ကုိ႐ုိနာဗုိင္းရပ္စ္ေၾကာင့္ ဂ်ပန္ေရာက္ ျမန္မာေတြ အခက္ႀကံဳ

ကုိ႐ိုနာဗုိင္းရပ္စ္ အႏၱရာယ္ ကာကြယ္ႏုိင္ေရး ႏွာေခါင္းစည္းတပ္ အလုပ္လုပ္ေနသည့္ ဂ်ပန္ႏုိင္ငံမွ စားေသာက္ဆုိင္ဝန္ထမ္းတဦး။ (ေဖေဖာ္ဝါရီ ၂၇၊ ၂၀၂၀)

(Zawgyi / Unicode)

ဂ်ပန္ႏိုင္ငံက ကုိ႐ုိနာဗိုင္းရပ္စ္ ကာကြယ္တားဆီးႏိုင္ေရးမွာ ျပည္သူေတြရဲ႕ ပူးေပါင္းပါဝင္မႈ လိုအပ္ေၾကာင္း စေနေန႔တုန္းက ဂ်ပန္ဝန္ႀကီးခ်ဳပ္ Shinzo Abe က တိုက္တြန္းလိုက္ပါတယ္။ ေရာဂါကူးစက္မႈေၾကာင့္ တႏိုင္ငံလုံး စာသင္ေက်ာင္းေတြ ပိတ္ထားလိုက္သလုိ လူအမ်ား စုေဝးတတ္တဲ့ အားကစားနဲ႔ ေဖ်ာ္ေျဖေရးပြဲေတြကို ယာယီရပ္နားထားၾကဖို႔ ဝန္ႀကီးခ်ဳပ္က သတိေပးလုိက္တဲ့အတြက္ ဂ်ပန္ႏုိင္ငံသားေတြနဲ႔ ဂ်ပန္ေရာက္ ျမန္မာႏိုင္ငံသားေတြၾကားမွာလည္း စုိးရိမ္မႈေတြ တုိးလာေနတာပါ။ အေၾကာင္းစုံကိုေတာ့ ကိုဉာဏ္ဝင္းေအာင္က တင္ျပပါမယ္။

ဂ်ပန္ႏိုင္ငံမွာ ကုိ႐ုိနာဗိုင္းရပ္စ္ ကူးစက္ျပန္႔ပြားမႈ အသစ္ေတြ ထပ္တိုးလာတာေၾကာင့္ ဒါကို တုံ႔ျပန္ကိုင္တြယ္ႏုိင္ဖို႔အတြက္ ဂ်ပန္တႏိုင္ငံလုံးက ေက်ာင္းေတြကို ဧၿပီလဆန္းအထိ ပိတ္ထားဖို႔ အစိုးရက ဆုံးျဖတ္ခဲ့ေၾကာင္း ဂ်ပန္ဝန္ႀကီးခ်ဳပ္ Shinzo Abe က စေနေန႔ျပဳလုပ္တဲ့ သတင္းစာ ရွင္းလင္းပြဲအတြင္း ေျပာသြားပါတယ္။ ဒီလုိ ကိုင္တြယ္ေဆာင္ရြက္မႈေတြမွာ ျပည္သူေတြရဲ႕ ပူးေပါင္းပါဝင္မႈ အေရးႀကီးေၾကာင္း ဝန္ႀကီးခ်ဳပ္ Shinzo Abe က တိုက္တြန္းပါတယ္။

“ဒီေရာဂါ တားဆီးကာကြယ္ေရးကိစၥမွာ အစိုးရတရပ္တည္းရဲ႕ အင္အားနဲ႔ မတတ္ႏိုင္ပါဘူး။ ဂ်ပန္ျပည္သူေတြက က်န္းမာေရး ကၽြမ္းက်င္အဖြဲ႔ေတြ၊ စီးပြားေရး ကုမၸဏီႀကီးေတြ၊ ေဒသႏၱရ အစိုးရေတြနဲ႔ပါ နားလည္မႈရွိရွိ ပူးေပါင္းေပးဖုိ႔က မရွိမျဖစ္ လုိအပ္ပါတယ္။”

ေက်ာင္းေတြ ယာယီပိတ္လိုက္တဲ့ အစိုးရဆုံးျဖတ္ခ်က္ကို နားလည္ေပးၾကဖုိ႔ မစၥတာ Abe က ေျပာပါတယ္။ အခုလို ေက်ာင္းေတြပိတ္လိုက္တဲ့အတြက္ လူေတြ အသြားအလာ က်ဲသြားသလို စားနပ္ရိကၡာ စုေဆာင္းတာေတြ လုပ္လာၾကတယ္လို႔ တုိက်ဳိၿမဳိ႕မွာေနထိုင္တဲ့ ေက်ာင္းသားမိခင္ ေဒၚမိုးမိုးအိက ေျပာပါတယ္။

“အခုကေလ ဒီေရာဂါျဖစ္တဲ့ လူနာေတြက တေန႔ထက္တေန႔ မ်ားလာတယ္ေပါ့ေနာ္။ မ်ားလာတဲ့အခါက်ေတာ့ ေက်ာင္းေတြကိုလည္း မူလတန္းကေန အထက္တန္းအထိကို ပိတ္လိုက္တယ္။ ေက်ာင္းေတြက မတ္လ ၂ ရက္ကေနၿပီးေတာ့ ဧၿပီလ ၆ ရက္ေန႔ထိ သူတို႔ ပိတ္လုိက္ပါတယ္။ ပိတ္လိုက္တဲ့အတြက္ေၾကာင့္မို႔ လူေတြေတာ္ေတာ္မ်ားမ်ား သြားတာလာတာ နည္းသြားတယ္၊ ရထားေတြ ဘာေတြလည္း ေခ်ာင္တယ္၊ အေပ်ာ္အပါး သြားတဲ့လူေတြလည္း ေတာ္ေတာ္နည္းသြားတယ္။ အဲဒီေတာ့ ကေလးေတြ အိမ္မွာေနရတဲ့ အခါက်ေတာ့ စိတ္ပူၿပီးေတာ့ စားစရာ ေသာက္စရာေတြကို အလုအယက္ ဝယ္ေနၾကတယ္။ ၿပီးေတာ့ ဒီ အားကစားပြဲေတာ္ေတြ စင္တင္ဂီတ Live ေတြ လူေတြစုတဲ့ဟာေတြ မွန္သမွ်ကို မလုပ္ဖို႔ အစုိးရက တားလိုက္တယ္ေပါ့ေနာ္။”

ဒီအေတာတြင္း ျမန္မာႏိုင္ငံသားေတြ အပါအဝင္ လူေနထူထပ္တဲ့ တုိက်ဳိၿမဳိ႕မွာ ႏွာေခါင္းစည္း Mask ေတြ ျပတ္လပ္ေနၿပီး တစ္႐ွဴးစကၠဴေတြကုိပါ အေျပးအလႊား ဝယ္ေနၾကတယ္လို႔ ေဒၚမိုးမိုးအိက ေျပာျပပါတယ္။

“လူေတြၾကားထဲမွာလည္း စုိးရိမ္စိတ္ေတြ ျဖစ္လာၿပီးေတာ့ Mask (ႏွာေခါင္းစည္း) ဝယ္လို႔မရတဲ့ အခ်ိန္မွာ တေနရာကေနၿပီးေတာ့ တစ္႐ွဴးစကၠဴေတြလည္း ျပတ္လပ္ႏိုင္တယ္ဆိုေတာ့ မေန႔က အကုန္လုံးဝယ္ၾကတာ။ က်မတို႔ အနီးဝန္းက်င္က ဆုိင္ေတြမွာဆိုရင္လည္း မရွိေတာ့ဘူး။ လူေတြက ေျပးၿပီးေတာ့ ဝယ္ၾကတာပဲ။ ဒီလို အမ်ဳိးမ်ဳိးေတာ့ ပူပန္ေသာကေတြနဲ႔ ေနေနၾကရတာေပါ့။”

ဂ်ပန္ႏိုင္ငံရဲ႕ ကုိ႐ုိနာဗိုင္းရပ္စ္ ထိန္းခ်ဳပ္ေရးမွာ လုိအပ္တဲ့ ေဆာင္ရြက္မႈေတြ လုပ္ႏိုင္ဖို႔ ေစာင့္ၾကည့္ကာလအျဖစ္ လာမယ့္ သီတင္း ၂ ပတ္ဟာ အေရးႀကီးေၾကာင္း မစၥတာ Abe က ေျပာပါတယ္။ ကေလးမိဘေတြ ဝန္ထုပ္ဝန္ပိုး မျဖစ္ရေအာင္ လာမယ့္ ဂ်ပန္ေႏြဦးရာသီ အားလပ္ရက္ကာလမွာ ညေနပိုင္း အခ်ိန္ပိုေက်ာင္းေတြ အစားထုိး ျပန္ဖြင့္ေပးသြားမယ္လို႔လည္း သူကဆုိပါတယ္။

ဂ်ပန္အစိုးရက နဂုိစီစဥ္ထားတဲ့အတုိင္း လာမယ့္ ဇူလုိင္လ တုိက်ဳိၿမဳိ႕မွာ က်င္းပဖို႔ရွိတဲ့ ေႏြရာသီ အိုလံပစ္ပြဲကိုလည္း သတ္မွတ္ထားတဲ့အတုိင္း က်င္းပသြားႏိုင္ဖို႔ ဆက္လက္လုပ္ေဆာင္ေနေၾကာင္း ဝန္ႀကီးခ်ဳပ္ Shinzo Abe က သတင္းစာရွင္းလင္းပြဲမွာ ေျပာၾကားခဲ့ပါတယ္။

--------------------------------

(Unicode)

ကိုရိုနာဗိုင်းရပ်စ်ကြောင့် ဂျပန်ရောက် မြန်မာတွေ အခက်ကြုံ

ဂျပန်နိုင်ငံက ကိုရိုနာဗိုင်းရပ်စ် ကာကွယ်တားဆီးနိုင်ရေးမှာ ပြည်သူတွေရဲ့ ပူးပေါင်းပါဝင်မှု လိုအပ်ကြောင်း စနေနေ့တုန်းက ဂျပန်ဝန်ကြီးချုပ် Shinzo Abe က တိုက်တွန်းလိုက်ပါတယ်။ ရောဂါကူးစက်မှုကြောင့် တနိုင်ငံလုံး စာသင်ကျောင်းတွေ ပိတ်ထားလိုက်သလို လူအများ စုဝေးတတ်တဲ့ အားကစားနဲ့ ဖျော်ဖြေရေးပွဲတွေကို ယာယီရပ်နားထားကြဖို့ ဝန်ကြီးချုပ်က သတိပေးလိုက်တဲ့အတွက် ဂျပန်နိုင်ငံသားတွေနဲ့ ဂျပန်ရောက် မြန်မာနိုင်ငံသားတွေကြားမှာလည်း စိုးရိမ်မှုတွေ တိုးလာနေတာပါ။ အကြောင်းစုံကိုတော့ ကိုဉာဏ်ဝင်းအောင်က တင်ပြပါမယ်။

ဂျပန်နိုင်ငံမှာ ကိုရိုနာဗိုင်းရပ်စ် ကူးစက်ပြန့်ပွားမှု အသစ်တွေ ထပ်တိုးလာတာကြောင့် ဒါကို တုံ့ပြန်ကိုင်တွယ်နိုင်ဖို့အတွက် ဂျပန်တနိုင်ငံလုံးက ကျောင်းတွေကို ဧပြီလဆန်းအထိ ပိတ်ထားဖို့ အစိုးရက ဆုံးဖြတ်ခဲ့ကြောင်း ဂျပန်ဝန်ကြီးချုပ် Shinzo Abe က စနေနေ့ပြုလုပ်တဲ့ သတင်းစာ ရှင်းလင်းပွဲအတွင်း ပြောသွားပါတယ်။ ဒီလို ကိုင်တွယ်ဆောင်ရွက်မှုတွေမှာ ပြည်သူတွေရဲ့ ပူးပေါင်းပါဝင်မှု အရေးကြီးကြောင်း ဝန်ကြီးချုပ် Shinzo Abe က တိုက်တွန်းပါတယ်။

“ဒီရောဂါ တားဆီးကာကွယ်ရေးကိစ္စမှာ အစိုးရတရပ်တည်းရဲ့ အင်အားနဲ့ မတတ်နိုင်ပါဘူး။ ဂျပန်ပြည်သူတွေက ကျန်းမာရေး ကျွမ်းကျင်အဖွဲ့တွေ၊ စီးပွားရေး ကုမ္ပဏီကြီးတွေ၊ ဒေသန္တရ အစိုးရတွေနဲ့ပါ နားလည်မှုရှိရှိ ပူးပေါင်းပေးဖို့က မရှိမဖြစ် လိုအပ်ပါတယ်။”

ကျောင်းတွေ ယာယီပိတ်လိုက်တဲ့ အစိုးရဆုံးဖြတ်ချက်ကို နားလည်ပေးကြဖို့ မစ္စတာ Abe က ပြောပါတယ်။ အခုလို ကျောင်းတွေပိတ်လိုက်တဲ့အတွက် လူတွေ အသွားအလာ ကျဲသွားသလို စားနပ်ရိက္ခာ စုဆောင်းတာတွေ လုပ်လာကြတယ်လို့ တိုကျိုမြို့မှာနေထိုင်တဲ့ ကျောင်းသားမိခင် ဒေါ်မိုးမိုးအိက ပြောပါတယ်။

“အခုကလေ ဒီရောဂါဖြစ်တဲ့ လူနာတွေက တနေ့ထက်တနေ့ များလာတယ်ပေါ့နော်။ များလာတဲ့အခါကျတော့ ကျောင်းတွေကိုလည်း မူလတန်းကနေ အထက်တန်းအထိကို ပိတ်လိုက်တယ်။ ကျောင်းတွေက မတ်လ ၂ ရက်ကနေပြီးတော့ ဧပြီလ ၆ ရက်နေ့ထိ သူတို့ ပိတ်လိုက်ပါတယ်။ ပိတ်လိုက်တဲ့အတွက်ကြောင့်မို့ လူတွေတော်တော်များများ သွားတာလာတာ နည်းသွားတယ်၊ ရထားတွေ ဘာတွေလည်း ချောင်တယ်၊ အပျော်အပါး သွားတဲ့လူတွေလည်း တော်တော်နည်းသွားတယ်။ အဲဒီတော့ ကလေးတွေ အိမ်မှာနေရတဲ့ အခါကျတော့ စိတ်ပူပြီးတော့ စားစရာ သောက်စရာတွေကို အလုအယက် ဝယ်နေကြတယ်။ ပြီးတော့ ဒီ အားကစားပွဲတော်တွေ စင်တင်ဂီတ Live တွေ လူတွေစုတဲ့ဟာတွေ မှန်သမျှကို မလုပ်ဖို့ အစိုးရက တားလိုက်တယ်ပေါ့နော်။”

ဒီအတောတွင်း မြန်မာနိုင်ငံသားတွေ အပါအဝင် လူနေထူထပ်တဲ့ တိုကျိုမြို့မှာ နှာခေါင်းစည်း Mask တွေ ပြတ်လပ်နေပြီး တစ်ရှူးစက္ကူတွေကိုပါ အပြေးအလွှား ဝယ်နေကြတယ်လို့ ဒေါ်မိုးမိုးအိက ပြောပြပါတယ်။

“လူတွေကြားထဲမှာလည်း စိုးရိမ်စိတ်တွေ ဖြစ်လာပြီးတော့ Mask (နှာခေါင်းစည်း) ဝယ်လို့မရတဲ့ အချိန်မှာ တနေရာကနေပြီးတော့ တစ်ရှူးစက္ကူတွေလည်း ပြတ်လပ်နိုင်တယ်ဆိုတော့ မနေ့က အကုန်လုံးဝယ်ကြတာ။ ကျမတို့ အနီးဝန်းကျင်က ဆိုင်တွေမှာဆိုရင်လည်း မရှိတော့ဘူး။ လူတွေက ပြေးပြီးတော့ ဝယ်ကြတာပဲ။ ဒီလို အမျိုးမျိုးတော့ ပူပန်သောကတွေနဲ့ နေနေကြရတာပေါ့။”

ဂျပန်နိုင်ငံရဲ့ ကိုရိုနာဗိုင်းရပ်စ် ထိန်းချုပ်ရေးမှာ လိုအပ်တဲ့ ဆောင်ရွက်မှုတွေ လုပ်နိုင်ဖို့ စောင့်ကြည့်ကာလအဖြစ် လာမယ့် သီတင်း ၂ ပတ်ဟာ အရေးကြီးကြောင်း မစ္စတာ Abe က ပြောပါတယ်။ ကလေးမိဘတွေ ဝန်ထုပ်ဝန်ပိုး မဖြစ်ရအောင် လာမယ့် ဂျပန်နွေဦးရာသီ အားလပ်ရက်ကာလမှာ ညနေပိုင်း အချိန်ပိုကျောင်းတွေ အစားထိုး ပြန်ဖွင့်ပေးသွားမယ်လို့လည်း သူကဆိုပါတယ်။

ဂျပန်အစိုးရက နဂိုစီစဉ်ထားတဲ့အတိုင်း လာမယ့် ဇူလိုင်လ တိုကျိုမြို့မှာ ကျင်းပဖို့ရှိတဲ့ နွေရာသီ အိုလံပစ်ပွဲကိုလည်း သတ်မှတ်ထားတဲ့အတိုင်း ကျင်းပသွားနိုင်ဖို့ ဆက်လက်လုပ်ဆောင်နေကြောင်း ဝန်ကြီးချုပ် Shinzo Abe က သတင်းစာရှင်းလင်းပွဲမှာ ပြောကြားခဲ့ပါတယ်။

ကိုဉာဏ္ဝင္းေအာင္/VOA (Burmese)
https://burmese.voanews.com