မလေးရှား ဝန်ကြီးချုပ်ဟောင်း ဇနီး ခြစားမှုနဲ့ စစ်ဆေး

Photo: Mohd RASFAN / AFP

မလေးရှား အဂတိလိုက်စားမှု တိုက်ဖျက်ရေးကော်မရှင်က နိုင်ငံတော်ဖွံ့ဖြိုးရေးဘဏ်က ဒေါ်လာငွေ ဘီလီယံများစွာ ခြစားမှုနဲ့ ပတ်သက်ပြီး ဝန်ကြီးချုပ်ဟောင်း Najib Razak နာဂျစ် ရာဇတ်ရဲ့ ဇနီး Rosmah Mansor ရို့စ်မာ မင်န်ဆာ ကို ဒီကနေ့ စစ်ဆေးပါလိမ့်မယ်။ ပြီးခဲ့တဲ့ မေလ ရွေးကောက်ပွဲမှာ သူ့ခင်ပွန်း နာဂျစ် ရှုံးနိမ့်ခဲ့ပြီးနောက်ပိုင်း ဒုတိယအကြိမ်မြောက် ခေါ်ယူခံရတာဖြစ်ပါတယ်။

သူတို့ပိုင်ဆိုင်တဲ့ အိမ်တွေ ကားတွေနဲ့အတူ တန်ဖိုးကြီးလှတဲ့ လက်ပွေ့အိပ် ၅၆ဝ ကျော်၊ နာရီ ၄၂ဝ ကျော်နဲ့ လက်ဝတ်ရတနာ ၁၂ဝဝဝ ကျော်ကို အစိုးရသစ်က သိမ်းဆီးရရှိခဲ့ပါတယ်။ ဇိမ်ခံပစ္စည်းတွေဝယ်ယူမှုကြောင့် ရို့စ်မာကို ဖိလစ်ပိုင် အာဏာရှင်ဟောင်း မားကို့စ်ရဲ့ ဇနီး Imelda Marcos အီမဲလ်ဒါ မားကို့စ် နဲ့ နှိုင်းယှဉ် ပြောကြားခဲ့ကြပါတယ်။

အမေရိကန် တရားရေးဝန်ကြီးဌာနရဲ့ ပြောဆိုချက်အရ ဝန်ကြီးချုပ် နာဂျစ်နဲ့ အပေါင်းပါတွေဟာ နိုင်ငံငွေ အမေရိကန် ဒေါ်လာ ၄.၅ ဘီလီယံကို အလွဲသုံးစားပြုလုပ်ခဲ့ပြီး အဲဒီငွေတွေထဲက ဒေါ်လာ သန်း ၆၈ဝ ကို နာဂျစ်က သူ့ရဲ့ ကိုယ်ပိုင်ဘဏ်ငွေစာရင်းထဲ လွှဲပြောင်းရယူခဲ့ပါတယ်။

RFA Burmese
https://www.facebook.com/rfaburmese/