 |
| (ဓာတ်ပုံ- စံဂိုးထောင်ကျေးရွာ မူလတန်းကျောင်းတွင် ခိုလုံနေကြသည့် ဥယျာဉ်သာကျေးရွာသားများ) |
ရခိုင်ပြည်နယ်၊ ဘူးသီးတောင်မြို့နယ်၊ ဥယျာဉ်သာကျေးရွာအနီး ယနေ့ ည ၅ နာရီခွဲက တိုက်ပွဲ စတင်ဖြစ်ပွား၍ ရွာသား ၂၀၀ ကျော်သည် ဘေးလွတ်ရာသို့ ထွက်ပြေးတိမ်းရှောင်သွားခဲ့ရသည်ဟု သတင်းရရှိသည်။
“ တိုက်ပွဲက ရွာအနီးက တောင်တန်းမှာ ဖြစ်တာပါ။ လက်နက်ကြီး လက်နက်ငယ်တွေ ဒရဟော (အဆက်မပြတ်) ကြားရပါတယ်။ ကြောက်ပြီး ထွက်ပြေးရာမှာ အခု ကျွန်တော်တို့ စံဂိုးထောင်ရွာကို ရောက်နေကြပါတယ်” ဟု ကျေးရွာသား တစ်ဦးဖြစ်သူ ဦးသိန်းထွန်းက ပြောသည်။
ထွက်ပြေးလာသူများအထဲတွင် ကျား ၁၂၁၊ မ ၁၁၇၊ စုစုပေါင်း ၂ ၃၈ ယောက်၊ အိမ်ထောင်စုမှာ ၅၀ ဖြစ်ကြောင်း၊ ဥယျာဉ်သာကျေးရွာမှ ၂ ဖာလုံအကွာ စံဂိုးထောင်ရွာ၏ မူလတန်းကျောင်းတွင် လောလောဆယ် ခိုလုံနေကြကြောင်း သူက ပြောသည်။
“ ရွာမှာတော့ ရွာစောင့် ၁၀ ယောက်လောက်ဘဲ ကျန်ခဲ့ပါတယ်။ ကလေး၊ လူကြီး၊ မိန်းမကျန် အားလုံးထွက်ပြေးကြပါတယ်။ ဘာမှ ပါမလာခဲ့ပါဘူး” ဟု ၎င်းက ပြောသည်။
ထွက်ပြေးလာသူ ဥယျာဉ်သာရွာမှ လူငယ် တစ်ဦးကလည်း ယနေ့ညတွင် စံဂိုးထောင်ရွာတွင် ရောက်ရှိနေပြီး မနက်ဖြန်မည်သို့ ရှေ့ဆက်ရမည်ကို ရွာလူကြီးများနှင့် ဆွေးနွေးရအုံးမည်ဟု ပြောဆိုသည်။
၎င်းပြင် ချရှားတောင်ကျေးရွာမှ လူပေါင်း ၃၀ ခန့်က တိုက်ပွဲကြောင့် ထွက်ပြေးကာ စံဂိုးထောင်ရွာသို့ ရောက်ရှိနေသည်ဟု ပြောကြားသည်။
တိုက်ပွဲမှာ ည ၆ နာရီခွဲမှ ပြီးဆုံးသွားသည်ဟု သိရသည်။
Narinjara
https://www.facebook.com/Narinjara
တိုက်ပွဲဖြစ်ပွား၍ ဥယျာဉ်သားကျေးရွာသား ၂၀၀ ကျော်ဘေးလွတ်ရာကို ထွက်ပြေးရ
Reviewed by THITHTOOLWIN
on
22:35
Rating:
Reviewed by THITHTOOLWIN
on
22:35
Rating:
