၂၀၂၀ ကမ္ဘာ့ဖလား အာရှခြေစစ်ပွဲ မြန်မာ-မွန်ဂိုးလီးယား စက်တင်ဘာ ၅ ရက်တွေ့မည်

၂၀၂၀ ကမ္ဘာ့ဖလား အာရှ အုပ်စု ဒုတိယအဆင့် ခြေစစ်ပွဲ ဇယား

၂၀၂၂ ခုနှစ်မှာ ကျင်းပမယ့် ကမ္ဘာ့ဖလားဘောလုံး ပြိုင်ပွဲ အာရှအုပ်စု ဒုတိယအဆင့် ခြေစစ်ပွဲတွေအတွက် ပွဲစဉ်ဇယားကို မလေးရှားနိုင်ငံ၊ ကွာလာလမ်ပူမြို့မှာ ပြီးခဲ့တဲ့ ဗုဒ္ဓဟူးနေ့က မဲနှိုက် ရွေးချယ်ခဲ့ရာမှာ အာရှနိုင်ငံတွေက အသင်းပေါင်း ၄၀ ပါဝင် ယှဉ်ပြိုင်ကြမှာ ဖြစ်ပါတယ်။

အဲဒီ အသင်း ၄၀ အုပ်စု ၈ စုခွဲပြီး ယှဉ်ပြိုင်ရမှာဖြစ်ပြီး အုပ်စု ဗိုလ်စွဲသူနဲ့ အကောင်းဆုံး ဒုတိယ ၄ သင်းတို့ တတိယ အုပ်စုကို တက်ရောက်နိုင်မှာ ဖြစ်ပါတယ်။

မြန်မာအသင်းက အုပ်စု စလုံး မှာ ဂျပန်၊ Kyrgyz သမ္မတနိုင်ငံ၊ Tajikistan နဲ့ မွန်ဂိုလီးယားနိုင်ငံတို့ အတူ ပါဝင်ပါတယ်။ ပထမဆုံးပွဲအဖြစ် မွန်ဂိုးလီယားအသင်းနဲ့ စက်တင်ဘာ ၅ ရက်နေ့မှာ ယှဉ်ပြိုင်ကစားရမှာ ဖြစ်ပြီး ဂျပန်အသင်းနဲ့ကတော့ စက်တင်ဘာ ၁၀ ရက်နေ့မှာ ကစားရမှာ ဖြစ်ပါတယ်။

အိမ်နီးချင်း တရုတ်နိုင်ငံက အုပ်စု A မှာ ပါဝင်ပြီး ဆီရီးယား၊ ဖိလစ်ပိုင် မော်လဒိုက်နဲ့ Guam အသင်းတွေနဲ့ ယှဉ်ပြိုင်ရမှာ ဖြစ်လို့ တတိယအဆင့် အုပ်စုတက်ဖို့ အလားအလာ ရှိနေပါတယ်။

အုပ်စု C မှာတော့ အီရတ်နဲ့အတူ မြောက်ကိုရီးယားနဲ့ တောင်ကိုရီးယား အသင်းတို့ တစ်အုပ်စုတည်းကျတာကြောင့် အထူး စိတ်ဝင်စားစရာ ကောင်းပါတယ်။

ဒီ အာရှအုပ်စု ဒုတိယအဆင့် ခြေစစ်ပွဲတွေကို အခုနှစ် စက်တင်ဘာလနဲ့ ရှေ့နှစ် ဇွန်လ အကြား ကစားရမှာ ဖြစ်ပါတယ်။

 ဗွီအိုအေ (မြန်မာပိုင်း)
https://burmese.voanews.com