ပြည်တော်သာရပ်ကွက်တွင် တီဗွီကြည့်နေသော အသက် ငါးဆယ်ကျော်အမျိုးသားအား ဓားဖြင့် ၀င်ထိုး

မုံရွာ၊ အောက်တို ၂၅

မုံရွာမြို့ ပြည်တော်သာ(အက်တော)ရပ်ကွက်တွင် အသက် တီဗွီကြည့်နေသော အသက်ငါးဆယ်ကျော်အမျိုးသားတစ်ဦးအား အသက်ရွယ်တူ အမျိုးသားတစ်ဦးမှ ဓားဖြင့် ၀င်ထိုးသည့် ဖြစ်ရပ် အောက်တိုဘာ ၂၅ ရက်ညနေပိုင်းက ဖြစ်ပွားခဲ့ကြောင်း သိရသည်။

“ဓားနဲ့ထိုးတဲ့သူက အရက်ကြောင် ကြောင်နေတာပါ။ သူတို့က ငယ်ငယ်ကတည်းက အဖုအထစ်လေးတွေရှိပုံရတယ်။ အရက်ကြောင်တိုင်း အဲဒီအဖုအထစ်ကို သတိသွားသွားရတဲ့ပုံစံပါ” ဟု ပြည်တော်တာရပ်ကွက် အုပ်ချုပ်ရေးမှူး ဦးရဲထွဋ်က ပြောသည်။

ဓားထိုးမှုဖြစ်စဉ်ဖြစ်ပွားသည့် အိမ်ပိုင်ရှင်များ၏ပြောဆိုချက်အရ နှစ်ဦးစလုံးမှာ တီဗွီလာကြည့်နေကြများဖြစ်ကြောင်း ဆိုသည်။

အခင်းမဖြစ်ခင်အချိန်က ဓားဖြင့်ထိုးမည့် အမျိုးသားမှ တီဗွီကြည့် နေသော အမျိုးသားအား အရက်ဖိုးလာတောင်းရာတွင် မရှိ၍ မပေးနိုင်ကြောင်းပြောဆိုလွှတ်သဖြင့် ၄င်းမှာ ပြန်ထွက်သွားခဲ့သည် ဆိုသည်။

ယင်းနောက် နောက်တစ်ခေါက်ပြန်အလာတွင် မပြောမဆိုဖြင့် ပါလာသည့် ဓားဖြင့် ထိုးသွားခြင်းဖြစ်ကြောင်း အိမ်ရှင် အမျိုးသမီးကပြောသည်။

ဓားထိုးခံရသည့် အမျိုးသားမှာ မုံရွာပြည်သူ့ဆေးရုံကြီးတွင် ဆေးကုသမှုခံယူနေရကြောင်း သိရသည်။

မောင်ကြီးငယ်ငယ်
Monywa Gazette
https://www.facebook.com/monywagazette