ဗုဒ္ဓဓမ္မ ပရဟိတ အဖွဲ့ကို ထောက်ခံကြိုဆိုပွဲ

ရန်ကုန်မြို့ ကျိုက္ကဆံကွင်းမှာ မြန်မာနိုင်ငံလုံးဆိုင်ရာ ဓမ္မ၀ံသာနုရက္ခိတအဖွဲ့က ဦးဆောင်ပြီး ဗုဒ္ဓဓမ္မ ပရဟိတ အဖွဲ့ကို ၂ဝ၁၈ ခုနှစ် သြဂုတ်လ ၁၁ ရက်နေ့က ထောက်ခံကြိုဆိုခဲ့စဉ်/ Photo: Thant Zin Oo/RFA

ဗုဒ္ဓဓမ္မ ပရဟိတ အဖွဲ့ကို ထောက်ခံကြိုဆိုပွဲ အခမ်းအနားကို ရန်ကုန်မြို့ ကျိုက္ကဆံကွင်းမှာ မြန်မာနိုင်ငံလုံးဆိုင်ရာ ဓမ္မ၀ံသာနုရက္ခိတအဖွဲ့က ဦးဆောင်ပြီး ဒီနေ့ ကျင်းပခဲ့ပါတယ်။

ဗုဒ္ဓဓမ္မ ပရဟိတ အဖွဲ့ကို ထောက်ခံသင့်လို့ ကြွရောက်လာတာဖြစ်ကြောင်း ဆရာတော် ဦးသောမန က မိန့်ပါတယ်။

ဒီဗုဒ္ဓ ဓမ္မ ပရဟိတ ဖောင်ဒေးရှင်း အဖွဲ့ဟာ တရားမဝင် အဖွဲ့အစည်းဖြစ်တယ်ဆိုပြီး နိုင်ငံတော်သံဃာ့မဟာနာယက မဟန အဖွဲ့ အစည်းအဝေးက ဆုံးဖြတ်ကာ ဖျက်သိမ်းခိုင်းထားတာ ဖြစ်ပါတယ်။ ပြီးခဲ့တဲ့ ဇူလိုင်လ ၂ဝ ရက်နေ့က ကမ္ဘာအေးကုန်းမြေမှာ မဟန ၄၇ ပါး စုံညီအစည်းအဝေးကနေ ဗုဒ္ဓဓမ္မ ပရဟိတ ဖောင်ဒေးရှင်းအဖွဲ့ကို တရားမဝင် အဖွဲ့အစည်းအဖြစ် သတ်မှတ်ကြေညာခဲ့တာဖြစ်ပါတယ်။

အဲဒီအဖွဲ့အနေနဲ့ မဟနရဲ့ လမ်းညွှန်မှု တောင်းခံထားတာကို ပယ်ဖျက်ဖို့နဲ့ အဖွဲ့အမည်သုံးပြီး မည်သည့်ကိစ္စကိုမှ ဆောင်ရွက်တာမလုပ်ဖို့လည်း မဟနက ထုတ်ပြန်ထားပါတယ်။

မဟနရဲ့ဆုံးဖြတ်ချက်တွေထဲမှာ ဆုံးဖြတ်ချက်ချပြီး တစ်လခွဲအတွင်း မြန်မာနိုင်ငံအနှံ့စိုက်ထူးထားတဲ့ ဗုဒ္ဓဓမ္မပရဟိ တဖောင်ဒေးရှင်း (ဗဟို) ဆိုင်းဘုတ်တွေကို ဖြုတ်ချဖို့၊  ဆုံးဖြတ်ချက်တွေကို မလိုက်နာဘူးဆိုရင် ရဟန်းဖြစ်ပါက သံဃအဖွဲ့ အစည်းဆိုင်ရာ ဥပဒေ ၂ဝ/၉ဝ နဲ့ အရေးယူမှာဖြစ်သလို လူပုဂ္ဂိုလ်ဆိုရင်လည်း တည်ဆဲဥပဒေတွေနဲ့အညီ အရေးယူသွားမယ်ဆိုတဲ့ အချက်တွေလည်းပါဝင်ပါတယ်။

RFA Burmese
https://www.rfa.org/burmese