယ်၊ အဲဒီအချိန်မှာ ကျွန်တော်တို့ကတော့ ကျင်းထဲ စဆင်းနေတဲ့အချိန်၊ ဟိုနားကမြေပြို ဒီနားကမြေပြို ဖြစ်နေတော့ အကုန်လုံး အုံလိုက်ကြီး မပြိုလောက်ဘူးလို့ လူတိုင်းက ထင်နေကြတာ၊ ကျွန်တော်တို့လည်း အဲဒီလိုထင်ပြီး ကျင်းထဲ ဆက်ဆင်းနေတဲ့ အချိန်မှာ အကုန်လုံး အုံလိုက်ကြီး ပြိုကျသွားတာ"လို့ သူက ပြောပါတယ်။

"ပြိုတဲ့အချိန်က ကျွန်တော် ကျင်းတစ်ဝက် ရောက်နေပြီ၊ အဲ့ဒီအချိန် အားကုန်ထည့်ပြီး အပေါ်ကို တက်ပြေးလာခဲ့တာ"လို့လည်း သူ လွတ်မြောက်လာတာကို ပြန်ပြောပြပါတယ်။

"ကျင်းထဲ ပြန်ကြည့်လိုက်တော့ စိတ်မကောင်းလည်း ဖြစ်ရတယ်၊ လူလည်း အတော်လေးကို လန့်သွားတယ်၊ ကမ်းပါးယံမှာ လွတ်ပြီ ထင်ပြီး ပြေးနေရာကနေ ရပ်နေသူတွေလည်း လှိုင်းရိုက်ပြီး ပါသွားတယ်"

အစိုးရက ထောက်ပံ့ကြေးပေး

လူ၂၀၀ လောက် သေဆုံးဖွယ်ရှိတယ်လို့ ခန့်မှန်းကြတဲ့ ဒီမြေပြိုမှု ဖြစ်စဉ်ဟာ ဇူလိုင်လ ၂ ရက်နေ့ မနက်စောပိုင်းက စတင်ဖြစ်ပွားခဲ့တာ ဖြစ်ပါတယ်။

ဇူလိုင်လ ၅ ရက်နေ့အထိ အလောင်း ၁၇၄ လောင်း တွေ့ရှိထားတယ်လို့ အစိုးရက ထုတ်ပြန်ထားပါတယ်။

အမျိုးသား သဘာဝဘေးအန္တရာယ်ဆိုင်ရာ စီမံခန့်ခွဲမှုကော်မတီနဲ့ လူမှုဝန်ထမ်း ကယ်ဆယ်ရေးနဲ့ ပြန်လည်နေရာချထားရေးဝန်ကြီးဌာနတို့က သေဆုံးသူ တစ်ဦးကို ငါးသိန်းနဲ့ ဒဏ်ရာရသူတွေကို နှစ်သိန်းစီ ဇူလိုင်လ ၅ရက်နေ့က ထောက်ပံ့ ပေးအပ်ခဲ့ပါတယ်။

လုံးခင်း၊ ဖားကန့် ရတနာနယ်မြေအတွင်း မြေပြိုကျမှုဖြစ်စဉ်နှင့် စပ်လျဉ်းတဲ့ စုံစမ်း စစ်ဆေးရေးအဖွဲ့မှာ ပါဝင်သူ ဝန်ကြီး ဒေါက်တာ ဝင်းမြတ်အေးက ဒဏ်ရာရသူတွေဟာ အရိုးကျိုးကြေတာ၊ ရေမွန်းတာ၊ ကိုယ်ခန္ဓာ စုတ်ပြဲ ပွန်းပဲ့ထိခိုက်တာတွေ အများဆုံး ဖြစ်တာကို ဇူလိုင်လ ၅ရက်နေ့က ကယ်ဆယ်ရေးနဲ့ ထောက်ပံရေး ခရီးစဉ်အတွင်း တွေ့ခဲ့ရတယ်လို့ ဖေ့ဘွတ်ခ်စာမျက်နှာပေါ်မှာ ရေးထားပါတယ်။

ဒဏ်ရာရသူတွဟာ အရိုးကျိုးကြေတာ ၊ ရေမွန်းတာ ၊ ကိုယ်ခန္ဓာ စုတ်ပြဲပွန်းပဲ့ထိခိုက်တာတွေ အများဆုံးဖြစ်

အခု ဖြစ်စဉ်ဟာ ဖားကန့်မှာ လူအသေအပျောက် အများဆုံး မြေပြိုမှု ဖြစ်စဉ် ဖြစ်တယ် လို့ ဒေသခံတွေက ပြောပါတယ်။

သေဆုံးသူတွေနဲ့ ဒဏ်ရာရသူတွေကို ကယ်ဆယ်ရေးဆောင်ရွက်ပေးခဲ့တဲ့ လူမှုအဖွဲ့တွေကိုလည်း အစိုးရက ကျပ်သိန်း ၁၁၀ ထောက်ပံ့ခဲ့ပါတယ်၊

ကချင်ပြည်နယ်အစိုးရအဖွဲ့၊ မြန်မာနိုင်ငံ ကျောက်မျက်ရတနာလုပ်ငန်းရှင်များအသင်းချုပ်နဲ့ မြန်မာ သူရ ကျောက်မျက် ကုမ္ပဏီတို့ကလည်း ထောက်ပံ့ငွေတွေ ပေးအပ်ခဲ့ကြပါတယ် ။

ဒီလို ထောက်ပံ့ ကူညီပံ့ပိုးမှုတွေဟာ အဖြေမဟုတ်ပေမဲ့ နောက်မဆုတ်ဘဲ ဆက်လက်ကြိုးပမ်းပါ့မယ်လို့လည်း ဝန်ကြီးက သူ့လူမှုကွန်ရက်မှာ ရေးခဲ့ပါတယ်။

သတိပေးချက်တွေ ထုတ်ပြန်ထားပေမဲ့ ရေမဆေးကျောက်ရှာသူတွေက အန္တရာယ်ကို ဂရုမထားကြ

ဖားကန့်မှာ ရေမဆေးကျောက်ရှာသူ အရေအတွက်ဟာ သိန်းနဲ့ချီပြီးရှိနေပါတယ်။

ကချင်ပြည်နယ် သယံဇာတဝန်ကြီး ဦးဒါရှီလာဆိုင်းကတော့ ရေမဆေးကျောက် ရှာသူတွေဟာ အန္တရာယ်ကို သတိမမူဘဲ ကုမ္ပဏီလုပ်ကွက်တွေမှာ ဝင်ရောက်ရှာဖွေကြတာလို့ ဘီဘီစီကိုပြောပါတယ်။

သူတို့ကို သတိပေးဆိုင်းဘုတ်တွေနဲ့ သတိပေးထားသလို ရဲနဲ့တပ်ဘက်က တားဆီးမှုတွေလုပ်တဲ့အခါမျိုးမှာ ရပ်သွားပေမဲ့ တားတဲ့သူတွေ မရှိတဲ့အချိန်မှာ ဝင်တူးကြကြောင်းနဲ့ ကုမ္ပဏီလုပ်ကွက်တွေက တူးဖော်မှု ရပ်လိုက်တဲ့အချိန်မှာ သူ့နေရာကိုယ်နေရာ ဦးကြရင်း ရောက်နေခဲ့ကြတယ်လို့လည်း သူက ပြောပါတယ်။

ပြည်နယ်အစိုးရသယံဇာတဝန်ကြီး ပြောပြချက် အရတော့ သဘာဝရေစုကန်ဖြစ်နေပြီး ပြိုကျနိုင်တဲ့ နေရာက ၆နေရာလောက်အထိကို ရှိနေသေးတယ် လို့သိရပါတယ်။

အဲဒီ့နေရာတွေမှာလည်း ရေမဆေးကျောက်ရှာဖွေနေသူ အချို့က အခုချိန်ထိ ရှာဖွေနေတာမျိုး တွေလည်း ရှိသေးတယ်လို့ သူကပြောပါတယ်။

အစိုးရအနေနဲ့ ဖားကန့်မှာ အသေးစားနဲ့ အလတ်စားလုပ်ကွက်တွေ ချထားပေးမယ့် အစီအစဉ်တွေ ရှိပြီးအဲဒီလို ချထားပေးနိုင်ရင်တော့ အခုလို ကုမ္ပဏီလုပ်ကွက်တွေမှာ ဝင်တူးတာတွေ နည်းသွားမယ်လို့ သူကပြောပါတယ်။

မြန်မာနိုင်ငံမှာ ကျောက်စိမ်းထုတ်လုပ်မှုကနေ ရတဲ့ ဝင်ငွေဟာ တစ်နှစ်ကို ဒေါ်လာ ၃၀ ဘီလီယံ လောက် တန်ကြေးရှိတယ်လို့ စစ်တမ်းတွေက ဖော်ပြကြပါတယ်။

အသက်ဘေးက လွတ်လာသူ ကိုဖြိုးသက်နိုင်ကတော့ ကုမ္ပဏီ တွေအနေနဲ့ မြေစာပုံတွေကို အန္တရာယ်ကင်းအောင် ပုံစေချင်တယ်လို့ ပြောပါတယ်။

ဒီလိုဖြစ်သွားတာ ကိုယ်တိုင် မြင်လိုက်ရပြီးတဲ့နောက် ကျင်းထဲ မဆင်းချင်ပေမယ့် ဘဝအခြေအနေအရ ကျောက်ရမှ ထမင်းစားနိုင်မှာမို့ မသေမချင်းကတော့ ဒီအလုပ်ပဲ ဆက်လုပ်ရမယ်လို့ သူကပြောပါတယ်။

BBC Burmese
-------------------------------------
(Zawgyi)⤵⤵⤵
ဖားကန႔္ ေျမၿပိဳမႈမွာ ေသဆုံးသူ ၂၀၀ ထက္ မ်ားႏိုင္တယ္လို႔ ကိုယ့္ေတြ႕ႀကဳံခဲ့သူကေျပာ

ဖားကန္႔ေျမၿပိဳမႈမွာ ေသဆုံးသူအေရအတြက္ ၂၀၀ ေလာက္ ရွိမယ္လို႔ ခန္မွန္းၾကေပမဲ့ ဒါ့ထက္ ပိုမ်ားႏိုင္တယ္လို႔ ဒီေျမၿပိဳမႈျဖစ္စဥ္ကေန လြတ္ေျမာက္လာသူ ကိုၿဖိဳးသက္ႏိုင္က ဘီဘီစီကို ေျပာပါတယ္။

အခင္းျဖစ္ပြားခ်ိန္မွာ အဲဒီေနရာမွာ လူေတြရာနဲ႔ခ်ီ ရွိေနၾကတယ္လို႔ ကိုၿဖိဳးသက္ႏိုင္က ေျပာျပပါတယ္။

"လူ၂၀၀ ေတာ့ မကေလာက္ဘူး၊ ေလးငါးရာေလာက္ ပါမယ္ထင္တယ္"လို႔ သူကေျပာပါတယ္။

"ၿပိဳက်တဲ့အခ်ိန္မွာ လႈိင္းနဲ႔ပါသြားတဲ့သူေတြ ရွိတယ္၊ အဲဒီအခ်ိန္မွာ ကြၽန္ေတာ္တို႔ကေတာ့ က်င္းထဲ စဆင္းေနတဲ့အခ်ိန္၊ ဟိုနားကေျမၿပိဳ ဒီနားကေျမၿပိဳ ျဖစ္ေနေတာ့ အကုန္လုံး အုံလိုက္ႀကီး မၿပိဳေလာက္ဘူးလို႔ လူတိုင္းက ထင္ေနၾကတာ၊ ကြၽန္ေတာ္တို႔လည္း အဲဒီလိုထင္ၿပီး က်င္းထဲ ဆက္ဆင္းေနတဲ့ အခ်ိန္မွာ အကုန္လုံး အုံလိုက္ႀကီး ၿပိဳက်သြားတာ"လို႔ သူက ေျပာပါတယ္။

"ၿပိဳတဲ့အခ်ိန္က ကြၽန္ေတာ္ က်င္းတစ္ဝက္ ေရာက္ေနၿပီ၊ အဲ့ဒီအခ်ိန္ အားကုန္ထည့္ၿပီး အေပၚကို တက္ေျပးလာခဲ့တာ"လို႔လည္း သူ လြတ္ေျမာက္လာတာကို ျပန္ေျပာျပပါတယ္။

"က်င္းထဲ ျပန္ၾကည့္လိုက္ေတာ့ စိတ္မေကာင္းလည္း ျဖစ္ရတယ္၊ လူလည္း အေတာ္ေလးကို လန္႔သြားတယ္၊ ကမ္းပါးယံမွာ လြတ္ၿပီ ထင္ၿပီး ေျပးေနရာကေန ရပ္ေနသူေတြလည္း လႈိင္း႐ိုက္ၿပီး ပါသြားတယ္"

လူ၂၀၀ ေလာက္ ေသဆုံးဖြယ္ရွိတယ္လို႔ ခန္႔မွန္းၾကတဲ့ ဒီေျမၿပိဳမႈ ျဖစ္စဥ္ဟာ ဇူလိုင္လ ၂ ရက္ေန႔ မနက္ေစာပိုင္းက စတင္ျဖစ္ပြားခဲ့တာ ျဖစ္ပါတယ္။

ဇူလိုင္လ ၅ ရက္ေန႔အထိ အေလာင္း ၁၇၄ ေလာင္း ေတြ႕ရွိထားတယ္လို႔ အစိုးရက ထုတ္ျပန္ထားပါတယ္။

အမ်ိဳးသား သဘာဝေဘးအႏၲရာယ္ဆိုင္ရာ စီမံခန႔္ခြဲမႈေကာ္မတီနဲ႔ လူမႈဝန္ထမ္း ကယ္ဆယ္ေရးနဲ႔ ျပန္လည္ေနရာခ်ထားေရးဝန္ႀကီးဌာနတို႔က ေသဆုံးသူ တစ္ဦးကို ငါးသိန္းနဲ႔ ဒဏ္ရာရသူေတြကို ႏွစ္သိန္းစီ ဇူလိုင္လ ၅ရက္ေန႔က ေထာက္ပံ့ ေပးအပ္ခဲ့ပါတယ္။

လုံးခင္း၊ ဖားကန္႔ ရတနာနယ္ေျမအတြင္း ေျမၿပိဳက်မႈျဖစ္စဥ္ႏွင့္ စပ္လ်ဥ္းတဲ့ စုံစမ္း စစ္ေဆးေရးအဖြဲ႕မွာ ပါဝင္သူ ဝန္ႀကီး ေဒါက္တာ ဝင္းျမတ္ေအးက ဒဏ္ရာရသူေတြဟာ အ႐ိုးက်ိဳးေၾကတာ၊ ေရမြန္းတာ၊ ကိုယ္ခႏၶာ စုတ္ၿပဲ ပြန္းပဲ့ထိခိုက္တာေတြ အမ်ားဆုံး ျဖစ္တာကို ဇူလိုင္လ ၅ရက္ေန႔က ကယ္ဆယ္ေရးနဲ႔ ေထာက္ပံေရး ခရီးစဥ္အတြင္း ေတြ႕ခဲ့ရတယ္လို႔ ေဖ့ဘြတ္ခ္စာမ်က္ႏွာေပၚမွာ ေရးထားပါတယ္။

အခု ျဖစ္စဥ္ဟာ ဖားကန္႔မွာ လူအေသအေပ်ာက္ အမ်ားဆုံး ေျမၿပိဳမႈ ျဖစ္စဥ္ ျဖစ္တယ္ လို႔ ေဒသခံေတြက ေျပာပါတယ္။

ေသဆုံးသူေတြနဲ႔ ဒဏ္ရာရသူေတြကို ကယ္ဆယ္ေရးေဆာင္႐ြက္ေပးခဲ့တဲ့ လူမႈအဖြဲ႕ေတြကိုလည္း အစိုးရက က်ပ္သိန္း ၁၁၀ ေထာက္ပံ့ခဲ့ပါတယ္၊

ကခ်င္ျပည္နယ္အစိုးရအဖြဲ႕၊ ျမန္မာႏိုင္ငံ ေက်ာက္မ်က္ရတနာလုပ္ငန္းရွင္မ်ားအသင္းခ်ဳပ္နဲ႔ ျမန္မာ သူရ ေက်ာက္မ်က္ ကုမၸဏီတို႔ကလည္း ေထာက္ပံ့ေငြေတြ ေပးအပ္ခဲ့ၾကပါတယ္ ။

ဒီလို ေထာက္ပံ့ ကူညီပံ့ပိုးမႈေတြဟာ အေျဖမဟုတ္ေပမဲ့ ေနာက္မဆုတ္ဘဲ ဆက္လက္ႀကိဳးပမ္းပါ့မယ္လို႔လည္း ဝန္ႀကီးက သူ႔လူမႈကြန္ရက္မွာ ေရးခဲ့ပါတယ္။

ဖားကန္႔မွာ ေရမေဆးေက်ာက္ရွာသူ အေရအတြက္ဟာ သိန္းနဲ႔ခ်ီၿပီးရွိေနပါတယ္။

ကခ်င္ျပည္နယ္ သယံဇာတဝန္ႀကီး ဦးဒါရွီလာဆိုင္းကေတာ့ ေရမေဆးေက်ာက္ ရွာသူေတြဟာ အႏၲရာယ္ကို သတိမမူဘဲ ကုမၸဏီလုပ္ကြက္ေတြမွာ ဝင္ေရာက္ရွာေဖြၾကတာလို႔ ဘီဘီစီကိုေျပာပါတယ္။

သူတို႔ကို သတိေပးဆိုင္းဘုတ္ေတြနဲ႔ သတိေပးထားသလို ရဲနဲ႔တပ္ဘက္က တားဆီးမႈေတြလုပ္တဲ့အခါမ်ိဳးမွာ ရပ္သြားေပမဲ့ တားတဲ့သူေတြ မရွိတဲ့အခ်ိန္မွာ ဝင္တူးၾကေၾကာင္းနဲ႔ ကုမၸဏီလုပ္ကြက္ေတြက တူးေဖာ္မႈ ရပ္လိုက္တဲ့အခ်ိန္မွာ သူ႔ေနရာကိုယ္ေနရာ ဦးၾကရင္း ေရာက္ေနခဲ့ၾကတယ္လို႔လည္း သူက ေျပာပါတယ္။

ျပည္နယ္အစိုးရသယံဇာတဝန္ႀကီး ေျပာျပခ်က္ အရေတာ့ သဘာဝေရစုကန္ျဖစ္ေနၿပီး ၿပိဳက်ႏိုင္တဲ့ ေနရာက ၆ေနရာေလာက္အထိကို ရွိေနေသးတယ္ လို႔သိရပါတယ္။

အဲဒီ့ေနရာေတြမွာလည္း ေရမေဆးေက်ာက္ရွာေဖြေနသူ အခ်ိဳ႕က အခုခ်ိန္ထိ ရွာေဖြေနတာမ်ိဳး ေတြလည္း ရွိေသးတယ္လို႔ သူကေျပာပါတယ္။

အစိုးရအေနနဲ႔ ဖားကန္႔မွာ အေသးစားနဲ႔ အလတ္စားလုပ္ကြက္ေတြ ခ်ထားေပးမယ့္ အစီအစဥ္ေတြ ရွိၿပီးအဲဒီလို ခ်ထားေပးႏိုင္ရင္ေတာ့ အခုလို ကုမၸဏီလုပ္ကြက္ေတြမွာ ဝင္တူးတာေတြ နည္းသြားမယ္လို႔ သူကေျပာပါတယ္။

ျမန္မာႏိုင္ငံမွာ ေက်ာက္စိမ္းထုတ္လုပ္မႈကေန ရတဲ့ ဝင္ေငြဟာ တစ္ႏွစ္ကို ေဒၚလာ ၃၀ ဘီလီယံ ေလာက္ တန္ေၾကးရွိတယ္လို႔ စစ္တမ္းေတြက ေဖာ္ျပၾကပါတယ္။

အသက္ေဘးက လြတ္လာသူ ကိုၿဖိဳးသက္ႏိုင္ကေတာ့ ကုမၸဏီ ေတြအေနနဲ႔ ေျမစာပုံေတြကို အႏၲရာယ္ကင္းေအာင္ ပုံေစခ်င္တယ္လို႔ ေျပာပါတယ္။

ဒီလိုျဖစ္သြားတာ ကိုယ္တိုင္ ျမင္လိုက္ရၿပီးတဲ့ေနာက္ က်င္းထဲ မဆင္းခ်င္ေပမယ့္ ဘဝအေျခအေနအရ ေက်ာက္ရမွ ထမင္းစားႏိုင္မွာမို႔ မေသမခ်င္းကေတာ့ ဒီအလုပ္ပဲ ဆက္လုပ္ရမယ္လို႔ သူကေျပာပါတယ္။

BBC Burmese
https://www.bbc.com/burmese/burma-53299054