 |
| ဒေါင်းတို့မျိုးဆက်သံချပ်အဖွဲ့ဝင်တွေကို ၂၀၁၉၊ ဇူလိုင် ၂၉ ရက်နေ့က ဗိုလ်တထောင်တရားရုံးမှာ ရုံးထုတ်စဉ် / ဓါတ်ပုံ - အောင်သိင်္ခ/ RFA |
ရန်ကုန်တိုင်းစစ်ဌာနချုပ်က ဒုတိယဗိုလ်မှူးကြီး မျိုးမင်းဦးက တရားလိုပြုလုပ်ပြီး ဒေါင်းတို့မျိုးဆက် သံချပ် အဖွဲ့ဝင် ခုနှစ်ဦးကို ပုဒ်မ ၅၀၅ (က)နဲ့ ဗိုလ်တထောင်မြို့နယ် တရားရုံးမှာ တရားစွဲဆိုထားတာ ဖြစ်ပါတယ်။
တရားစွဲဆိုခံထားရတဲ့ ဒေါင်းတို့မျိုးဆက် သံချပ်အဖွဲ့ဝင်တွေကို ဖျာပုံမြို့နယ် တရားရုံးမှာလည်း တရားစွဲဆိုထားကြောင်း လက်ရှိအချိန်မှာ တစ်ပတ် သုံးရက် တရားရုံးထုတ်နေရတဲ့အတွက် ကျန်တဲ့ရက်တွေမှာ ဖျာပုံမြို့နယ် တရားရုံးမှာ ရုံးထုတ်နိုင်အောင် ညှိနှိုင်းနေကြတယ်လို့ ပြောပါတယ်။
သံချပ်အဖွဲ့ဝင်တွေကို မရမ်းကုန်းမြို့နယ် တရားရုံးမှာလည်း ပုဒ်မ ၅၀၅ (က)နဲ့ တပ်မတော်က တရားစွဲဆိုထားတာရှိပါတယ်။ ဗိုလ်တထောင်မြို့နယ်တရားရုံးမှာ နောက်တစ်ကြိမ် ရုံးချိန်းကို လာမယ့် သြဂုတ်လ ၅ ရက်နေ့ကို ချိန်းဆိုထားပါတယ်။
ဒါ့အပြင် သံချပ်အဖွဲ့ဝင်တွေကို ဝန်းရံခဲ့တဲ့သူတွေ ဖြစ်တဲ့ ၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက မနီလာသိန်း အပါအဝင် ငါးဦးကို ရဲတပ်ဖွဲ့က ပုဒ်မ နှစ်ခုနဲ့ တရားစွဲဆိုထားပါတယ်။
RFA Burmese
https://www.rfa.org
ဒေါင်းတို့မျိုးဆက်အမှု ခြောက်လအတွင်း အပြီးအပြတ်ဆောင်ရွက်မယ်လို့ တရားရုံးပြော
Reviewed by THITHTOOLWIN
on
05:01
Rating:
Reviewed by THITHTOOLWIN
on
05:01
Rating:
