 |
| အသတ်ခံရတဲ့ TNLA ရဲမေ ၆ ဦးရဲ့ ရုပ်အလောင်းကို တွေ့ရစဉ်/ Photo: PSLF -TNLA News & Information Department |
ဇူလိုင်လ ၁၁ ရက်နေ့က အစိုးရတပ်မတော်နဲ့ ပစ်ခတ်မှုဖြစ်ပွားခဲ့ပြီးနောက် TNLA အမျိုးသမီးစစ်သည် ၆ ဦး အဖမ်းခံလိုက်ရပြီး အခုလိုအသတ်ခံရတာလို့ TNLA ရဲ့ သတင်းပြန်ကြားရေး တာဝန်ခံ ဗိုလ်မှူး မိုင်းအိုက်ကျော် က ပြောပါတယ်။
‘’၁၁ ရက်နေ့ အာလောရွာထိပ်မှာ ကျွန်တော်တို့ ဆေးကုသအဖွဲ့ပေါ့၊ မြန်မာ့တပ်မတော်က ခြုံခိုပြီးတော့ ပစ်ခတ်တယ်၊ ရဲဘော်တစ်ယောက်ကတော့ သေသွားတယ်၊ ရဲမေ ၆ ဦးကတော့ အဖမ်းခံရတယ်၊ ၁၄ ရက်နေ့လောက်မှ သူတို့မြှုပ်နှံထားတဲ့နေရာ သွားတွေ့တယ်၊ သူတို့ပြန်ဖော် ကြည့်တော့ ရဲမေတွေ ၆ ဦးပေါ့နော်၊ ရဲဘော်တစ်ဦးပါ အားလုံးပေါင်း ၇ ဦး စုပေါင်းပြီးတော့ မြှုပ်နှံ ထားတယ်’’
ဇူလိုင် ၁၁ ရက်နေ့ တိုက်ပွဲအတွင်း TNLA တပ်ဖွဲ့ဝင်တစ်ဦး ကျဆုံးခဲ့ပြီး ဒဏ်ရာရရှိသူတွေရှိတယ်လို့လည်း ထုတ်ပြန်ချက်မှာ ပါရှိပါတယ်။
အစိုးရတပ်မတော် တပ်မ ၈၈ လက်အောက်ခံ ခမရ- ၃၀၁ နဲ့ တိုက်ပွဲဖြစ်ပွားတာလို့ ဗိုလ်မှူးမိုင်းအိုက်ကျော် က ပြောပါတယ်။
ရုပ်အလောင်းတွေကို ဇူလိုင် ၁၄ ရက်နေ့က တွေ့ရှိရာ သေနတ်ဒဏ်ရာနဲ့ သေဆုံးသူ ၃ဦးရှိပြီး ကျန်တဲ့သူတွေရဲ့ ကိုယ်ခန္ဓာတွေမှာတော့ ဓားဒဏ်ရာတွေ၊ ရိုက်နှက်ခံထားရတဲ့ဒဏ်ရာတွေ တွေ့ရှိတယ်လို့ TNLA ထုတ်ပြန်ချက် မှာ ဖော်ပြထားပါတယ်။
ဒီအခြေအနေနဲ့ပတ်သက်ပြီး တပ်မတော်ကာကွယ်ရေးဦးစီးချုပ်ရုံးက သတင်းထုတ်ပြန်ထားတာ မရှိသလို ကာကွယ်ရေးဝန်ကြီးဌာနရဲ့ ပြောရေးဆိုခွင့်ရှိသူတွေကို RFA က ဖုန်းနဲ့ ဆက်သွယ်ပေမဲ့ ဖုန်းလက်ခံဖြေကြားခြင်းမရှိပါဘူး။
RFA Burmese
https://www.rfa.org/burmese
TNLA အမျိုးသမီးစစ်သည် ၆ ဦး သတ်ဖြတ်ခံရကြောင်း သတင်းထုတ်ပြန်
Reviewed by THITHTOOLWIN
on
18:49
Rating:
Reviewed by THITHTOOLWIN
on
18:49
Rating:
