 |
| မိုင်းကိုင်မြို့အားအထက်မှမြင်တွေ့ရပုံ Photo by Google earth |
ဇူလိုင် ၉ ရက် မွန်းတည့်ချိန်မှ စ၍ ညနေပိုင်း အထိ ပစ်ခတ်တိုက်ခိုက်သံ ကြားနေရသေး ကြောင်း၊ အစိုးရတပ်မတော်ဘက်တွင် မိုင်းပန်အခြေစိုက် စကခ ၁၇ လက်အောက်ခံ ကျိုင်းတောင်း အခြေစိုက် ခြေမြန်တပ်ရင်း ခမရ ၅၆၉ အင်အား ၉၀ ကျော် ရှိ စစ်ကြောင်းက မိုင်းကိုင်မြို့ ရှိ သျှမ်းပြည်ပြန်လည်ထူထောင်ရေးကောင်စီ သျှမ်းပြည်တပ်မတော် RCSS/SSA တပ်စခန်းအား တက်ရောက်တိုက်နေသည်ဟု ကြားသိရသည်။
“မိုင်းကိုင်မြို့ အရှေ့မြောက်ဘက် မိုင် ၂၀ ကျော်အကွာမှာရှိတဲ့ ဟိုခိုင်း ကျေးရွာအုပ်စုရဲ့ အရှေ့မြောက်ဘက် ၅ မိုင်ခန့်အကွာ ဟွေ့မွန်ရွာမှာ ဖြစ်တာ တိုက်ပွဲက။ ဒီညနေ ၄ နာရီအထိ မရပ်သေးဘူး။ အဲဒီက ရွာလေးတွေက ရွာသားတွေ ရွာကြီးဘက်ကို ထွက်ပြေးနေတယ် ”- ဟု အသက် ၄၀ ကျော်အရွယ် မိုင်းကိုင်မြို့ခံ အမျိုးသားတဦးကပြောသည်။
အဆိုပါ တိုက်ခိုက်မှု နှင့်ပတ်သက်၍ ဟုတ်မှန်ကြောင်း RCSS/SSA ပြောခွင့်ရ ဒုတိယ ဗိုလ်မှူးကြီး စိုင်းဦး က သျှမ်းသံတော်ဆင့်သို့ အတည်ပြုသော်လည်း တိုက်ပွဲဖြစ်စေသည့်အကြောင်းအရင်းအသေးစိတ်အား ပြောပြ ခြင်း မရှိပေ။
ဘာဖြစ်လဲမသိဘူး။ အခု အရက်ပိုင်း မှာ လွိုင်လင်အထွက်ဂိတ်၊ လဲချားအထွက် ၊ မိုင်းနောင် အထွက် ၊ ကျေး သီး လမ်းခွဲ က အစ နမ့်ပုတ်ဂိတ်တွေမှာလဲ လုံခြုံးတွေ ပိုမိုချထားတာတွေ၊ စစ်ဆေးမှုတွေ လုပ်နေတယ် – ဟု ကားဆရာ စိုင်အောင်ဝင်း က ပြောသည်။
အဆိုတိုက်ပွဲဖြစ်ပွားနေမှု ဟုတ်မှန်ကြောင်း တိုက်ပွဲအသေးစိတ်မသိရသေးကြောင်း မိုင်းကိုင်မြို့နယ် ပြည်နယ် လွှတ်တော်အမတ် လုံးစိုင်းလုံ ကလည်းပြောသည်။
သျှမ်းပြည်ပြန်လည်ထူထောင်ရေးကောင်စီ သျှမ်းပြည်တပ်မတော် RCSS/SSA တနိုင်ငံလုံးအပစ်အခတ်ရပ်စဲရေး စာချုပ် လက်မှတ်ရေးထိုးထားသည်။ ထို့အပြင် နိုင်ငံတော်အတိုင်အပင်ခံ ဒေါ်အောင်ဆန်းစုကြည့် ဦးဆောင်သည့် ၂၁ ရာစု ပင်လုံညီလာခံ တတိယ အကြိမ် ဖြစ်မြောက်ရေးအတွက်လည်း ပါဝင်ဆောင်ရွက်နေသည့် သျှမ်းလက်နက်ကိုင်တပ်ဖွဲ့ဖြစ်သည်။
သျှမ်းသံတော်ဆင့် - ဟွမ်ဟိန်း
http://burmese.shannews.org
သျှမ်းပြည်အလယ်ပိုင်းရှိ RCSS တပ်စခန်းတခုကို အစိုးရတပ်မတော် တက်တိုက်
Reviewed by THITHTOOLWIN
on
22:17
Rating:
Reviewed by THITHTOOLWIN
on
22:17
Rating:
