 |
| ကနေဒါနိုင်ငံသား ရောဘတ် လွိုက် ရှာလင်ဘတ် ကို တရုတ် တရားရုံးက မူလ ပြစ်ဒဏ် အဖြစ် ထောင်ဒဏ် ၁၅ နှစ် ပြစ်ဒဏ် ချမှတ်ခဲ့ |
၂၀၁၈ ခုနှစ် နိုဝင်ဘာလက ကနေဒါနိုင်ငံသား ရောဘတ် လွိုက် ရှာလင်ဘတ် ကို တရုတ် တရားရုံးက မူလ ပြစ်ဒဏ် အဖြစ် ထောင်ဒဏ် ၁၅ နှစ် ပြစ်ဒဏ် ချမှတ်ခဲ့ပါတယ်။ ဒီပြစ်ဒဏ်အပေါ် အယူခံဝင်ခဲ့ရာမှာ ထောင်ဒဏ် ၁၅ နှစ် ပြစ်ဒဏ် က သက်ညှာ လွန်းတယ်ဆိုပြီး သေဒဏ်အဖြစ် ဇန်နဝါရီ ၁၄ ရက်မှာ ပြောင်းလဲချမှတ်ခဲ့တာ ဖြစ်ပါတယ်။
ကနေဒါနိုင်ငံက ဒီလို ပြစ်ဒဏ် ချမှတ်ခဲ့တာကို ကန့်ကွက်ခဲ့ပါတယ်။ ကနေဒါဝန်ကြီးချုပ် ဂျပ်စတင် ထရူးဒိုးက အစိုးရအနေနဲ့ ဒီကိစ္စအပေါ် အလွန် အမင်းစိုးရိမ်မိသလို သေဒဏ်ပြစ်ဒဏ်ဟာ ထင်တိုင်းကြဲတဲ့ လုပ်ရပ်လို့ ပြောပါတယ်။
ဟွာဝေးကိစ္စအတွက် အခုလို ဖမ်းဆီးထိန်းသိမ်းထားတဲ့သူတွေကို အသုံးပြုခဲ့တယ်ဆိုတဲ့ စွပ်စွဲချက်ကို တရုတ်က ငြင်းဆန်ပါတယ်။
 |
| ကနေဒါနိုင်ငံသားကို သေဒဏ်ပေးလိုက်တဲ့ဒါလီယန်မြို့မှာရှိတဲ့ တရားရုံး |
၂၀၁၄ ခုနှစ်က တရုတ်ထဲကို မက်သဖက်တမင်း ၂၂၇ ကီလိုဂရမ်ကို မှောင်ခိုသွင်းဖို့ စီစဉ်ခဲ့တယ်ဆိုပြီး မစ္စတာ ရှာလင်ဘတ် ကို ဖမ်းဆီးခဲ့တာ ဖြစ်ပါတယ်။
တရုတ် နည်းပညာ ဟွာဝေး ကုမ္ပဏီထူထောင်သူရဲ့ သမီးမန်ဝန်ဂျိုးကို ကနေဒါက ဖမ်းဆီးထားတဲ့အပေါ် တရုတ်အစိုးရက ဒေါသထွက်နေ ပါတယ်။ ဒီဇင်ဘာလက သူ့ကို အာမခံပေးထားပါတယ်။ အမေရိကန်ကလည်း မစ္စ မန်ဝန်ကျိုး ကို လွဲပြောင်းပေးဖို့ တောင်းဆိုထားပါတယ်။
 |
| ဟွာဝေး တရုတ်ဆက်သွယ်ရေး ကုမ္ပဏီ တည်ထောင်သူရဲ့ သမီး မန်ဝန်ဂျိုး။ |
ဒီနောက် နိုဝင်ဘာလမှာ သူက အယူခံဝင်ခဲ့ပေမယ့် တရုတ်နိုင်ငံ အရှေ့မြောက်ပိုင်း ဒါလီယန်မြို့မှာရှိတဲ့ တရားရုံးက ဇန်နဝါရီ ၁၄ ရက်မှာ သေဒဏ် ပြောင်းလဲချမှတ်ခဲ့တာ ဖြစ်ပါတယ်။
ဒါ့အပြင် မစ္စတာ ရှာလင်ဘတ် ပိုင်ဆိုင်တဲ့ ပစ္စည်းတွေကို သိမ်းဖို့လည်း တရားရုံးက ဆုံးဖြတ်ခဲ့ပါတယ်။
သူက မူးယစ်ဆေးဝါး မှောင်ခိုကူးတာ မဟုတ်ဘဲ တရုတ်ကို လာလည်တဲ့ ခရီးသွားလို့ ပြစ်ဒဏ်မချမှတ်မီက အေအက်ဖ်ပီ သတင်းဌာနကို ပြောခဲ့ပါတယ်။ မစ္စတာ ရှာလင်ဘတ် အနေနဲ့ အယူခံဝင်ဖို့ အချိန် ၁၀ ရက် ရရှိမှာ ဖြစ်ပါတယ်။
BBC Burmese
https://www.bbc.com/burmese
ကနေဒါ နိုင်ငံသား ကို သေဒဏ်ပြစ်ဒဏ် ချမှတ်တာက ကနေဒါကို လက်တုံ့ပြန်တာလို့ ယူဆနေကြ
Reviewed by THITHTOOLWIN
on
12:05
Rating:
Reviewed by THITHTOOLWIN
on
12:05
Rating:
