 |
| ဘင်္ဂလားဒေ့ရ်ှနိုင်ငံခြားရေးဝန်ကြီး AH Mahmood Ali |
ရခိုင်ပြည်နယ်အတွင်းတိုးတက်ဖြစ်ထွန်းမှုတွေဘယ်လို ရှိနေသလဲဆိုတာကိုလေ့လာကြည့်ရှုဖို့ နိုင်ငံခြားရေးဝန်ကြီးအလီ မြန်မာပြည်သွားမယ့်အကြောင်း ဘင်္ဂလားဒေ့ရှ် နိုင်ငံခြား ရေးအတွင်းဝန်က မနေ့တုန်းကပဲ သတင်းထောက်တွေကို ပြောခဲ့တာပါ။ ဒါပေမဲ့ ဘယ်တော့သွားမလဲဆိုတာကိုတော့ မပြောပါဘူး။
ရိုဟင်ဂျာဒုက္ခသည်တွေနေရပ်ပြန်တဲ့အခါ နေထိုင်ကြဖို့ ဘယ်လိုအိမ်ရာမျိုးတွေကို တည်ဆောက်ထားသလဲ၊ သူတို့ဘ၀နေထိုင်မှုအခြေအနေတွေကဘယ်လိုရှိနိုင်မလဲဆိုတာတွေကို ဘင်္ဂလားဒေ့ရ်ှဘက်က မြင်တွေ့လိုတဲ့အကြောင်း ဘင်္ဂလားဒေ့ရ်ှနိုင်ငံခြားရေးဝန်ကြီးဌာန အရာရှိတဦးကပြောဆိုထားပြီး ဒီခရီးစဉ်က မဖြစ်မနေသွားရမယ့် ခရီးစဉ်ဖြစ်တယ် လို့လည်းဆိုပါတယ်။
မကြာသေးခင်တုန်းကပဲ မြန်မာပြည်ထောင်စုဝန်ကြီးဦးကျော်တင့်ဆွေနဲ့ ဘင်္ဂလားဒေ့ရ်ှနိုင်ငံခြားရေး ၀န်ကြီး မာမွတ်အလီတို့ တရုတ်နိုင်ငံမြို့တော်ပေကျင်းမှာတွေ့ဆုံဆွေးနွေးခဲ့ကြပါသေးတယ်။ အဲဒီမှာ တရုတ်နိုင်ငံခြားရေး ၀န်ကြီး ၀မ်ယီက မြန်မာနဲ့ဘင်္ဂလားဒေ့ခ်ျဝန်ကြီး၂ဦးကိုဧည့်ခံပြီး ရခိုင်ပြည်နယ်က ပဋိပက္ခကိုဖြေရှင်းရေး ၂ဘက်သဘော ထားအမြင်တွေကို အပြန်အလှန်ဖလှည်ခဲ့ကြပါတယ်။
ဗွီအိုအေ (မြန်မာပိုင်း)
https://burmese.voanews.com
Bangladesh နိုင်ငံခြားရေး အတွင်းဝန် ရခိုင်ပြည်နယ်သွားမည်
Reviewed by THITHTOOLWIN
on
10:27
Rating:
Reviewed by THITHTOOLWIN
on
10:27
Rating:
