သစ်ကိုင်းကျိုးကျရိုက်မိ၍ အမျိုးသမီးတစ်ဦးသေဆုံး

ကရသူရိ - မေ ၃၀

တနင်္သာရီတိုင်းဒေသကြီး ၊ ကရသူရိမြို့  ၊ ရွှေအဟုန်ဆီအုန်းကုမ္ပဏီတောထဲရှိ ဥယျာဉ်ခြံသို့သွားလမ်း၌ မေလ ၃၀ရက်နေ့နံနက်ပိုင်းက သစ်ကိုင်းကျိုးကျ ရိုက်မိ၍ အမျိုးသမီးတစ်ဦး သေဆုံးမှု ဖြစ်ပွားခဲ့ကြောင်း သိရသည်။

ဖြစ်စဉ်မှာ ကရသူရိမြို့ ဟန်ကပြုကျေးရွာအုပ်စု ကြိမ်မဲတောင်ရွာတွင်နေထိုင်သော ထိန်ဝင်း (ခ) စုကမ်း၊ အောင်ကျော်၊ အောင်ကိုနှင့် မဇင်မာအေးတို့(၄)ဦးသည် ယုဇနဆီအုန်းတာဖတ် စခန်းအနီး၊ ရွှေအဟုန်ဆီအုန်းကုမ္ပဏီတောထဲရှိ ဥယျာဉ်ခြံသို့သွားလမ်းပေါ်၌ အမြင့်(၁၂၀)ပေ၊ လုံးပတ်(၆)ပေခန့်ရှိသော လေသရက်ပင်၏ ပေ(၆၀)နေရာမှ သစ်ကိုင်းကျိုးကျကာ၊ (ဘ)ဦးသန်းအေး (မှတ်ပုံတင်မမှတ်မိ)၏သမီး မဇင်မာအေး အသက် (၃၂)နှစ်တွင် ဦးခေါင်းထိပ်တည့်တည့်(၅) လက်မခန့် ဦးခေါင်းခွံကွဲ ဒဏ်ရာ(၁)ချက်၊ ကျောပြင်တစ်ခုလုံး ညိုမဲဒဏ်ရာရရှိကာ အခင်းဖြစ်ပွားနေ ရာတွင်သေဆုံးသွားကြောင်း သိရသည်။

အဆိုပါ အခင်းဖြစ်ပွားရာနေရာသို့ ကရသူရိနယ်မြေရဲစခန်းမှ ဒုရဲအုပ်အောင်အောင်နှင့် အဖွဲ့ဝင်များ၊ ဟန်ကပြုကျေးရွာရာ အိမ်မှူးနှင့် ဆယ်အိမ်မှူးတို့ သွားရောက်စစ်ဆေးခဲ့ပြီး မဇင်မာအေး သေဆုံးမှုအား သေမှုသေခင်းအမှတ်စဉ်(၂/၂၀၁၈)ဖြင့် ဖွင့်လှစ်ပြီး စခန်းမှူးရဲအုပ်ကျော်ကျော်မင်းလွင်မှ အရေးယူစစ်ဆေး ဆောင်ရွက်လျက်ရှိကြောင်း သိရသည်။

ကရသူရိ-ပြန်/ဆက်