ရိုဟင်ဂျာမူဆလင် ဒုက္ခသည်တွေ မြန်မာနိုင်ငံကို ဂုဏ်သိက္ခာရှိရှိ၊ လုံခြုံစိတ်ချစွာနဲ့ ဆန္ဒအလျောက် ပြန်နိုင်ရေး အတွက် ၂ ဖက် သဘောတူ ပူးပေါင်းဆောင်ရွက်ဖို့ နားလည်မှုစာချွန်လွှာ MOU တရပ်ကို ဧပြီ ၁၃ ရက် သောကြာနေ့က ဘင်္ဂလားဒေ့ရ်ှအစိုးရနဲ့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR တို့ သဘောတူ လက်မှတ်ရေး ထိုးလိုက်ပါတယ်။
ဒီ MOU ကို UNHCR က ဖိလစ်ပို ဂရန်ဒီနဲ့ ဘင်္ဂလားဒေ့ရ်ှနိုင်ငံခြားရေးဝန်ကြီး ရှာဟစ်ဒူ ဟတ်တို့ လက်မှတ်ရေးထိုးတာဖြစ်ပြီး ဒီသဘောတူချက်ဟာ ရိုဟင်ဂျာဒုက္ခသည် ၇ သိန်း ခန့့် မြန်မာပြည် ပြန်လည်နေရာ ချထားရေးကိစ္စမှာ အကျူံးဝင်မှာဖြစ်ပါတယ်။
ဒီMOU ကို မြန်မာနိုင်ငံပါ ပါဝင်လက်မှတ်ရေးထိုးနိုင်ဖို့ UNHCR အနေနဲ့ ကြိုးပမ်းနေတယ်လို့လည်း ကြေညာချက်မှာ ဖော်ပြထားပါတယ်။
လောလောဆယ်အထိ မြန်မာနိုင်ငံဖက်က အခြေအနေတွေဟာ လုံခြုံစိတ်ချရပြီး ဂုဏ်သိက္ခာရှိရှိ ပြန်လည်နေထိုင်နိုင်တဲ့ အခြေအနေမရောက်သေးကြောင်း ပြီးခဲ့တဲ့ ရက်ပိုင်းက UNHCR အရာရှိတဦးက ပြောကြားထားပါတယ်။
RFA Burmese
https://www.facebook.com/rfaburmese/
ရိုဟင်ဂျာတွေအတင်းကြပ်ပြန်မပို့ရေး ဘင်္ဂလားဒေ့်ရ်ှနဲ့ ကုလသဘောတူလက်မှတ်ထိုး
Reviewed by THITHTOOLWIN
on
08:58
Rating:
Reviewed by THITHTOOLWIN
on
08:58
Rating:
