မတ္တရာမြို့နယ်တွင် မူလတန်းကျောင်းအုပ်ဆရာကြီးတစ်ဦး အသတ်ခံရ

မတ္တရာ ဇူလိုင် ၆

မန္တလေးတိုင်းဒေသကြီး ပြင်ဦးလွင်ခရိုင် မတ္တရာမြို့နယ် သဲကောကျေးရွာအုပ်စု ပွဲတိုင်းကျော် ကျေးရွာတွင် ဇူလိုင် ၅ရက် ည၈နာရီ၁၅မိနစ်အချိန်က မူလတန်းကျောင်းအုပ်ဆရာကြီးတစ်ဦး အသတ် ခံရမှုဖြစ်ပွားခဲ့ကြောင်းသိရသည်။

ဖြစ်စဉ်မှာ မတ္တရာမြို့နယ် ပွဲတိုင်းကျော်ကျေးရွာနေ ဒေါ်ညိုညိုစန်း (၆၀)နှစ်သည် တစ်ရွာတည်းနေ အစ်မဖြစ်သူ နေအိမ်မှပြန်လာစဉ် ဧည့်ခန်းတွင် အတူနေခင်ပွန်းဖြစ်သူ ဦးတင်ဝမ်း(၆၁)နှစ်၊ မူလတန်းကျောင်းအုပ်(အ-မ-က-မြစ်ကောက်)မှာ ဒရင်းဘက်ပေါ်တွင် ဝဲ/ယာမျက်လုံး ညိုမဲဒဏ်ရာ၊ဝဲမျက်လုံးအောက်ပေါက်ပြဲဒဏ်ရာ၊ နဖူးထိပ်ပေါက်ပြဲဒဏ်ရာတို့ရရှိခဲ့ပြီး ပက်လက်အနေ အထားအဖြင့်သေဆုံးနေသည်ကို တွေ့ရှိရသဖြင့် အနီးပတ်ဝန်းကျင်မှ ဆွေမျိုးများအား ခေါ်ယူပြောကြားခဲ့ပြီး ကျေးရွာအုပ်ချုပ်ရေးမှူးအား အကြောင်းကြားကာ မတ္တရာမြို့မရဲစခန်းသို့ ဆက်သွယ်အကြောင်းကြား ခဲ့ရာသေဆုံးသူအလောင်းအား ရဲဆေးစာဖြင့် မတ္တရာပြည်သူ့ဆေးရုံသို့ ပို့ဆောင်ခဲ့သည်။

အဆိုပါဖြစ်စဉ်မှ ပြစ်မှုကျူးလွန်သူအား စုံစမ်းဖော်ထုတ်ပေးပါရန် ဒေါ်ညိုညိုစန်းမှ တရားလို ပြုလုပ်တိုင်တန်းလာသဖြင့် မတ္တရာမြို့မရဲစခန်းမှအမှုဖွင့်ပြီး မတ္တရာမြို့မစခန်းမှူး ဒုရဲမှူးခင်ဝင်းဇော်မှ ပြစ်မှုကျူးလွန်သူအား ဖော်ထုတ်အရေးယူ နိုင်ရေး စုံစမ်းဆောင်ရွက် လျက်ရှိကြောင်းသိရသည်။

စိုးကျော်သူထွေး(မတ္တရာ)
Myanmaalinn
https://www.facebook.com/MYANMAALINNNEWS/