မြောက်ပိုင်းတိုက်ခိုက်မှုမှ သိမ်းဆည်းရမိ ဒုံးသီးများနှင့်အတူ ထိခိုက်ပျက်ပြားသေဆုံးမှုများ တပ်မတော်ထုတ်ပြန်

သြဂုတ် ၁၆၊ ၂၀၁၉

မန္တလေးတိုင်း ပြင်ဦးလွင် တပ်မတော် နည်းပညာ တက္ကသိုလ် အနီးရှိ တောင်ကုန်းပေါ်တွင် ဘတ္တရီအိုး၊ ဝါယာကြိုးများ နှင့် ချိတ်ဆက်ထားသည့် ဒုံးသီး ၆ လုံး နှင့် ဘတ္တရီ ၁ လုံး တွေ့ရှိခဲ့ကြောင်း တပ်မတော် ကာကွယ်ရေး ဦးစီးချုပ်ရုံး ထုတ်ပြန်ချက် အရ သိရသည်။

အဆိုပါ ဒုံးသီး ၆လုံးသည့် Type 63 ၁၀၇ မီလီမီတာ အမျိုးအစားဖြစ်ပြီး၊ ဘတ္တရီအိုး၊ ဝါယာကြိုးများဖြင့် ချိတ်ဆက်ထားကာ ရှော့တိုက်ဒုံးများ ပစ်ခတ်ရန် အသင့်ပြုလုပ်ထားသည့် နေရာများကို တွေ့ရသည် ဟုလည်း တပ်မတော် ကာကွယ်ရေး ဦးစီးချုပ်ရုံး ၏ ထုတ်ပြန်ချက် တွင် ရေးသားထားသည်။

တပ်မတော် နည်းပညာ တက္ကသိုလ် (DSTA) တောင်ကုန်းပေါ် ထောင်ထားသည့် ရှော့တိုက်ဒုံးသီး များနှင့် ပတ်သက်ပြီး TNLA ပြောရေး ဆိုခွင့် ပုဂ္ဂိုလ် ဗိုလ်မှူး တားအိုက်ကျော် ကို သျှမ်းသံတော်ဆင့် မှ မေးမြန်းရာ “ ဒီဗုံးကိစ္စနဲ့ ပတ်သတ်ပြီး ကျနော် မသိရသေးဘူး” ဟု ပြောဆိုလိုက်သည်။

သျှမ်းပြည်နယ် မြောက်ပိုင်း နောင်ချိုမြို့ နှင့် မန္တလေးတိုင်း ပြင်ဦးလွင် တပ်မတော်နည်းပညာ တက္ကသိုလ် (DSTA) အပါအဝင် နေရာ ၅ နေရာ ကို သြဂုတ် ၁၅ရက် မနက် ၅ နာရီ တွင် တအာင်း(ပလောင်) အမျိုးသား လွတ်မြောက် ရေး တပ်မတော် (TNLA) နှင့် ညီနောင် မဟာမိတ် တို့ ပူးပေါင်း စစ်ဆင်ရေး ပြုလုပ်ခဲ့သည်။

ယမန်နေ့ ညီနောင် မဟာမိတ် ၃ဖွဲ့ နှင့် မြန်မာ့ တပ်မတော် တိုက်ပွဲကြောင့် ၁၄ ဦး သေဆုံးခဲ့ပြီး ၂ ဦး ဒဏ်ရာရ ခဲ့ သည် ဟု တပ်မတော် ကာကွယ်ရေး ဦးစီးချုပ်ရုံး ထုတ်ပြန်ချက်တွင် ရေးသားထားသည်။

ယခုဖြစ်ပွားနေသည့် တိုက်ပွဲ အကြာင်းရင်းသည် ဇူလိုင် ၂၅ ရက်နေ့ ကွတ်ခိုင်မြို့နယ် ရှောက်ဟော်ကျေးရွာ အရှေ့တောင်ဘက် ချောင်းဆုံ နေရာ တ၀ိုက် မူးယစ်ဆေးဝါး စုစုပေါင်း တန်ဖိုး ငွေ ၁၆ ဘီလီယံကျော်နှင့် မူးယစ်ဆေးဝါး ရိုက်စက် အပါအဝင် ဆက်စပ်ပစ္စည်းများ ဘိန်းချက်စခန်း များအားလည်းကောင်း၊ သြဂုတ် ၈ ရက်တွင် ရခိုင်ပြည်နယ် ရသေ့တောင် မြို့နယ် ရက်ခုံ တိုင်ကျေးရွာ မှ မူးယစ်ဆေးဝါး တန်ဖိုး ကျပ် ၅ ဘီလီယံခန့်၊ ခဲယမ်း နှင့် ဆက်စပ်ပစ္စည်းများအားလည်းကောင်း တပ်မတော် မှ သိမ်းဆည်း ရရှိသည့်အပေါ် ကျေနပ်မှု မရှိခြင်းကြောင့်လာရောက်တိုက်ခိုက်ခြင်းဖြစ်သည်ဟု တပ်မတော် ကာကွယ်ရေး ဦးစီးချုပ်ရုံး ထုတ်ပြန်ချက်တွင် ဖော်ပြထားသည်။

ထိုကိစ္စနှင့် ပတ်သတ်ပြီးဗိုလ်မှူး တားအိုက်ကျော် က “ မူးယစ်ဆေးဝါး နဲ့ ကျနော်တို့ ပတ်သက်မှု မရှိပါဘူး။ မူးယစ်ဆေးဝါးတွေကို ကျနော်တို့ တိုက်ဖျက်နေတယ်။ ဒါက တမင် သက်သက် စွပ်စွဲချက်ပါပဲ။ ကွတ်ခိုင် မူးယစ်ဆေးဝါး က ကျနော်တို့နဲ့ ပတ်သက်မှု လုံးဝ မရှိပါဘူး” ဟု သျှမ်းသံတော်ဆင့်ကို ပြောသည်။

ပြင်ဦးလွင် DSTA တပ်မတော်နည်းပညာတက္ကသိုလ် ကျောင်းတိုက်ခိုက်မှု တွင် အရပ်သားတဦးသေဆုံးပြီး၊ တပ်မတော်သား တဦး ထိခိုက်ဒဏ်ရာရရှိကြောင်း၊ နောင်ချိုမြို့နယ် ဂုတ်တွင်းရဲကင်းစခန်းတွင် ရဲတပ်ဖွဲ့ဝင် ၃ ဦး၊ တပ်မတော် အရာရှိ၊စစ်သည် ၇ ဦး၊ မူးယစ်ဆေးဝါး စစ်ဆင်ရေးဂိတ်တွင် စစ်သည် ၂ ဦး သေဆုံးကြောင်း၊ အရပ်သား ၁ ဦး မီးရှို့ခံရပြီး၊ ထိခိုက်ဒဏ်ရာရရှိသူ ၁၅ ဦးအနက် ၅ ဦးမှာ ပြင်ဦးလွင် စစ်ဆေးရုံသိုို့ပို့ဆောင်ထားကြောင်း သိရသည်။

Panglong(Burmese)
https://www.facebook.com/ShanNewsBurmese