လေးမျက်နှာမြို့နယ် ဗောဓိကျေးရွာတွင် သုံးလောင်းပြိုင် လူသတ်မှုဖြစ်ပွား

လေးမျက်နှာ ဖေဖော်ဝါရီ ၆

ဧရာဝတီတိုင်းဒေသကြီး လေး မျက်နှာမြို့နယ် ဘိသလွန်ကျေးရွာ အုပ်စု ဗောဓိကျေးရွာတွင် ယခုလ ၄ ရက် (ဖေဖော်ဝါရီ ၄ ရက်) မွန်းတည့် ၁၂ နာရီခန့်က သုံးလောင်းပြိုင်လူသတ်မှု ဖြစ်ပွား ခဲ့ကြောင်း လေးမျက်နှာရဲတပ်ဖွဲ့ စခန်းမှ သိရသည်။
''တရားခံက ဦးနှောက်မ ကောင်းလို့ဖြစ်တာ။ ဖြစ်ဖြစ်ချင်း ၃၂၆ နဲ့ ဖွင့်တယ်။ ချက်ချင်းသေ တာမဟုတ်ဘူး''ဟု လေးမျက်နှာ မြို့နယ်ရဲတပ်ဖွဲ့စခန်းမှူး ဒုရဲမှူး စောလှက ပြောသည်။

ဖြစ်စဉ်မှာလေးမျက်နှာမြို့နယ် ဗောဓိ ကျေးရွာနေ ဦးတင်စိုး (၅ဝနှစ်) သည် ယခုလ ၄ရက် (ဖေဖော်ဝါရီ ၄ ရက်) မွန်းတည့် ၁၂နာရီခန့်က ဇနီးဖြစ် သူဒေါ်ခင်မာကြူ (၄၈နှစ်)နှင့်သမီး များဖြစ်ကြသော မအေးမူခိုင် (၂၂ နှစ်)၊မအေးမို့မို့ခိုင်(၁၈နှစ်)တို့နှင့် အတူယောက်ဖဝမ်းကွဲတော်စပ်သူ ဦးနေလင်း(၃ဝနှစ်)တို့နေအိမ်တွင် ရှိနေစဉ် လူတစ်ယောက်ရောက် လာပြီး ဦးတင်စိုး၏သားဖြစ်သူ ဝင်းကိုနိုင်နှင့်တွေ့လိုကြောင်းပြော ရာ ဦးတင်စိုးက အလုပ်သွားနေ၍ မရှိဘူးဟုပြောခဲ့ရာ ၄င်းက ခဏ ထိုင်ဦးမည်ပြောသဖြင့် ထိုင်ခိုင်း ခဲ့သည်။

ထို့နောက် ခဏအကြာ ဦးတင်စိုးမှာ နေအိမ်ခေါင်းရင်းရှိ ပဲမှော်စင်သို့ သွားရောက်စဉ် သမီး ဖြစ်သူမအေးမူခိုင်က ''ကယ်ကြ ပါဦး''ဟုအော်သံကြား၍ အိမ်ပေါ် တက်ကြည့်ရာ ထိုလူစိမ်းလက် ထဲတွင် အရိုးအသွား၂၂ လက်မ၊ ဗြက်နှစ်လက်မခန့်ရှိ ဓားတစ် ချောင်းကိုင်ထားသည်ကိုတွေ့ရပြီး နေလင်း၏ ဝဲလက်ကောက်တွင် ပြတ်ရှဒဏ်ရာတစ်ချက်(မစိုးရိမ်ရ)၊ ဒေါ်ခင်မာကြည်မှာ ဝမ်းဗိုက်ထိုး သွင်းဒဏ်ရာ တစ်ချက်(စိုးရိမ်ရ)၊ မအေးမို့မို့ခိုင်မှာဦးခေါင်းနောက်စေ့ ပြတ်ရှဒဏ်ရာတစ်ချက်(စိုးရိမ်ရ)နှင့် မအေးမူခိုင်မှာ ဝမ်းဗိုက်ထိုးသွင်း ဒဏ်ရာတစ်ချက်(စိုးရိမ်ရ)တို့ရရှိ လျက် လဲကျနေသည်ကိုတွေ့ရ၍ ရဲစခန်းသို့ တိုင်ကြားခဲ့ကြောင်း၊ လူနာများအား မွန်းတည့် ၁၂ နာရီ မိနစ် ၄ဝတွင် လေးမျက်နှာပြည် သူ့ဆေးရုံသို့ ပို့ဆောင်ခဲ့ပြီး မွန်းလွဲ ၁နာရီ၁၅မိနစ်တွင် စိုးရိမ်ရလူနာ သုံးဦးအား ဟင်္သာတဆေးရုံသို့ထပ် မံပို့ဆောင်ပေးခဲ့ရာ ဟင်္သာတ ဆေးရုံ၌ ညနေ ၆ နာရီခန့်တွင် သေဆုံးသွားခဲ့ကြောင်း ရဲမှတ်တမ်း များအရ သိရသည်။

အဆိုပါဖြစ်စဉ်နှင့်ပတ်သက်၍ တရားခံဖြစ်သူခင်မောင်ဝင်း(ခ) ကရင်လေး (၃၇နှစ်) ဒိုက်ပျက် အုပ်စု ကြံတောစုကျေးရွာ ကျုံပျော် မြို့နယ်နေသူအား ဖမ်းဆီးလျက် လေးမျက်နှာမြို့နယ် ရဲတပ်ဖွဲ့စခန်း မှ(ပ)၁၉/၂ဝ၁၈၊ရာဇသတ်ကြီး ပုဒ်မ ၃၂၆/၃ဝ၂တို့ဖြင့် အမှုဖွင့် ဆောင်ရွက်လျက်ရှိကြောင်း သိရ သည်။

မြတ်ဟိန်းကျော်(ကော့မှူး)
The Union Daily
https://www.facebook.com/uniondaily.net