မိုင်းပေါက်ကွဲမှုကြောင့်အစိုးရတပ်ဖွဲ့ အရာရှိတဦးသေ၊ သေနတ်ပစ်ဖောက်မှုကြောင့် ရွာသားများသီပေါသို့ထွက်ပြေးတိမ်းရှောင်
 |
| ၀မ့်စန့်ဟန်ရွာအတွင်း အိမ်ရှင်မရှိသည့်အိမ်များအားအစိုးရစစ်တပ်မှ ၀င်ရောက်မွှေနှောက်ထားသည်ကိုတွေ့ရစဉ် |
ဧပြီလ ၁ ရက်နေ့က သီပေါမြို့နယ် မိုင်းလန်းအုပ်စု ၀မ့်စန့်ဟန်ရွာအတွင်း ဖြတ်သန်းသွားသော ခမရ ၅၀၃ မှ အင်အား ရ၀ ခန့်ရှိ စစ်ကြောင်းမှာ ၄င်းတို့ဖြတ်သန်းသွားခိုက် မိုင်းပေါက်ကွဲသဖြင့် တပ်ကြပ်တဦးသေဆုံးပြီး တပ်သားတဦး ဒဏ်ရာရကြောင်းသိရသည်။
စရဖဘက်ကအပြောအရဆိုရင် သူတို့ဖမ်းမိတဲ့ နွားမှောင်ခိုကုန်သည်တယောက်က ထွက်ဆိုလို့ အဆက်လိုက်ရှာရင်း ဒီဘက်ကိုရောက်လာတာ။ ကုန်သည်တွေက သူတို့ကိုမိုင်းပြန်ထောင်တယ်လို့ပြောတယ်။ အဲဒါနဲ့ ဖမ်းလာတဲ့အဲ့ကုန်သည်ကို ဒီရွာမှာဘဲ သူတို့ပစ်သတ်လိုက်တာ။ ၀မ့်စန့်ရွာသား ၂ ယောက်ကိုလည်း သူတို့ဖမ်းပြီးချုပ်ထားတယ်။ ကျနော်တို့ ဘုန်းဘုန်း ကသွားပြီးမေတ္တာရပ်ခံမှပြန်လွှတ်ပေးတာ။ – ဟု အမည်မဖော်လို့သည့် ရွာသား တဦးက ပြောပြသည်။
 |
| ၀မ့်စန့်ဟန်ရွာရှိရွာသားများအားသီပေါလွှတ်တော်အမတ်များနှင့် ကျားခေါင်းပါတီဝင်များ ရပ်ရွာအကြီးအကဲများကသွားရောက်ကြည့်ရှုအားပေးစဉ် |
အခု ရွာသား ၃၀၀ ကျော်က ဆီဆုံဘုန်းကြီးကျောင်း ၊ မြို့ဘက်ကအမျိုးတွေအိမ်၊ နမ့်ယန်းရွာဘက်ကို အသီးသီး ထွက်ပြေးတိမ်းရှောင်နေတယ်။ တချို့လည်း ဟန်နားဘက်သွားနေတယ် – ပြန်မလာသေးဘူး။ အိမ်ရှင်မရှိတဲ့ အိမ်တွေ ဆိုရင် သူတို့တက်ပြီးမွှေနှောက်ထားတာတွေရှိတယ်။ ကားတွေဘာတွေပစ္စည်းတွေကို ဖျက်ဆီးတာတွေ လည်းရှိတယ်- ဟု အဆိုပါအုပ်စုမှ ဆရာတော်တပါးကမိန့်တော်မူပါသည်။
မတ်လ ၃၁ ရက်နေ့က သီပေါမြို့နယ် ၀မ့်ကုန်းဆာနှင့်ဝမ့်စမ်လောင်းရွာကြား ဟိုင်းဝေးလမ်းပေါ်တွင် နွားများတင်ဆောင် သောကားအား လက်နက်ကိုင်အဖွဲ့တဖွဲ့က ပစ်ခတ်ခဲ့ကြောင်းရွာသားများပြောပြချက်အရသိပါသည်။
ကားလမ်းမကြီးနှင့်နီးသောအဆိုပါ ဒေသတွင် အစိုးရတပ်မတော်က လှုပ်ရှားသွားလာပါသည်။ အဆိုပါအတွင်းပိုင်းတွင်မူ သျှမ်းပြည်တိုးတက်ရေးပါတီ သျှမ်းပြည်တပ်မတော် SSPP/SSA က လှုပ်ရှားပါသည်။
သျှမ်းသံတော်ဆင့်၊ဟွမ်ဟိန်း
http://burmese.shannews.org
မိုင်းပေါက်ကွဲမှုကြောင့်အစိုးရတပ်ဖွဲ့ အရာရှိတဦးသေ၊ သေနတ်ပစ်ဖောက်မှုကြောင့် ရွာသားများသီပေါသို့ထွက်ပြေးတိမ်းရှောင်
Reviewed by THITHTOOLWIN
on
22:37
Rating:
Reviewed by THITHTOOLWIN
on
22:37
Rating:
