မိဘမဲ့ (၄)တန်းကျောင်းသူအား ဦးလေးတော်စပ်သူမှ အဓမ္မအကြိမ်ကြိမ်ပြုကျင့်၍ ကိုယ်ဝန်ရရှိမှု ဖြစ်ပွား

မုနိမြီ၊ အောက်တိုဘာ ၂၅

ရခိုင်ပြည်နယ်၊ ကျောက်ဖြူမြို့နယ်၊ ချောင်းဝကျေးရွာအုပ်စု၊ ကုလာဘာကျေးရွာ၌ အသက် (၁၃) နှစ်အရွယ် စတုတ္ထတန်းကျောင်းသူအား ဦးလေးတော်စပ်သူမှ အဓမ္မအကြိမ်ကြိမ် ပြုကျင့်ခြင်းကြောင်း ကိုယ်ဝန်ရရှိမှုဖြစ်ပွားခဲ့၍ ကျူးလွန်သူကို ဖမ်းဆီးစစ်ဆေးနေတယ်လို့ ကျောက်ဖြူ မြို့ရဲတပ်ဖွဲ့ထံမှ စုံစမ်းသိရှိရပါသည်။

"မိန်းကလေးဟာ ကုလာဘာကျေးရွာ (အ.ထ.က) ကျောင်းတွင် ကျောင်းတက်ရောက်နေသူ တစ်ဦးဖြစ်ပြီး မိဘတွေမရှိတော့တဲ့အတွက် အဖွားဖြစ်နဲ့ အတူနေထိုင်နေတယ်၊ ရန်ကုန်မှာ အလုပ်လုပ်နေတဲ့ အစ်မအရင်းဖြစ်သူရွာကို ပြန်ရောက်လာတော့ ညီမဖြစ်သူဟာ ပုံမှန်အနေအထားမဟုတ်၍ မေးကြည့်တဲ့အချိန် လွန်ခဲ့တဲ့ (၆) လကျော်လောက်မှ ည ၈ နာရီအချိန်ခန့် တစ်ရွာတည်းနေထိုင်တဲ့ အဒေါ်ဖြစ်သူရဲ့ နေအိမ်ကို မုန့်ဝိုင်းကူလုပ်ဖို့သွားရောက်စဉ် အဒေါ်ရဲ့ခင်ပွန်း ဦးထွန်းရွှေခိုင်က တစ်ကြိမ်အဓမ္မပြုကျင့်ခဲ့ပြီးနောက် ပြန်ပြောရင်သတ်ပစ်မယ်လို့ ခြိမ်းခြောက်ပြောဆိုခဲ့သလို နောက်ပိုင်းမှာလည်း အဖွား ဖြစ်သူမရှိတဲ့အချိန်တွေတိုင်း ဦးထွန်းရွှေခိုင်မှ မိန်းကလေး နေထိုင်ရာ နေအိမ်သို့ လာရောက်ပြီး အကြိမ်ကြိမ် အဓမ္မပြုကျင့်ခဲ့ပြီး မိန်းကလေးကို အစ်မဖြစ်သူက ကျောက်ဖြူဆေးရုံမှာ စစ်ဆေးတဲ့အချိန်မှ ကိုယ်ဝန်ရှိနေကြောင်းကို သိရှိရတဲ့အတွက် အစ်မဖြစ်သူ အမှုဖွင့်တိုင်ကြားခဲ့သည်” ကုလားဘာကျေးရွာ အုပ်ချုပ်ရေးမှူး ဦးရွှေရွှေမောင်မှ Munimary News Agencyသို့ ပြောကြားသည်။

အဆိုပါဖြစ်စဉ်နှင့်ပတ်သတ်၍ ကျောက်ဖြူမြို့မရဲစခန်းမှ တရားခံ ဦးထွန်းရွှေခိုင်အား ဖမ်းဆီးအမှုဖွင့် စစ်ဆေး ဆောင်ရွက်လျှက်ရှိကြောင်း စုံစမ်းသိရှိရပါသည်။

သာခိုင်(မုနိမြီ)
Munimary News Agency
https://www.facebook.com/munimarynews