တပ်သားသုံးဦးက အဓမ္မပြုကျင့်ခဲ့ကြောင်း ရသေ့တောင်အမျိုးသမီး ပြောကြား၊ တပ်မတော် ငြင်းဆို

(Unicode)⤵⤵⤵
ရခိုင်ပြည်နယ် ရသေ့တောင်မြို့နယ်တောင်ပိုင်း မူစဲကမ်းပေါ်မှာရှိတဲ့ ဦးဂါကျေးရွာက အမျိုးသမီးတစ်ဦးကို ပြီးခဲ့တဲ့ဇွန်လ ၃၀ ရက်နေ့ညက တပ်မတော်သား ၃ ဦးက အဓမ္မပြုကျင့်ခဲ့တယ်လို့ ကာယကံရှင်ကပြောဆို ပေမယ့် တပ်မတော်ကတော့ ဒါဟာ တပ်မတော်အပေါ် ပြည်သူလူထုအထင်အမြင်လွဲမှားစေဖို့ လုပ်ကြံဖန်တီးမှု တရပ်သာဖြစ်တယ်လို့ တုံ့ပြန်ပါတယ်။

ရခိုင်ပြည်နယ် ရသေ့တောင်မြို့နယ် ဦးဂါကျေးရွာမှာ တပ်မတော်သား ၃ ဦးရဲ့ အဓမ္မပြုကျင့်တာကို ခံခဲ့ရတယ်လို့ အသက် ၃၆ နှစ်အရွယ် သားသမီး ၄ ယောက်ရဲ့ မိခင်တစ်ဦးဖြစ်သူ ကာယကံရှင်အမျိုးသမီးက RFA ကို ဇူလိုင်လ ၂ ရက်နေ့ က ပြောဆိုခဲ့ပါတယ်။

ပြီးခဲ့တဲ့ ဇွန်လ ၃၀ ရက်နေ့ည ၁၁ နာရီအချိန်လောက်မှာ သမီး၊ မြေး၊ အဒေါ်၊ အစ်မ၊ ယောက္ခမတို့နဲ့အတူ အိမ်အောက်ဗုံးခိုကျင်းထဲမှာ ပုန်းအောင်းနေစဉ် တပ်မတော်သား ၄ ဦးက အိမ်ထဲကို ဝင်ရောက်ခဲ့ကြတာလို့ ဆိုပါတယ်။

သေနတ်တွေကို မောင်းတင်ပြီး နေအိမ်အောက်တွေကို ဓာတ်မီးတွေနဲ့ထိုးကြည့်ရာကနေ ကလေးကထငိုတဲ့ အတွက် တပ်မတော်သားတွေက သူတို့ကို ရှာတွေ့သွားတာလို့လည်း ဆိုပါတယ်။

မှတ်ပုံတင်စစ်မယ်လို့အကြောင်းပြပြီးနောက် သူ့ကိုတစ်ဦးတည်း ဘေးအိမ်ကို ခေါ်ထုတ်ပြီး အဓမ္မပြုကျင့်ခဲ့ကြတာလို့ ကာယကံရှင်အမျိုးသမီးက ပြောပါတယ်။

“အသေခံမလား သူတို့ရဲ့ဆန္ဒကို လိုက်လျောမလားဆိုပြီး ကျွန်မကို ပြောတယ်။ ကျွန်မကတော့ သူတို့ပြောတာကို ငြင်းတယ်။ ငြင်းလို့ ထွက်ပြေးရင် သတ်ပစ်မယ်လို့ သေနတ်တွေ ဓားတွေနဲ့ ခြိမ်းခြောက်ပါတယ်။ ကျွန်မက ထွက်ပြေးဖို့ ကြိုးစားခဲ့သေးတယ်။ ထွက်ပြေးဖို့ကြိုးစားတဲ့ခါ ဗမာစစ်သားရှေ့က တစ်ယောက်  နောက်ကတစ်ယောက်က ကျွန်မကို ချုပ်ပြီး လိုက်လျောမလား မလျောဘူးလား ခြိမ်းခြောက်ပြီးတော့ပြောတယ်။ ကျွန်မဘဝကို သူတို့ကို မပေးဆပ်လိုက်ရရင် ကျွန်မအသက်အန္တရာယ် စိုးရိမ်ရတယ်။ ကျွန်မတို့မိသားစု ဆွေမျိုးတွေကို သူတို့သတ်ပစ်မယ်။ အဲဒါကို ငဲ့ညှာပြီးတော့ ကျွန်မဘဝကို ပေးလိုက်ရတယ်။ ပေးအပ်တဲ့အခါ သူတို့ ကျွန်မကို ကြိုက်သလုပ်ကြတယ်။ အဲဒီလို အဓမ္မပြုကျင့်တယ်”

ဒီကိစ္စကို ဘယ်သူ့ကိုမှထုတ်မပြောဖို့နဲ့ မုန့်ဖိုးငွေနှစ်သောင်းကျပ်ယူသွားလို့ပြောပြီး ည ၁ နာရီလောက်မှာ မူလနေရာဖြစ်တဲ့ ဗုံးခိုကျင်းထဲကို ပြန်ပို့ခဲ့ကြတယ်လို့ဆိုပါတယ်။

တပ်မတော်သားတွေက အမေဖြစ်သူကို အဓမ္မပြုကျင့်ခဲ့ကြပြီးနောက် သမီးဖြစ်သူကိုလည်း ထပ်မံပြီး အဓမ္မပြု ကျင့်ဖို့အတွက် ဗုံးခိုကျင်းထဲကနေ အဓမ္မခေါ်ဆောင်ခဲ့ကြတယ်လို့ ဆိုပါတယ်။

သမီးဖြစ်သူဟာ ကလေးမွေးထားတာ ၆ ရက်သာရှိသေးသလို ယောက္ခဖြစ်သူက အဓမ္မပြုကျင့်ဖို့ခေါ်သွားတဲ့ နေရာနောက်ကို လိုက်သွားပြီးနောက်မှာတော့ သမီးဖြစ်သူကို ပြန်လွတ်လာတယ်လို့ သူကဆက်ပြောပါတယ်။

“ကျွန်မသမီးကိုလည်း လာခေါ်တယ်။ သမီးခမျာ ငိုယိုလို့ မသွားလိုဘူး။ မသွားလိုတဲ့အတွက် သူတို့ကသေနတ်တွေကို မောင်းတင်ပြီးတော့ ပစ်သတ်မယ်ဆိုပြီး ခြိမ်းခြောက်လိုက်တယ်။ အကုန်လုံးကို သတ်ပစ်မယ် အဲဒီလိုပြောတယ်။ ကျွန်မသမီးလည်း ငိုယိုပြီးတော့ သူတို့အဓမ္မခေါ်တဲ့အခါ သွားလိုက်ရတယ်။  ကျွန်မသမီးမှာ ကလေးမွေးဖွားထားတာ ခြောက်ရက်ပဲ ရှိသေးတယ်။ သူ့ကိုဘယ်လို တားဆီးရမလဲဆိုတာကို ကျွန်မ အမျိုးမျိုးစဉ်းစားတယ်။ သမီးနောက်ကိုလည်း သူတို့ကမလိုက်စေရဘူး။ ကျွန်မယောကျာ်းရဲ့ အစ်မဖြစ်သူကို သမီးလေးကို ကျွန်မလိုမဖြစ်စေချင်ဘူး၊ ကျွန်မကတော့ကြုံခဲ့ရပြီလို့ ပြောပြတယ်။  အဲဒီလိုပြောနေတုန်း ကျွန်မ ယောက္ခမကနောက်ကနေလိုက်သွားတယ်။ ကျွန်မသမီးကိုလည်း သူတို့က လိုက်လျောခိုင်းတယ်။ ကျွန်မသမီးက ငိုလို့ယိုလို့။ ကျွန်မသမီးဆီကို ကျွန်မယောက္ခမက ရောက်သွားတော့ သူ့ကိုပြန်လွှတ်လိုက်တယ်။ သူတို့ ကျွန်မသမီးကို အဓမ္မမပြုကျင့်ခဲ့ရဘူး။ ကြံစည်ခဲ့ကြတာပေါ့”

သူမရဲ့အမျိုးသားကတော့ လွန်ခဲ့တဲ့ ၆ နှစ်လောက်ကပင် ထိုင်းနိုင်ငံဘက်ကို အလုပ်သွားရောက်လုပ်ကိုင် နေတယ်လို့ဆိုပါတယ်။ တပ်မတော်သားတွေက ထပ်မံပြီး သမီးဖြစ်သူကို အကြိမ်ကြိမ်လာရောက်ခေါ်ထုတ်ခဲ့ကြပေမယ့် နောက်ပိုင်းမှာတော့ သမီးဖြစ်သူဟာ အဓမ္မပြုကျင့်ခံရတဲ့ အခြေအနေက လွတ်မြောက်ခဲ့ရတယ်လို့ ဆိုပါတယ်။

အဲဒီတပ်မတော်စစ်ကြောင်းဟာ ပြီးခဲ့တဲ့ဇွန်လ ၃၀ ရက်နေ့ ညနေပိုင်းက ကံပြင်ကျေးရွာဘက်ကနေ ဦးဂါရွာထဲ ကို သေနတ်တွေပစ်ခတ်ပြီးတော့ ဝင်ရောက်လာခဲ့ကြတာလို့ ဒေသခံကျေးရွာသားတွေကပြောပါတယ်။

တပ်မတော်စစ်ကြောင်းတွေဟာ အေအေအဖွဲ့နဲ့ပတ်သက်လို့ သံသယနဲ့ ဒေသခံတွေကို ဖမ်းဆီးစစ်ဆေးလေ့ရှိတာကြောင့် တပ်မတော်စစ်ကြောင်းရွာထဲကိုမရောက်ခင် နာရီဝက်လောက်အလိုမှာ အမျိုးသားတွေအပါအဝင် ကျေးရွာသားအများအပြားဟာ အခြားနီးစပ်ရာကျေးရွာတွေကို ထွက်ပြေးတိမ်းရှောင်သွားခဲ့ကြတယ်လို့ ကျေးရွာသားတစ်ဦးက ပြောပါတယ်။

အဓမ္မပြုကျင့်ခံရသူရဲ့ လုံခြုံရေးအရ အမည်မဖော်လိုတဲ့ မိတ်ဆွေရင်းတစ်ဦးက ရက်သားအရွယ် ကလေးငယ်ကြောင့် သူတို့ကို အတူမခေါ်နိုင်ဘဲ ထားခဲ့ရာမှာ အခုလိုကြုံတွေ့ခဲ့ရတာလို့ ပြောပါတယ်။

“ ညနေ ၅ နာရီကျော်လောက်မှာ ကျွန်တော်တို့ရွာနဲ့အနီးမှာရှိတဲ့ ကန်ပြင်ရွာကနေ သူတို့တက်လာ တယ်။ သူတို့တက်လာတော့ ကျွန်တော်တို့လည်း တစ်ခြားရွာတွေကိုရှောင်ပြေးလာတာပေါ့။ ကျွန်တော်ကလည်း သူ့မှာ မိသားစုလည်းရှိတယ်။ မွေးထားတဲ့ကလေးကလည်း ရက်ပိုင်းပဲရှိသေးတယ်ဆိုတော့ တခြားရွာတွေကို  ရွှေ့ဖို့ပြောင်းဖို့ကလည်း ခက်ခဲတယ်။ ဒီမှာနေလည်း လုံခြုံတယ်ဆိုပြီးထားခဲ့တယ်။ ကျွန်တို့ယောကျာ်းတွေက သူတို့ဆီမှာ အမြင်ခံလို့မရဘူးလေ။ အဲဒါကြောင့် ကျွန်တော်တို့လည်း ရှောင်လာရတာပါ”

တပ်မတော်စစ်ကြောင်းဟာ မနေ့က ဇူလိုင်လ ၁ ရက်နေ့ ညနေ ၆ နာရီကျော်လောက်မှာ ရွာထဲကနေ ပြန်လည် ထွက်ခွာသွားကြတယ်လို့သိရပါတယ်။

အဲဒီလိုမထွက်ခွာခင်မှာ ရွာမှာရှိတဲ့ သက်ကြီးပိုင်းအရွယ်အမျိုးသား သုံးဦးကိုခေါ်ယူပြီး ရွာထဲမှာ မတော်မတရား လုပ်ခဲ့တာ ရှိသလားလို့ ဗီဒီယိုမှတ်တမ်းနဲ့မေးမြန်းခဲ့ရာမှာ အသက်အန္တရာယ်စိုးရိမ်ရတဲ့အခြေအနေဖြစ်လို့ မရှိဘူးလို့ဖြေကြားခဲ့ရတယ်လို့ လုံခြုံရေးအရ အမည်မဖော်လိုတဲ့ ကျေးရွာသားတစ်ဦးကပြောပါတယ်။

“မောင်မွှေးအောင်၊ ရွှေစန်အောင်၊ ကာချေမောင် အသက်ကြီးပိုင်း သုံးယောက်ကို ညနေ ၄ နာရီ လောက် မှာ ဘုန်းကြီးကျောင်းကိုခေါ်သွားတယ်။ ဗိုလ်ကြီးတစ်ယောက်က မေးတယ်တဲ့။ ရွာမှာ တညအိမ်ခဲ့တာ ဘာအပြစ်တွေရှိလည်းလို့ သူတို့လည်းကြောက်လို့ မရှိဘူးလို့ပြောတာပေါ့။ ရွှေ၊ ငွေ ရတနာတွေ၊ ကြက်ငှက်တွေ ကို ခိုးယူတာတွေရှိလား ဆိုလည်း မရှိဘူးလို့ဖြေလိုက်တာပေါ့။ နောက် အဓမ္မပြုကျင့်တာတွေရှိလား ဆိုပြီးတော့ မေးတယ်။ မရှိဘူးလို့ ပြောလိုက်တယ်။ အဲဒါကို ဗွီဒီယိုရိုက်လို့ မေးတာပါ”

အခုလို တပ်မတော်သားတွေက အဓမ္မပြုကျင့်ခံရတဲ့ကိစ္စအပေါ် ကုလသမဂ္ဂနဲ့ နိုင်ငံတကာသံရုံးအချို့ကို အသိပေးတိုင်ကြားထားသလို သက်သေအထောက်အထားအနေနဲ့ သုတ်သွေးတွေပေကျံနေတဲ့ လုံချည်ကိုပါ သိမ်းဆည်းထားတယ်လို့ ဒေသခံတစ်ဦးက RFA ကိုပြောပါတယ်။

လက်ရှိမှာ အဲဒီအမျိုးသမီးကို လုံခြုံတဲ့နေရာတစ်ခုမှာစောင့်ရှောက်ထားတယ်လို့ အကူအညီပေးသူအချို့က ပြောဆိုပြီး သူ့ရဲ့လုံခြုံရေးအရဆိုပြီးတော့ အသေးစိတ်အခြေအနေကို ထုတ်ဖော်ပြောဖို့ ငြင်းဆိုကြပါတယ်။

ရန်ကုန်မြို့အခြေစိုက် ကုလသမဂ္ဂရုံး ပြန်ကြားရေးအရာရှိ ဦးအေးဝင်းကို RFA ကမနေ့ညနေက ဆက်သွယ်မေးမြန်းခဲ့ရာမှာလည်း ဒီကိစ္စနဲ့ပတ်သက်လို့ သူ့အနေနဲ့ မသိသေးဘူးလို့ တုံ့ပြန်ခဲ့ပါတယ်။

ရခိုင်ပြည်နယ်အစိုးရအဖွဲ့ လုံခြုံရေးနဲ့နယ်စပ်ရေးရာဝန်ကြီး ဗိုလ်မှူးကြီးမင်းသန်းကတော့ အဲဒီမနက် ဦးဂါရွာအနီးကို တပ်မတော်စစ်ကြောင်းသွားရောက်ခဲ့ပေမယ့် ညနေပိုင်းမှာ ပြန်ထွက်သွားတာကြောင့် ဒီစွပ်စွဲချက်ဟာ မဖြစ်နိုင်ဘူးလို့ပြောပါတယ်။

“အဲဒါတော့ မဖြစ်လောက်ပါဘူး။ အဲဒီနေ့မနက်ကတပ်က အဲဒီရွာကို ရှင်းလင်းခြင်းလုပ်ပြီးတော့ တောင်ကုန်း ထက်ကိုပဲတက်လာတယ်။ အဲဒီရွာရဲ့အရှေ့ဘက်မှာတောင်ကုန်းရှိတယ် အဲဒီမှာ အေအေရှိတယ်လို့ သတင်းရလို့ အဲဒီကို သွားကြတယ်။ အဲတော့ ညဘက်မှာ အဲဒီရွာနားမှာတပ်မရှိဘူး။ အဲဒီရွာမှာ တပ်မရှိတာကို လုပ်ကြံပြီးတော့ ရေးနေကြတာပေါ့။ အဲဒါကို သူက တရားဝင်တရားစွဲရမယ်။ လုပ်ရမယ့်လုပ်ထုံးလုပ်နည်းက သူကအမှုဖွင့်ရမယ်။ သူကအမှုဖွင့်တာမလုပ်ဘဲနဲ့သူက သွားပုပ်လေလွင့်ပြောသလိုဖြစ်နေတာလေ။ အဲတော့သူကအမှုဖွင့်လာရင် ဆေးမှတ်ချက်တွေယူပြီးတော့ မှန်ရင်လည်းမှန်တဲ့အတိုင်း လာရမယ်။ အခုကသူကအဲလိုလုပ်တာမရှိဘူး။ သူ့ဘက်က ပွင့်လင်းမှု၊ တရားဝင်လုပ်မှုမရှိဘူးလေ။ ဘယ်သူပဲဖြစ်ဖြစ် မုဒိမ်းကျင့်ခံရတယ်ဆိုရင် အကျင့်ခံရတဲ့သူက ရဲစခန်းမှာတိုင်ကြားနိုင်တယ်။ တိုင်ကြားရင် ရဲစခန်းမှာ အမှုဖွင့်ပြီးတော့ စစ်ဆေးမယ်။ ဒါမျိုးပဲသွားရမှာလေ။ အခုဒီကိစ္စစိစစ်လိုက်တော့ တပ်ကလည်းအဲဒီမှာမရှိဘူး။ အဲဒီနေ့ညက တပ်က အဲဒီမှာအိပ်တာမရှိဘူး။ တပ်က တောင်ကုန်းပေါ် တက်သွားတာ”

တပ်မတော်သတင်းမှန်ပြန်ကြားရေးအဖွဲ့ အတွင်းရေးမှူး ဗိုလ်မှူးချုပ်ဇော်မင်းထွန်းကလည်း ဒီကိစ္စနဲ့ပတ်သက်လို့ တပ်မတော်က အသေးစိတ်စုံစမ်းခဲ့ရာမှာ ဒီဖြစ်စဉ်မျိုးဖြစ်ပွားတာမရှိဘူးလို့ RFA ကို မနေ့ညနေက ပြောဆိုခဲ့ပါ တယ်။

“ရသေ့တောင်ကိစ္စက နယ်မြေမှာ လုံခြုံရေးစစ်ဆေးမှုတွေ စတင်ဆောင်ရွက်တိုင်း အဲဒီဘက်သတင်းဌာနတွေက အမြဲတမ်းဖွနေတဲ့ဟာတွေ ဖြစ်တယ်။ အမြဲတမ်းဖွနေတဲ့အတွက်ကြောင့် ပုံကြီးချဲ့ပြီးတော့မှ လူတွေ ထွက်ပြေးတဲ့ ပုံစံမျိုးပေါ့နော်။ တချို့တိမ်းရှောင်တဲ့လူတွေမရှိမဟုတ်ဘူး ရှိတယ်။ ဒါကိုပုံကြီးချဲ့ပြီးတော့ လုပ်နေတာရှိတယ်။ ဒါကိုအရှိန်မြှင့်ပြီးတော့မှ အခုအချိန်မှာ မုဒိမ်းလို ဥစ္စာမျိုးပေါ့ဗျာ အဓမ္မပြုကျင့်တယ်ဆိုတဲ့ ပုံစံမျိုးအထိ စွပ်စွဲလာတာဖြစ်တယ်။ ဒါကြောင့်မို့လို့လည်း ကျွန်တော်တို့အနေနဲ့ ရွာတွေကို နောက်ပိုင်းမှာ လုံခြုံရေးအရ စစ်ဆေးမှုလုပ်တဲ့အခါမှာ စစ်ဆေးမှုအထောက်အထားတွေ၊ သက်သေတွေယူပြီးတော့ ဆောင်ရွက်လေ့ရှိတယ်။ ဒါနဲ့ပတ်သက်ပြီးတော့ ကျွန်တော်တို့က ပြန်လည်ပြီးတော့မှ မနက်ကတည်းက ဒီသတင်းဖြစ်နေတာကို သိတယ်။ ဒီသတင်းနဲ့ပတ်သက်ပြီးတော့မှ မြေပြင်မှာ သေချာစုံစမ်းစစ်ဆေးတယ်။ ကျွန်တော်တို့အနေနဲ့ကတော့ ဒီလိုမျိုးကိစ္စတွေကို ခွင့်လွှတ်ရိုးထုံးစံမရှိဘူး မှန်ခဲ့ရင်။ ဒါကြောင့်မို့လို့ ဒီကိစ္စ စုံစမ်းစစ်ဆေးပါတယ်။ ဖြစ်စဉ်မမှန်ကြောင်းအတည်ပြုနိုင်တော့မှ ကျွန်တော်တို့ကထုတ်ပြန်တာဖြစ်ပါတယ်”

တပ်မတော်သားတွေက ပြစ်မှုကျူးလွန်ခဲ့တယ်ဆိုတဲ့ သတင်းဟာ ဒေသတွင်းမှာ အတော်များများ ပျံ့နှံ့နေတာကြောင့် ဒီဖြစ်စဉ်အမှန်တကယ် ဖြစ်ပွားခြင်းရှိ၊ မရှိဆိုတာကို သီးခြားစုံစမ်းလေ့လာမှုတွေ လုပ်ဖို့ လိုနေတယ်လို့လည်း လေ့လာသူတွေက သုံးသပ်နေကြပါတယ်။

၂ဝ၁၈ ခုနှစ် သြဂုတ်လက ထုတ်ပြန်ခဲ့တဲ့ အမေရိကန်နိုင်ငံခြားရေးဝန်ကြီးဌာန အစီအရင်ခံစာမှာ ရခိုင်ပြည်နယ်မြောက်ပိုင်း နယ်မြေရှင်းလင်းရေး လုပ်ဆောင်စဉ် တပ်မတော်သားတွေအနေနဲ့  မူဆလင်ရိုဟင်ဂျာ အမျိုးသမီးတွေအပေါ် လိင်ပိုင်းဆိုင်ရာ အကြမ်းဖက်မှု၊ အဓမ္မပြုကျင့်မှုတွေ ရှိကြောင်း ဖော်ပြထားသလို လူ့အခွင့်အရေးစောင့်ကြည့်လေ့လာရေးအဖွဲ့ကြီး HRW ကလည်း ထွက်ပြေးလာသူ အမျိုးသမီးတွေကို တွေ့ဆုံမေးမြန်းပြီး ၂ဝ၁၇ နိုဝင်ဘာလက အစီအရင်ခံစာတွေ ထုတ်ပြန်ခဲ့ဖူးပါတယ်။

RFA Burmese
----------------------------------

(Zawgyi)⤵⤵⤵
တပ္သားသုံးဦးက အဓမၼျပဳက်င့္ခဲ့ေၾကာင္း ရေသ့ေတာင္အမ်ိဳးသမီး ေျပာၾကား၊ တပ္မေတာ္ ျငင္းဆို

ရခိုင္ျပည္နယ္ ရေသ့ေတာင္ၿမိဳ႕နယ္ေတာင္ပိုင္း မူစဲကမ္းေပၚမွာရွိတဲ့ ဦးဂါေက်း႐ြာက အမ်ိဳးသမီးတစ္ဦးကို ၿပီးခဲ့တဲ့ဇြန္လ ၃၀ ရက္ေန႔ညက တပ္မေတာ္သား ၃ ဦးက အဓမၼျပဳက်င့္ခဲ့တယ္လို႔ ကာယကံရွင္ကေျပာဆို ေပမယ့္ တပ္မေတာ္ကေတာ့ ဒါဟာ တပ္မေတာ္အေပၚ ျပည္သူလူထုအထင္အျမင္လြဲမွားေစဖို႔ လုပ္ႀကံဖန္တီးမႈ တရပ္သာျဖစ္တယ္လို႔ တုံ႔ျပန္ပါတယ္။

ရခိုင္ျပည္နယ္ ရေသ့ေတာင္ၿမိဳ႕နယ္ ဦးဂါေက်း႐ြာမွာ တပ္မေတာ္သား ၃ ဦးရဲ႕ အဓမၼျပဳက်င့္တာကို ခံခဲ့ရတယ္လို႔ အသက္ ၃၆ ႏွစ္အ႐ြယ္ သားသမီး ၄ ေယာက္ရဲ႕ မိခင္တစ္ဦးျဖစ္သူ ကာယကံရွင္အမ်ိဳးသမီးက RFA ကို ဇူလိုင္လ ၂ ရက္ေန႔ က ေျပာဆိုခဲ့ပါတယ္။

ၿပီးခဲ့တဲ့ ဇြန္လ ၃၀ ရက္ေန႔ည ၁၁ နာရီအခ်ိန္ေလာက္မွာ သမီး၊ ေျမး၊ အေဒၚ၊ အစ္မ၊ ေယာကၡမတို႔နဲ႔အတူ အိမ္ေအာက္ဗုံးခိုက်င္းထဲမွာ ပုန္းေအာင္းေနစဥ္ တပ္မေတာ္သား ၄ ဦးက အိမ္ထဲကို ဝင္ေရာက္ခဲ့ၾကတာလို႔ ဆိုပါတယ္။

ေသနတ္ေတြကို ေမာင္းတင္ၿပီး ေနအိမ္ေအာက္ေတြကို ဓာတ္မီးေတြနဲ႔ထိုးၾကည့္ရာကေန ကေလးကထငိုတဲ့ အတြက္ တပ္မေတာ္သားေတြက သူတို႔ကို ရွာေတြ႕သြားတာလို႔လည္း ဆိုပါတယ္။

မွတ္ပုံတင္စစ္မယ္လို႔အေၾကာင္းျပၿပီးေနာက္ သူ႔ကိုတစ္ဦးတည္း ေဘးအိမ္ကို ေခၚထုတ္ၿပီး အဓမၼျပဳက်င့္ခဲ့ၾကတာလို႔ ကာယကံရွင္အမ်ိဳးသမီးက ေျပာပါတယ္။

“အေသခံမလား သူတို႔ရဲ႕ဆႏၵကို လိုက္ေလ်ာမလားဆိုၿပီး ကြၽန္မကို ေျပာတယ္။ ကြၽန္မကေတာ့ သူတို႔ေျပာတာကို ျငင္းတယ္။ ျငင္းလို႔ ထြက္ေျပးရင္ သတ္ပစ္မယ္လို႔ ေသနတ္ေတြ ဓားေတြနဲ႔ ၿခိမ္းေျခာက္ပါတယ္။ ကြၽန္မက ထြက္ေျပးဖို႔ ႀကိဳးစားခဲ့ေသးတယ္။ ထြက္ေျပးဖို႔ႀကိဳးစားတဲ့ခါ ဗမာစစ္သားေရွ႕က တစ္ေယာက္  ေနာက္ကတစ္ေယာက္က ကြၽန္မကို ခ်ဳပ္ၿပီး လိုက္ေလ်ာမလား မေလ်ာဘူးလား ၿခိမ္းေျခာက္ၿပီးေတာ့ေျပာတယ္။ ကြၽန္မဘဝကို သူတို႔ကို မေပးဆပ္လိုက္ရရင္ ကြၽန္မအသက္အႏၲရာယ္ စိုးရိမ္ရတယ္။ ကြၽန္မတို႔မိသားစု ေဆြမ်ိဳးေတြကို သူတို႔သတ္ပစ္မယ္။ အဲဒါကို ငဲ့ညႇာၿပီးေတာ့ ကြၽန္မဘဝကို ေပးလိုက္ရတယ္။ ေပးအပ္တဲ့အခါ သူတို႔ ကြၽန္မကို ႀကိဳက္သလုပ္ၾကတယ္။ အဲဒီလို အဓမၼျပဳက်င့္တယ္”

ဒီကိစၥကို ဘယ္သူ႔ကိုမွထုတ္မေျပာဖို႔နဲ႔ မုန႔္ဖိုးေငြႏွစ္ေသာင္းက်ပ္ယူသြားလို႔ေျပာၿပီး ည ၁ နာရီေလာက္မွာ မူလေနရာျဖစ္တဲ့ ဗုံးခိုက်င္းထဲကို ျပန္ပို႔ခဲ့ၾကတယ္လို႔ဆိုပါတယ္။

တပ္မေတာ္သားေတြက အေမျဖစ္သူကို အဓမၼျပဳက်င့္ခဲ့ၾကၿပီးေနာက္ သမီးျဖစ္သူကိုလည္း ထပ္မံၿပီး အဓမၼျပဳ က်င့္ဖို႔အတြက္ ဗုံးခိုက်င္းထဲကေန အဓမၼေခၚေဆာင္ခဲ့ၾကတယ္လို႔ ဆိုပါတယ္။

သမီးျဖစ္သူဟာ ကေလးေမြးထားတာ ၆ ရက္သာရွိေသးသလို ေယာကၡျဖစ္သူက အဓမၼျပဳက်င့္ဖို႔ေခၚသြားတဲ့ ေနရာေနာက္ကို လိုက္သြားၿပီးေနာက္မွာေတာ့ သမီးျဖစ္သူကို ျပန္လြတ္လာတယ္လို႔ သူကဆက္ေျပာပါတယ္။

“ကြၽန္မသမီးကိုလည္း လာေခၚတယ္။ သမီးခမ်ာ ငိုယိုလို႔ မသြားလိုဘူး။ မသြားလိုတဲ့အတြက္ သူတို႔ကေသနတ္ေတြကို ေမာင္းတင္ၿပီးေတာ့ ပစ္သတ္မယ္ဆိုၿပီး ၿခိမ္းေျခာက္လိုက္တယ္။ အကုန္လုံးကို သတ္ပစ္မယ္ အဲဒီလိုေျပာတယ္။ ကြၽန္မသမီးလည္း ငိုယိုၿပီးေတာ့ သူတို႔အဓမၼေခၚတဲ့အခါ သြားလိုက္ရတယ္။  ကြၽန္မသမီးမွာ ကေလးေမြးဖြားထားတာ ေျခာက္ရက္ပဲ ရွိေသးတယ္။ သူ႔ကိုဘယ္လို တားဆီးရမလဲဆိုတာကို ကြၽန္မ အမ်ိဳးမ်ိဳးစဥ္းစားတယ္။ သမီးေနာက္ကိုလည္း သူတို႔ကမလိုက္ေစရဘူး။ ကြၽန္မေယာက်ာ္းရဲ႕ အစ္မျဖစ္သူကို သမီးေလးကို ကြၽန္မလိုမျဖစ္ေစခ်င္ဘူး၊ ကြၽန္မကေတာ့ႀကဳံခဲ့ရၿပီလို႔ ေျပာျပတယ္။  အဲဒီလိုေျပာေနတုန္း ကြၽန္မ ေယာကၡမကေနာက္ကေနလိုက္သြားတယ္။ ကြၽန္မသမီးကိုလည္း သူတို႔က လိုက္ေလ်ာခိုင္းတယ္။ ကြၽန္မသမီးက ငိုလို႔ယိုလို႔။ ကြၽန္မသမီးဆီကို ကြၽန္မေယာကၡမက ေရာက္သြားေတာ့ သူ႔ကိုျပန္လႊတ္လိုက္တယ္။ သူတို႔ ကြၽန္မသမီးကို အဓမၼမျပဳက်င့္ခဲ့ရဘူး။ ႀကံစည္ခဲ့ၾကတာေပါ့”

သူမရဲ႕အမ်ိဳးသားကေတာ့ လြန္ခဲ့တဲ့ ၆ ႏွစ္ေလာက္ကပင္ ထိုင္းႏိုင္ငံဘက္ကို အလုပ္သြားေရာက္လုပ္ကိုင္ ေနတယ္လို႔ဆိုပါတယ္။ တပ္မေတာ္သားေတြက ထပ္မံၿပီး သမီးျဖစ္သူကို အႀကိမ္ႀကိမ္လာေရာက္ေခၚထုတ္ခဲ့ၾကေပမယ့္ ေနာက္ပိုင္းမွာေတာ့ သမီးျဖစ္သူဟာ အဓမၼျပဳက်င့္ခံရတဲ့ အေျခအေနက လြတ္ေျမာက္ခဲ့ရတယ္လို႔ ဆိုပါတယ္။

အဲဒီတပ္မေတာ္စစ္ေၾကာင္းဟာ ၿပီးခဲ့တဲ့ဇြန္လ ၃၀ ရက္ေန႔ ညေနပိုင္းက ကံျပင္ေက်း႐ြာဘက္ကေန ဦးဂါ႐ြာထဲ ကို ေသနတ္ေတြပစ္ခတ္ၿပီးေတာ့ ဝင္ေရာက္လာခဲ့ၾကတာလို႔ ေဒသခံေက်း႐ြာသားေတြကေျပာပါတယ္။

တပ္မေတာ္စစ္ေၾကာင္းေတြဟာ ေအေအအဖြဲ႕နဲ႔ပတ္သက္လို႔ သံသယနဲ႔ ေဒသခံေတြကို ဖမ္းဆီးစစ္ေဆးေလ့ရွိတာေၾကာင့္ တပ္မေတာ္စစ္ေၾကာင္း႐ြာထဲကိုမေရာက္ခင္ နာရီဝက္ေလာက္အလိုမွာ အမ်ိဳးသားေတြအပါအဝင္ ေက်း႐ြာသားအမ်ားအျပားဟာ အျခားနီးစပ္ရာေက်း႐ြာေတြကို ထြက္ေျပးတိမ္းေရွာင္သြားခဲ့ၾကတယ္လို႔ ေက်း႐ြာသားတစ္ဦးက ေျပာပါတယ္။

အဓမၼျပဳက်င့္ခံရသူရဲ႕ လုံၿခဳံေရးအရ အမည္မေဖာ္လိုတဲ့ မိတ္ေဆြရင္းတစ္ဦးက ရက္သားအ႐ြယ္ ကေလးငယ္ေၾကာင့္ သူတို႔ကို အတူမေခၚႏိုင္ဘဲ ထားခဲ့ရာမွာ အခုလိုႀကဳံေတြ႕ခဲ့ရတာလို႔ ေျပာပါတယ္။

“ ညေန ၅ နာရီေက်ာ္ေလာက္မွာ ကြၽန္ေတာ္တို႔႐ြာနဲ႔အနီးမွာရွိတဲ့ ကန္ျပင္႐ြာကေန သူတို႔တက္လာ တယ္။ သူတို႔တက္လာေတာ့ ကြၽန္ေတာ္တို႔လည္း တစ္ျခား႐ြာေတြကိုေရွာင္ေျပးလာတာေပါ့။ ကြၽန္ေတာ္ကလည္း သူ႔မွာ မိသားစုလည္းရွိတယ္။ ေမြးထားတဲ့ကေလးကလည္း ရက္ပိုင္းပဲရွိေသးတယ္ဆိုေတာ့ တျခား႐ြာေတြကို  ေ႐ႊ႕ဖို႔ေျပာင္းဖို႔ကလည္း ခက္ခဲတယ္။ ဒီမွာေနလည္း လုံၿခဳံတယ္ဆိုၿပီးထားခဲ့တယ္။ ကြၽန္တို႔ေယာက်ာ္းေတြက သူတို႔ဆီမွာ အျမင္ခံလို႔မရဘူးေလ။ အဲဒါေၾကာင့္ ကြၽန္ေတာ္တို႔လည္း ေရွာင္လာရတာပါ”

တပ္မေတာ္စစ္ေၾကာင္းဟာ မေန႔က ဇူလိုင္လ ၁ ရက္ေန႔ ညေန ၆ နာရီေက်ာ္ေလာက္မွာ ႐ြာထဲကေန ျပန္လည္ ထြက္ခြာသြားၾကတယ္လို႔သိရပါတယ္။

အဲဒီလိုမထြက္ခြာခင္မွာ ႐ြာမွာရွိတဲ့ သက္ႀကီးပိုင္းအ႐ြယ္အမ်ိဳးသား သုံးဦးကိုေခၚယူၿပီး ႐ြာထဲမွာ မေတာ္မတရား လုပ္ခဲ့တာ ရွိသလားလို႔ ဗီဒီယိုမွတ္တမ္းနဲ႔ေမးျမန္းခဲ့ရာမွာ အသက္အႏၲရာယ္စိုးရိမ္ရတဲ့အေျခအေနျဖစ္လို႔ မရွိဘူးလို႔ေျဖၾကားခဲ့ရတယ္လို႔ လုံၿခဳံေရးအရ အမည္မေဖာ္လိုတဲ့ ေက်း႐ြာသားတစ္ဦးကေျပာပါတယ္။

“ေမာင္ေမႊးေအာင္၊ ေ႐ႊစန္ေအာင္၊ ကာေခ်ေမာင္ အသက္ႀကီးပိုင္း သုံးေယာက္ကို ညေန ၄ နာရီ ေလာက္ မွာ ဘုန္းႀကီးေက်ာင္းကိုေခၚသြားတယ္။ ဗိုလ္ႀကီးတစ္ေယာက္က ေမးတယ္တဲ့။ ႐ြာမွာ တညအိမ္ခဲ့တာ ဘာအျပစ္ေတြရွိလည္းလို႔ သူတို႔လည္းေၾကာက္လို႔ မရွိဘူးလို႔ေျပာတာေပါ့။ ေ႐ႊ၊ ေငြ ရတနာေတြ၊ ၾကက္ငွက္ေတြ ကို ခိုးယူတာေတြရွိလား ဆိုလည္း မရွိဘူးလို႔ေျဖလိုက္တာေပါ့။ ေနာက္ အဓမၼျပဳက်င့္တာေတြရွိလား ဆိုၿပီးေတာ့ ေမးတယ္။ မရွိဘူးလို႔ ေျပာလိုက္တယ္။ အဲဒါကို ဗြီဒီယို႐ိုက္လို႔ ေမးတာပါ”

အခုလို တပ္မေတာ္သားေတြက အဓမၼျပဳက်င့္ခံရတဲ့ကိစၥအေပၚ ကုလသမဂၢနဲ႔ ႏိုင္ငံတကာသံ႐ုံးအခ်ိဳ႕ကို အသိေပးတိုင္ၾကားထားသလို သက္ေသအေထာက္အထားအေနနဲ႔ သုတ္ေသြးေတြေပက်ံေနတဲ့ လုံခ်ည္ကိုပါ သိမ္းဆည္းထားတယ္လို႔ ေဒသခံတစ္ဦးက RFA ကိုေျပာပါတယ္။

လက္ရွိမွာ အဲဒီအမ်ိဳးသမီးကို လုံၿခဳံတဲ့ေနရာတစ္ခုမွာေစာင့္ေရွာက္ထားတယ္လို႔ အကူအညီေပးသူအခ်ိဳ႕က ေျပာဆိုၿပီး သူ႔ရဲ႕လုံၿခဳံေရးအရဆိုၿပီးေတာ့ အေသးစိတ္အေျခအေနကို ထုတ္ေဖာ္ေျပာဖို႔ ျငင္းဆိုၾကပါတယ္။

ရန္ကုန္ၿမိဳ႕အေျခစိုက္ ကုလသမဂၢ႐ုံး ျပန္ၾကားေရးအရာရွိ ဦးေအးဝင္းကို RFA ကမေန႔ညေနက ဆက္သြယ္ေမးျမန္းခဲ့ရာမွာလည္း ဒီကိစၥနဲ႔ပတ္သက္လို႔ သူ႔အေနနဲ႔ မသိေသးဘူးလို႔ တုံ႔ျပန္ခဲ့ပါတယ္။

ရခိုင္ျပည္နယ္အစိုးရအဖြဲ႕ လုံၿခဳံေရးနဲ႔နယ္စပ္ေရးရာဝန္ႀကီး ဗိုလ္မႉးႀကီးမင္းသန္းကေတာ့ အဲဒီမနက္ ဦးဂါ႐ြာအနီးကို တပ္မေတာ္စစ္ေၾကာင္းသြားေရာက္ခဲ့ေပမယ့္ ညေနပိုင္းမွာ ျပန္ထြက္သြားတာေၾကာင့္ ဒီစြပ္စြဲခ်က္ဟာ မျဖစ္ႏိုင္ဘူးလို႔ေျပာပါတယ္။

“အဲဒါေတာ့ မျဖစ္ေလာက္ပါဘူး။ အဲဒီေန႔မနက္ကတပ္က အဲဒီ႐ြာကို ရွင္းလင္းျခင္းလုပ္ၿပီးေတာ့ ေတာင္ကုန္း ထက္ကိုပဲတက္လာတယ္။ အဲဒီ႐ြာရဲ႕အေရွ႕ဘက္မွာေတာင္ကုန္းရွိတယ္ အဲဒီမွာ ေအေအရွိတယ္လို႔ သတင္းရလို႔ အဲဒီကို သြားၾကတယ္။ အဲေတာ့ ညဘက္မွာ အဲဒီ႐ြာနားမွာတပ္မရွိဘူး။ အဲဒီ႐ြာမွာ တပ္မရွိတာကို လုပ္ႀကံၿပီးေတာ့ ေရးေနၾကတာေပါ့။ အဲဒါကို သူက တရားဝင္တရားစြဲရမယ္။ လုပ္ရမယ့္လုပ္ထုံးလုပ္နည္းက သူကအမႈဖြင့္ရမယ္။ သူကအမႈဖြင့္တာမလုပ္ဘဲနဲ႔သူက သြားပုပ္ေလလြင့္ေျပာသလိုျဖစ္ေနတာေလ။ အဲေတာ့သူကအမႈဖြင့္လာရင္ ေဆးမွတ္ခ်က္ေတြယူၿပီးေတာ့ မွန္ရင္လည္းမွန္တဲ့အတိုင္း လာရမယ္။ အခုကသူကအဲလိုလုပ္တာမရွိဘူး။ သူ႔ဘက္က ပြင့္လင္းမႈ၊ တရားဝင္လုပ္မႈမရွိဘူးေလ။ ဘယ္သူပဲျဖစ္ျဖစ္ မုဒိမ္းက်င့္ခံရတယ္ဆိုရင္ အက်င့္ခံရတဲ့သူက ရဲစခန္းမွာတိုင္ၾကားႏိုင္တယ္။ တိုင္ၾကားရင္ ရဲစခန္းမွာ အမႈဖြင့္ၿပီးေတာ့ စစ္ေဆးမယ္။ ဒါမ်ိဳးပဲသြားရမွာေလ။ အခုဒီကိစၥစိစစ္လိုက္ေတာ့ တပ္ကလည္းအဲဒီမွာမရွိဘူး။ အဲဒီေန႔ညက တပ္က အဲဒီမွာအိပ္တာမရွိဘူး။ တပ္က ေတာင္ကုန္းေပၚ တက္သြားတာ”

တပ္မေတာ္သတင္းမွန္ျပန္ၾကားေရးအဖြဲ႕ အတြင္းေရးမႉး ဗိုလ္မႉးခ်ဳပ္ေဇာ္မင္းထြန္းကလည္း ဒီကိစၥနဲ႔ပတ္သက္လို႔ တပ္မေတာ္က အေသးစိတ္စုံစမ္းခဲ့ရာမွာ ဒီျဖစ္စဥ္မ်ိဳးျဖစ္ပြားတာမရွိဘူးလို႔ RFA ကို မေန႔ညေနက ေျပာဆိုခဲ့ပါ တယ္။

“ရေသ့ေတာင္ကိစၥက နယ္ေျမမွာ လုံၿခဳံေရးစစ္ေဆးမႈေတြ စတင္ေဆာင္႐ြက္တိုင္း အဲဒီဘက္သတင္းဌာနေတြက အၿမဲတမ္းဖြေနတဲ့ဟာေတြ ျဖစ္တယ္။ အၿမဲတမ္းဖြေနတဲ့အတြက္ေၾကာင့္ ပုံႀကီးခ်ဲ႕ၿပီးေတာ့မွ လူေတြ ထြက္ေျပးတဲ့ ပုံစံမ်ိဳးေပါ့ေနာ္။ တခ်ိဳ႕တိမ္းေရွာင္တဲ့လူေတြမရွိမဟုတ္ဘူး ရွိတယ္။ ဒါကိုပုံႀကီးခ်ဲ႕ၿပီးေတာ့ လုပ္ေနတာရွိတယ္။ ဒါကိိုအရွိန္ျမႇင့္ၿပီးေတာ့မွ အခုအခ်ိန္မွာ မုဒိမ္းလို ဥစၥာမ်ိဳးေပါ့ဗ်ာ အဓမၼျပဳက်င့္တယ္ဆိုတဲ့ ပုံစံမ်ိဳးအထိ စြပ္စြဲလာတာျဖစ္တယ္။ ဒါေၾကာင့္မို႔လို႔လည္း ကြၽန္ေတာ္တို႔အေနနဲ႔ ႐ြာေတြကို ေနာက္ပိုင္းမွာ လုံၿခဳံေရးအရ စစ္ေဆးမႈလုပ္တဲ့အခါမွာ စစ္ေဆးမႈအေထာက္အထားေတြ၊ သက္ေသေတြယူၿပီးေတာ့ ေဆာင္႐ြက္ေလ့ရွိတယ္။ ဒါနဲ႔ပတ္သက္ၿပီးေတာ့ ကြၽန္ေတာ္တို႔က ျပန္လည္ၿပီးေတာ့မွ မနက္ကတည္းက ဒီသတင္းျဖစ္ေနတာကို သိတယ္။ ဒီသတင္းနဲ႔ပတ္သက္ၿပီးေတာ့မွ ေျမျပင္မွာ ေသခ်ာစုံစမ္းစစ္ေဆးတယ္။ ကြၽန္ေတာ္တို႔အေနနဲ႔ကေတာ့ ဒီလိုမ်ိဳးကိစၥေတြကို ခြင့္လႊတ္႐ိုးထုံးစံမရွိဘူး မွန္ခဲ့ရင္။ ဒါေၾကာင့္မို႔လို႔ ဒီကိစၥ စုံစမ္းစစ္ေဆးပါတယ္။ ျဖစ္စဥ္မမွန္ေၾကာင္းအတည္ျပဳႏိုင္ေတာ့မွ ကြၽန္ေတာ္တို႔ကထုတ္ျပန္တာျဖစ္ပါတယ္”

တပ္မေတာ္သားေတြက ျပစ္မႈက်ဴးလြန္ခဲ့တယ္ဆိုတဲ့ သတင္းဟာ ေဒသတြင္းမွာ အေတာ္မ်ားမ်ား ပ်ံ႕ႏွံ႔ေနတာေၾကာင့္ ဒီျဖစ္စဥ္အမွန္တကယ္ ျဖစ္ပြားျခင္းရွိ၊ မရွိဆိုတာကို သီးျခားစုံစမ္းေလ့လာမႈေတြ လုပ္ဖို႔ လိုေနတယ္လို႔လည္း ေလ့လာသူေတြက သုံးသပ္ေနၾကပါတယ္။

၂ဝ၁၈ ခုႏွစ္ ၾသဂုတ္လက ထုတ္ျပန္ခဲ့တဲ့ အေမရိကန္ႏိုင္ငံျခားေရးဝန္ႀကီးဌာန အစီအရင္ခံစာမွာ ရခိုင္ျပည္နယ္ေျမာက္ပိုင္း နယ္ေျမရွင္းလင္းေရး လုပ္ေဆာင္စဥ္ တပ္မေတာ္သားေတြအေနနဲ႔  မူဆလင္႐ိုဟင္ဂ်ာ အမ်ိဳးသမီးေတြအေပၚ လိင္ပိုင္းဆိုင္ရာ အၾကမ္းဖက္မႈ၊ အဓမၼျပဳက်င့္မႈေတြ ရွိေၾကာင္း ေဖာ္ျပထားသလို လူ႔အခြင့္အေရးေစာင့္ၾကည့္ေလ့လာေရးအဖြဲ႕ႀကီး HRW ကလည္း ထြက္ေျပးလာသူ အမ်ိဳးသမီးေတြကို ေတြ႕ဆုံေမးျမန္းၿပီး ၂ဝ၁၇ ႏိုဝင္ဘာလက အစီအရင္ခံစာေတြ ထုတ္ျပန္ခဲ့ဖူးပါတယ္။

RFA Burmese
https://www.rfa.org/burmese/news/rakhine-rathedaung-woman-army-rape-07032020164747.html