ဒေလီ ကြိုးဆွဲချမှု ဘာသာရေးကြောင့်ဖြစ်နိုင်

အထူးတဆန်း သေဆုံးမှုကြောင့် တုန်လှုပ်သွား

အိန္ဒိယ နိုင်ငံ နယူးဒေလီ မြို့တော်မှာ စနေနေ့က ဖြစ်ခဲ့တဲ့ မိသားစု တစု တည်းက လူ ၁၁ ယောက် သေဆုံး ခဲ့ရမှုဟာ ဘာသာရေး အယူသီးမှုကြောင့် မှားယွင်းသတ်သေတာ ဖြစ်နိုင်ကြောင်း ရဲဘက်ဆိုင်ရာက ပြောပါတယ်။

လုံခြုံရေး ကင်မရာက ရယူထားတဲ့ ဗီဒီယိုမှတ်တမ်းတွေအရ မိသားစုဝင်တွေ ခွေးခြေတွေနဲ့ ဝိုင်ယာကြိုးတွေ ဝယ်နေတာကို တွေ့ရပါတယ်။

ဒါတွေကို သူတို့ အစုအပြုံလိုက် ကြိုးဆွဲချရာမှာ သုံးခဲ့တာ ဖြစ်ပါတယ်။

သူတို့ အိမ်မှာ ကျန်ခဲ့တဲ့ မှတ်စု မှတ်တမ်းတွေအရ သူတို့ နောက်ဆုံး စားခဲ့တဲ့ အစားအသောက်ကိုပါ သိရပြီး သတ်သေပြီးနောက် သူတို့ကို တန်ခိုးနဲ့ လာကယ်ဆယ်မယ်၊ ပြန်လည် ရှင်သန်မယ်လို့ ယုံမှတ်ခဲ့ကြတယ် ဆိုတာ တွေ့ရပါတယ်။

သတ်သေသူတွေဟာ အဘိုးအဘွားကနေ မြေးအထိ ပါဝင်ပြီး ဆယ်ကျော်သက် အရွယ် ယောက်ျားလေး နှစ်ယောက်လည်း ပါပါတယ်။

စိတ်ဝင်တစား စုပြုံကြည့်နေကြ

ဒီလို ဗီဒီယို ထွက်လာပေမယ့် လူသတ်မှု ဖြစ်နိုင်တယ် ဆိုတဲ့ စဉ်းစားချက်ကို ဖယ်မထားဘူးလို့ ရဲက ဘီဘီစီကို ပြောပါတယ်။

ဒီအမှုမှာ မရှင်းလင်းတဲ့ အချက်တွေ ရှိနေပြီး တနိုင်ငံလုံး ထိတ်လန့်တကြား ဖြစ်သွားတဲ့ ကိစ္စကြီးလည်း ဖြစ်ပါတယ်။

သေဆုံးသူ အားလုံးရဲ့ မျက်စိတွေကို အဝတ်စည်းထားပြီး ပါးစပ်တွေကို ဆို့ထားသလို လက်တွေကို နောက်မှာ ကြိုးတုပ်ထားတာကိုလည်း တွေ့ရပါတယ်။

ဒါကြောင့် သူတို့ကိုယ်သူတို့ သတ်မသေခင် ဒါတွေ ဘယ်လို လုပ်သလဲ စဉ်းစားမရ ဖြစ်နေကြပါတယ်။

BBC Burmese
http://www.bbc.com/burmese