ဝလာရတာက စားလိုက္တဲ့အစားအစာေၾကာင့္ မဟုတ္ဘဲ စားတဲ့အခ်ိန္ေၾကာင့္ ဆိုတာသိရဲ႕လား

Zawgyi
ဝလာၿပီ။ အဝတ္ေတြဝတ္ရတာအဆင္မေျပေတာ့ဘူး။ ငါေတာ့ ဝိတ္ေလွ်ာ့ေတာ့မွျဖစ္မယ္၊ လို႔ စဥ္းစားလိုက္ရင္ေတာ္ေတာ္မ်ားမ်ားေျပးျမင္တာက အစားေလွ်ာ့စားဖို႔ပါ။ ဒါဆိုေမးစရာရွိတာက အစားစားလို႔ ဝတာလား။ ဟုတ္တယ္ေလ။ စားလို႔ဝတာေပါ့၊ ရွင္းေနတာပဲဆိုတဲ့သူေလးေတြကို တစ္ခုေလာက္ရွင္းျပပါရေစလား။ အစားစားတိုင္းဝတာမဟုတ္ပါဘူး။ အေထာက္အထားျပမယ္ေနာ္။ တူတူဆက္ၾကည့္ရေအာင္လား။

အစားစစားတိုင္း ဝလာတာမဟုတ္ဘူးလို႔ေျပာရတဲ့ အေၾကာင္းအရင္း

မၾကာေသးခင္က လုပ္ခဲ့တဲ့ေလ့လာမႈတစ္ရပ္အရ အစားစားလို႔ ဝတယ္ဆိုတာထက္ အစားစားခ်ိန္ေနာက္က်တာေၾကာင့္ ပိုဝလာရတာပါ လို႔ေတြ႕ရွိခဲ့ရပါတယ္။ သုေတသီေတြက ဒီေတြ႕ရွိခ်က္ကို အေသးစိတ္ ေလ့လာထားတာ ျဖစ္ပါတယ္။

အခုေနာက္ပိုင္း ကမာၻတလႊားမွာ အဝလြန္သူအေရအတြက္ေတြ တိုးလာေနပါတယ္။ ဒါေၾကာင့္ ဝိတ္ခ်ဖို႔အတြက္ ေဆးေသာက္တာေတြ၊ ခြဲစိတ္ကုသတာေတြ၊ အစားအစာခ်င့္ခ်ိန္ စားသုံးတာေတြလုပ္လာၾကပါတယ္။ ဒါေတြကေငြကုန္ေၾကးက်မ်ားသလို က်န္းမာေရးအေပၚ သက္ေရာက္မႈကလည္း ႀကီးပါတယ္။ ဒီေတာ့ မျဖစ္ခင္က ႀကိဳတင္ကာကြယ္တာက အေကာင္းဆုံးျဖစ္မွာပါ။

ဒီေတာ့အဝလြန္တာကို မျဖစ္ေစဖို႔ နည္းလမ္းေကာင္းေလးတစ္ခု ေျပာျပပါရေစလား။ ဒါကေတာ့ အစားစားတဲ့အခ်ိန္ကို သတ္မွတ္တာပါ။ အစားအေသာက္က လူတစ္ေယာက္ဝလာေစဖို႔ အဓိက အခန္းက႑မွာ ပါတယ္ဆိုေပမယ့္ ဒီအစားအေသာက္စားတာကို အခ်ိန္အတိအက်ေလးသတ္မွတ္ၿပီး စားသုံးမယ္ဆိုရင္ေတာ့ အဝလြန္တာမ်ိဳးမျဖစ္ေအာင္ ကာကြယ္ႏိုင္မွာပါေနာ္။

ဝိတ္ေလွ်ာ့ေတာ့မယ္ဆိုၿပီး အစားအေသာက္ပုံစံကို အဓိကေျပာင္းလဲေပမယ့္ ဒီလိုေျပာင္းလဲမႈက ဝမလာေစဖို႔ ၁၀ဝ ရာခိုင္ႏႈန္းမွာ ၂၅ ရာခိုင္ႏႈန္းကေန ၄၅ ရာခိုင္ႏႈန္းေလာက္အထိပဲသက္ေရာက္မႈရွိတာပါ။

အဝမလြန္ဖို႔ အစားစားတဲ့အခ်ိန္ကိုေျပာင္းၾကစို႔!

၂၀၁၁ ခုႏွစ္ကလုပ္ေဆာင္ခဲ့တဲ့ေလ့လာမႈအရ ညဘက္ေနာက္က်မွ အစားစားတတ္သူေတြက ပုံမွန္ထက္ပိုဝလာႏိုင္ေျခမ်ားေနသလို အဝလြန္ျဖစ္ႏိုင္ေျခလည္း မ်ားေနတယ္လို႔ေတြ႕ရွိခဲ့ရပါတယ္။ ဒီေလ့လာမႈမွာ ေတြ႕ရွိခဲ့တာတစ္ခုက ည ၈ နာရီေနာက္ပိုင္းမွာ ကယ္လ္လိုရီစားသုံးမႈမ်ားတာက အဝလြန္ျဖစ္ႏိုင္ေျခကို ေတာ္ေတာ္ေလး မ်ားေစတယ္ဆိုတဲ့ အခ်က္ပါ။ ေနာက္တစ္ခ်က္ကေတာ့ အိပ္ေရးပ်က္တာမ်ားထားတာပါ။ အိပ္ေရးပ်က္ထားသူေတြက ကယ္လ္လိုရီေတြကို ပိုစားမိတာေၾကာင့္ ပုံမွန္အိပ္စက္ခ်ိန္ရွိသူေတြထက္ ပိုၿပီး အဝလြန္ျဖစ္ႏိုင္ပါတယ္ေနာ္။

႐ိုးစင္းတဲ့ ေျပာင္းလဲမႈတစ္ရပ္အေနနဲ႔ မနက္စာစားခ်ိန္နဲ႔ ညစာစားခ်ိန္ကိုေျပာင္းလဲမႈက အဝလြန္မျဖစ္ေအာင္ ထိေရာက္စြာကာကြယ္ေပးႏိုင္ပါတယ္။ ေလ့လာမႈအတြင္း သုေတသီေတြက အသက္ ၃၆ ႏွစ္ဝန္းက်င္ ပုံမွန္ကိုယ္အေလးခ်ိန္ထက္ ပိုေနသူေတြ၊ အဝလြန္ေနသူေတြ ၃၁ ဦးကိုေလ့လာခဲ့ပါတယ္။ေလ့လာမႈအတြင္း ပါဝင္သူေတြရဲ႕ စားေသာက္မႈပုံစံ၊ အိပ္ခ်ိန္နဲ႔ ကိုယ္လက္လႈပ္ရွားမႈအတိုင္း အတာတို႔ကိုပါ ေလ့လာခဲ့ပါတယ္။ အထိုင္မ်ားတဲ့ အလုပ္လုပ္ေနတာလားဆိုတဲ့ အခ်က္ေတြကိုပါေလ့လာခဲ့တာပါ။

သုေတသီေတြကေလ့လာမႈမွ ာပါဝင္သူေတြကို ဖုန္းအက္ပ္တစ္ခုသုံးၿပီး ေစာင့္ၾကည့္ခဲ့ပါတယ္။ စားေသာက္တဲ့အစားအစာေတြနဲ႔ အစားစားခ်ိန္ေတြကို အတိအက်ရယူခဲ့ပါတယ္။ အိပ္စက္ခ်ိန္ေတြပါမက်န္ေပါ့။ တစ္ေန႔ကို ၇ နာရီထက္ေလ်ာ့ၿပီးအိပ္တဲ့သူေတြ၊ ည ၈ နာရီေနာက္ပိုင္းမွ အစားစားသူေတြက ပုံမွန္ထက္ပိုၿပီး အဝလြန္ႏိုင္ေျခပိုမ်ားေနပါတယ္။ ညကိုေနာက္က်ၿပီး အစားစားေလေလ ဝႏိုင္ေျခက ပိုမ်ားေလေလပါေနာ္။ ဒီေတာ့ အေျဖကလြယ္ပါတယ္။ ညေနေစာင္းထဲက စားခ်င္တာေတြအၿပီးစားေပါ့။ ညစာကိုေနာက္အက်ဆုံး ၈ နာရီမတိုင္ခင္စားတာက အဝလြန္တာမျဖစ္ႏိုင္ဖို႔ေရာ ဝိတ္မတက္ေစဖို႔ေရာ ကာကြယ္ရာေရာက္ပါတယ္။

ေရးသားသူ Aye Thi Mon
ေဆးပညာပိုင္းဆိုင္ရာတည္းျဖတ္သူ Dr. Thurein Hlaing Win
Myanmar Digital News
https://www.facebook.com/MyanmarDigitalNews/
-----------------
Unicode
ဝလာရတာက စားလိုက်တဲ့အစားအစာကြောင့် မဟုတ်ဘဲ စားတဲ့အချိန်ကြောင့် ဆိုတာသိရဲ့လား

ဝလာပြီ။ အဝတ်တွေဝတ်ရတာအဆင်မပြေတော့ဘူး။ ငါတော့ ဝိတ်လျှော့တော့မှဖြစ်မယ်၊ လို့ စဉ်းစားလိုက်ရင်တော်တော်များများပြေးမြင်တာက အစားလျှော့စားဖို့ပါ။ ဒါဆိုမေးစရာရှိတာက အစားစားလို့ ဝတာလား။ ဟုတ်တယ်လေ။ စားလို့ဝတာပေါ့၊ ရှင်းနေတာပဲဆိုတဲ့သူလေးတွေကို တစ်ခုလောက်ရှင်းပြပါရစေလား။ အစားစားတိုင်းဝတာမဟုတ်ပါဘူး။ အထောက်အထားပြမယ်နော်။ တူတူဆက်ကြည့်ရအောင်လား။

အစားစစားတိုင်း ဝလာတာမဟုတ်ဘူးလို့ပြောရတဲ့ အကြောင်းအရင်း

မကြာသေးခင်က လုပ်ခဲ့တဲ့လေ့လာမှုတစ်ရပ်အရ အစားစားလို့ ဝတယ်ဆိုတာထက် အစားစားချိန်နောက်ကျတာကြောင့် ပိုဝလာရတာပါ လို့တွေ့ရှိခဲ့ရပါတယ်။ သုတေသီတွေက ဒီတွေ့ရှိချက်ကို အသေးစိတ် လေ့လာထားတာ ဖြစ်ပါတယ်။

အခုနောက်ပိုင်း ကမ္ဘာတလွှားမှာ အဝလွန်သူအရေအတွက်တွေ တိုးလာနေပါတယ်။ ဒါကြောင့် ဝိတ်ချဖို့အတွက် ဆေးသောက်တာတွေ၊ ခွဲစိတ်ကုသတာတွေ၊ အစားအစာချင့်ချိန် စားသုံးတာတွေလုပ်လာကြပါတယ်။ ဒါတွေကငွေကုန်ကြေးကျများသလို ကျန်းမာရေးအပေါ် သက်ရောက်မှုကလည်း ကြီးပါတယ်။ ဒီတော့ မဖြစ်ခင်က ကြိုတင်ကာကွယ်တာက အကောင်းဆုံးဖြစ်မှာပါ။

ဒီတော့အဝလွန်တာကို မဖြစ်စေဖို့ နည်းလမ်းကောင်းလေးတစ်ခု ပြောပြပါရစေလား။ ဒါကတော့ အစားစားတဲ့အချိန်ကို သတ်မှတ်တာပါ။ အစားအသောက်က လူတစ်ယောက်ဝလာစေဖို့ အဓိက အခန်းကဏ္ဍမှာ ပါတယ်ဆိုပေမယ့် ဒီအစားအသောက်စားတာကို အချိန်အတိအကျလေးသတ်မှတ်ပြီး စားသုံးမယ်ဆိုရင်တော့ အဝလွန်တာမျိုးမဖြစ်အောင် ကာကွယ်နိုင်မှာပါနော်။

ဝိတ်လျှော့တော့မယ်ဆိုပြီး အစားအသောက်ပုံစံကို အဓိကပြောင်းလဲပေမယ့် ဒီလိုပြောင်းလဲမှုက ဝမလာစေဖို့ ၁၀ဝ ရာခိုင်နှုန်းမှာ ၂၅ ရာခိုင်နှုန်းကနေ ၄၅ ရာခိုင်နှုန်းလောက်အထိပဲသက်ရောက်မှုရှိတာပါ။

အဝမလွန်ဖို့ အစားစားတဲ့အချိန်ကိုပြောင်းကြစို့!

၂၀၁၁ ခုနှစ်ကလုပ်ဆောင်ခဲ့တဲ့လေ့လာမှုအရ ညဘက်နောက်ကျမှ အစားစားတတ်သူတွေက ပုံမှန်ထက်ပိုဝလာနိုင်ခြေများနေသလို အဝလွန်ဖြစ်နိုင်ခြေလည်း များနေတယ်လို့တွေ့ရှိခဲ့ရပါတယ်။ ဒီလေ့လာမှုမှာ တွေ့ရှိခဲ့တာတစ်ခုက ည ၈ နာရီနောက်ပိုင်းမှာ ကယ်လ်လိုရီစားသုံးမှုများတာက အဝလွန်ဖြစ်နိုင်ခြေကို တော်တော်လေး များစေတယ်ဆိုတဲ့ အချက်ပါ။ နောက်တစ်ချက်ကတော့ အိပ်ရေးပျက်တာများထားတာပါ။ အိပ်ရေးပျက်ထားသူတွေက ကယ်လ်လိုရီတွေကို ပိုစားမိတာကြောင့် ပုံမှန်အိပ်စက်ချိန်ရှိသူတွေထက် ပိုပြီး အဝလွန်ဖြစ်နိုင်ပါတယ်နော်။

ရိုးစင်းတဲ့ ပြောင်းလဲမှုတစ်ရပ်အနေနဲ့ မနက်စာစားချိန်နဲ့ ညစာစားချိန်ကိုပြောင်းလဲမှုက အဝလွန်မဖြစ်အောင် ထိရောက်စွာကာကွယ်ပေးနိုင်ပါတယ်။ လေ့လာမှုအတွင်း သုတေသီတွေက အသက် ၃၆ နှစ်ဝန်းကျင် ပုံမှန်ကိုယ်အလေးချိန်ထက် ပိုနေသူတွေ၊ အဝလွန်နေသူတွေ ၃၁ ဦးကိုလေ့လာခဲ့ပါတယ်။လေ့လာမှုအတွင်း ပါဝင်သူတွေရဲ့ စားသောက်မှုပုံစံ၊ အိပ်ချိန်နဲ့ ကိုယ်လက်လှုပ်ရှားမှုအတိုင်း အတာတို့ကိုပါ လေ့လာခဲ့ပါတယ်။ အထိုင်များတဲ့ အလုပ်လုပ်နေတာလားဆိုတဲ့ အချက်တွေကိုပါလေ့လာခဲ့တာပါ။

သုတေသီတွေကလေ့လာမှုမှ ာပါဝင်သူတွေကို ဖုန်းအက်ပ်တစ်ခုသုံးပြီး စောင့်ကြည့်ခဲ့ပါတယ်။ စားသောက်တဲ့အစားအစာတွေနဲ့ အစားစားချိန်တွေကို အတိအကျရယူခဲ့ပါတယ်။ အိပ်စက်ချိန်တွေပါမကျန်ပေါ့။ တစ်နေ့ကို ၇ နာရီထက်လျော့ပြီးအိပ်တဲ့သူတွေ၊ ည ၈ နာရီနောက်ပိုင်းမှ အစားစားသူတွေက ပုံမှန်ထက်ပိုပြီး အဝလွန်နိုင်ခြေပိုများနေပါတယ်။ ညကိုနောက်ကျပြီး အစားစားလေလေ ဝနိုင်ခြေက ပိုများလေလေပါနော်။ ဒီတော့ အဖြေကလွယ်ပါတယ်။ ညနေစောင်းထဲက စားချင်တာတွေအပြီးစားပေါ့။ ညစာကိုနောက်အကျဆုံး ၈ နာရီမတိုင်ခင်စားတာက အဝလွန်တာမဖြစ်နိုင်ဖို့ရော ဝိတ်မတက်စေဖို့ရော ကာကွယ်ရာရောက်ပါတယ်။

ရေးသားသူ Aye Thi Mon
ဆေးပညာပိုင်းဆိုင်ရာတည်းဖြတ်သူ Dr. Thurein Hlaing Win
Myanmar Digital News
https://www.facebook.com/MyanmarDigitalNews/