ေတာမီးေၾကာင့္ ကယ္လီဖုိးနီးယားမွာ လူ ၅ ေသာင္းေလာက္ ေဘးလြတ္ရာေျပာင္းေရႊ႕

(Zawgyi/Unicode)

အေမရိကန္ျပည္ေထာင္စု ကယ္လီဖိုးနီးယားျပည္နယ္ ေတာင္ပိုင္း နဲ႔ ေျမာက္ပိုင္းေတြမွာ ေတာမီးေလာင္ကၽြမ္းမႈေၾကာင့္ လူ ၅၀,၀၀၀ ထက္မနည္း ေဘးလြတ္ရာကို ေရႊ႕ေျပာင္းေပးခဲ့ရပါတယ္။

ေတာမီးေလာင္ကၽြမ္းမႈ မကူးစက္ေအာင္လုပ္တဲ့အေနနဲ႔ Pacific ဓါတ္ေငြ႔ နဲ႔ လွ်ပ္စစ္ဓါတ္အားေပးကုမၸဏီေတြက သူတုိ႔ရဲ႕ လွ်ပ္စစ္ဓါတ္အားနဲ႔ ဓါတ္ေငြ႔ေပးေနတာေတြကို ရပ္တန္႔ထားပါတယ္။

ကယ္လီဖိုးနီးယားျပည္နယ္ေျမာက္ပိုင္းက ၀ိုင္ထုတ္လုပ္တဲ့ေနရာမွာေတာ့ ၅ ရာခိုင္ႏႈန္း ပဲ မီးကို ၿငွိမ္းသတ္ႏုိင္ေသးတယ္လို႔ အာဏာပိုင္ေတြက ေျပာပါတယ္။

အခုေလာက္ေလာဆယ္မွာေတာ့ ဧက ၁၆,၀၀၀ ေလာက္ ေလာင္ကၽြမ္းေနၿပီး၊ ၅ ရာခိုင္ႏႈန္းပဲ ၿငိႇမ္းသတ္ႏုိင္ေသးေၾကာင္း အေဆာက္အအုံ နဲ႔ အိမ္ေျခ ၄၉ လုံး မီးေလာင္ပ်က္စီးသြားခဲ့ၿပီး ပ်က္စီးဆုံးရႈံးမႈ ပမာဏဘယ္ေလာက္ရွိတယ္ဆုိတာကို ဆက္လက္ တုိင္းတာေနဆဲျဖစ္ေၾကာင္း အခုေလာေလာဆယ္မွာ မီးသတ္သမား ၁၃၀၀ က မီးကို ၀ိုင္းၿပီး ၿငိမ္းသတ္ေနၾကၿပီး မနက္ျဖန္မွာေတာ့ မီးသတ္သမား ပမာဏရဲ႕ ထက္၀က္ေလာက္ ထပ္တုိးသြားမွာျဖစ္တယ္လို႔ ျပည္နယ္မီးသတ္ဌာန အႀကီးအကဲ Mike Parkes က ေျပာပါတယ္။

ေတာမီးေၾကာင့္ အႏၱရာယ္ေတြရွိေနေပမယ့္လည္း တခ်ိဳ႕ေတြကေတာ့ သူတုိ႔ရဲ႕ ေနအိမ္ေတြကေန ေဘးလြတ္ရာကို ေရႊ႕ဖို႔ ျငင္းဆန္ေနၾကတယ္လိုု႔ Sonoma ခ႐ုိင္ရဲအရာရွိက ေျပာပါတယ္။

ဒီေတာမီးဟာ ဗုဒၶဟူးေန႔ညက စတင္ေလာင္ကၽြမ္းခဲ့တာ ျဖစ္ပါတယ္။

[Unicode Version]

အမေရိကန်ပြည်ထောင်စု ကယ်လီဖိုးနီးယားပြည်နယ် တောင်ပိုင်း နဲ့ မြောက်ပိုင်းတွေမှာ တောမီးလောင်ကျွမ်းမှုကြောင့် လူ ၅၀,၀၀၀ ထက်မနည်း ဘေးလွတ်ရာကို ရွှေ့ပြောင်းပေးခဲ့ရပါတယ်။

တောမီးလောင်ကျွမ်းမှု မကူးစက်အောင်လုပ်တဲ့အနေနဲ့ Pacific ဓါတ်ငွေ့ နဲ့ လျှပ်စစ်ဓါတ်အားပေးကုမ္ပဏီတွေက သူတို့ရဲ့ လျှပ်စစ်ဓါတ်အားနဲ့ ဓါတ်ငွေ့ပေးနေတာတွေကို ရပ်တန့်ထားပါတယ်။

ကယ်လီဖိုးနီးယားပြည်နယ်မြောက်ပိုင်းက ဝိုင်ထုတ်လုပ်တဲ့နေရာမှာတော့ ၅ ရာခိုင်နှုန်း ပဲ မီးကို ငြှိမ်းသတ်နိုင်သေးတယ်လို့ အာဏာပိုင်တွေက ပြောပါတယ်။

အခုလောက်လောဆယ်မှာတော့ ဧက ၁၆,၀၀၀ လောက် လောင်ကျွမ်းနေပြီး၊ ၅ ရာခိုင်နှုန်း ပဲ ငြှိမ်းသတ်နိုင်သေးကြောင်း အဆောက်အအုံ နဲ့ အိမ်ခြေ ၄၉ လုံး မီးလောင်ပျက်စီးသွားခဲ့ပြီး ပျက်စီးဆုံးရှုံးမှု ပမာဏဘယ်လောက်ရှိတယ်ဆိုတာကို ဆက်လက် တိုင်းတာနေဆဲဖြစ်ကြောင်း အခုလောလောဆယ်မှာ မီးသတ်သမား ၁၃၀၀ က မီးကို ဝိုင်းပြီး ငြိမ်းသတ်နေကြပြီး မနက်ဖြန်မှာတော့ မီးသတ်သမား ပမာဏရဲ့ ထက်ဝက်လောက် ထပ်တိုးသွားမှာဖြစ်တယ်လို့ ပြည်နယ်မီးသတ်ဌာန အကြီးအကဲ Mike Parkes က ပြောပါတယ်။

တောမီးကြောင့် အန္တရာယ်တွေရှိနေပေမယ့်လည်း တချို့တွေကတော့ သူတို့ရဲ့ နေအိမ်တွေကနေ ဘေးလွတ်ရာကို ရွှေ့ဖို့ ငြင်းဆန်နေကြတယ်လို့ Sonoma ခရိုင်ရဲအရာရှိက ပြောပါတယ်။

ဒီတောမီးဟာ ဗုဒ္ဓဟူးနေ့ညက စတင်လောင်ကျွမ်းခဲ့တာဖြစ်ပါတယ်။

VOA (ျမန္မာပုိင္း)
https://burmese.voanews.com