တမန်တော်ပုံ ကာတွန်းဆွဲခွင့်ပြုတဲ့ နယ်သာလန်ကို ပါကစ္စတန်မှာ ဆန္ဒပြ

တမန်တော်ပုံ ကာတွန်းဆွဲခွင့်ပေးတဲ့ နယ်သာလန်ကို ဆန္ဒပြနေကြတဲ့ ပါကစ္စတန်နိုင်ငံသားများ။ (သြဂုတ် ၁၇၊ ၂၀၁၈)

အစ္စလာမ်ဘာသာရဲ့ တမန်တော် မိုဟမ်မက်ဒ်ကို ပုံဖော်ရေးဆွဲတဲ့ ကာတွန်းပြိုင်ပွဲတခုလုပ်ဖို့ နယ်သာလန်နိုင်ငံက လက်ယာစွန်း လွှတ်တော်အမတ်တဦးကို ခွင့်ပြုလိုက်တဲ့အတွက် ပါကစ္စတန်နိုင်ငံဆိုင်ရာ နယ်သာလန်သံရုံးကို ဆန္ဒပြသူ ၂၀၀,၀၀၀ ၊ ၃၀၀,၀၀၀ လောက်ဝိုင်းပြီး ကျောက်ခဲတွေနဲ့ ပစ်ပေါက်မယ်လို့ ခြိမ်းခြောက်ကြပါတယ်။

ရဲတပ်ဖွဲ့ကချထားတဲ့ အတားအဆီး အများအပြားကို ဆန္ဒပြသူတွေက ချိုးဖောက်ဝင်ရောက် သွားနိုင်ပေမယ့် သံရုံးနားအထိတော့ ရောက်မသွားနိုင်ကြပါဘူး။ နယ်သာလန်သံရုံးဟာ တခြားသံရုံးအများစုနဲ့အတူ အထူးအကာအကွယ်ပေးထားတဲ့ သံတမန်ဝန်းထဲ မှာ တည်ရှိတာပါ။

အစ္စလာမ်ဝါဒီ Tehreek-e-Labbaik ပါကစ္စတန် TLP ပါတီက ဦးဆောင်ပြီးလုပ်တဲ့ ဆန္ဒပြပွဲမှာ ပါဝင်သူတွေက နယ်သာလန်နိုင်ငံနဲ့ သံတမန်အဆက်အသွယ်ဖြတ်ဖို့ ပါကစ္စတန်အစိုးရကို တောင်းဆိုကြပါတယ်။

ဒါ့အပြင် နယ်သာလန်အစိုးရက တောင်းပန်ဖို့အတွက် ကုလသမဂ္ဂကို စာရေးတင်ပြဖို့လည်း ဆန္ဒပြသူတွေက ပါကစ္စတန် အစိုးရကို တောင်းဆိုပါတယ်။

ကာတွန်းပြိုင်ပွဲကို သူ့ပါတီရဲ့ လွှတ်တော်တွင်းရုံးတွေမှာ ဒီနှစ်နှောင်းပိုင်းကျရင် လုပ်မယ်လို့ နယ်သာလန်လွှတ်တော်အမတ် Geert Wilders က ဇွန်လမှာ ကြေညာထားတာပါ။ သူ့အစီအစဉ်ကို နယ်သာလန်နိုင်ငံရဲ့ အကြမ်းဖက်မှု တန်ပြန်နှိမ်နင်းရေးအဖွဲ့ ကလည်း အတည်ပြုထားပြီးပြီလို့ Geert Wilders ကပြောပါတယ်။ Wilders ဟာ အစ္စလာမ်ဆန့်ကျင်ရေး ပြောစကားတွေနဲ့ ထင်ရှားပြီး Quran ကျမ်းစာကို ပိတ်ပင်တားမြစ်ဖို့ တောင်းဆိုဖူးပါတယ်။

ဗွီအိုအေ (မြန်မာဌာန)
https://burmese.voanews.com