အထူးတပ်ဖွဲ့ဝင်တွေကို အခင်းဖြစ်ပွားရာ ဟိုတယ်နားမှာ နေရာချထား |
သေနတ်သမားတွေ က အာဖဂန်နစ္စတန် စံတော်ချိန်နဲ့ဆိုရင် မနေ့ ည ၉ နာရီအချိန်လောက်မှာ ဒီ အထပ် ၅ ထက်မြင့်တဲ့ ဟိုတယ်ကို စပြီးဝင်တိုက်ခိုက်ခဲ့တာ လို့ ဆိုပါတယ်။
သေနတ်သမား က အနည်းဆုံး ၄ ယောက်လို့ အာဖဂန်အရာရှိတွေ က ပြောပါတယ်။
သေနတ်သမားတွေဟာ ဟိုတယ်ဝန်ထမ်းတွေ နဲ့ ဧည့်သည်တွေကို ပစ်ခတ် ခဲ့တယ်လို့လည်း သူတို့က ဆိုပါတယ်။
အထူးလုံခြုံရေးတပ်ဖွဲ့က သေနတ်သမား ၂ ယောက်ကို ပစ်သတ်လိုက်ပြီ၊ တခြားသူတွေ ကိုလိုက်လံရှင်းလင်းနေတယ်လို့ လည်း ပြည်ထဲရေးဝန်ကြီးဌာန ပြောခွင့်ရပုဂ္ဂိုလ် က ပြောပါတယ်။
သေဆုံးသွားတဲ့ အရပ်သား ၃ ယောက်ကို ဆေးရုံကိုယူသွားပြီလို့ အရာရှိတွေ က ဆိုသလို တချို့သတင်းတွေအရ အနည်းဆုံး ၅ ယောက်ထိခိုက်ဒဏ်ရာ ရထားကြောင်း သိရပါတယ်။
ဒေသတွင်း မီဒီယာတွေ က သေနတ်သမားတွေ ဟာ ဟိုတယ်ထဲမှာပဲ ဓားစာခံတွေ ကိုဖမ်းဆီးထားတယ်လို့ ပြောနေကြပေမယ့် ဒါတွေ ကိုတော့ အစိုးရ အရာရှိတွေ က အတည်မပြုပေးပါဘူး။
အင်တာကွန်တင်နီတယ် ဟိုတယ် ကို ၂၀၁၆ ဇန်နဝါရီလ က တွေ့ရစဉ် |
ဒီဟိုတယ်ဟာ မင်္ဂလာဆောင်အခမ်းအနားတွေ၊ ကွန်ဖရင့်တွေ၊ နိုင်ငံရေး အဖွဲ့အစည်းတွေရဲ့ တွေ့ဆုံပွဲတွေ လုပ်နေကျဖြစ်တဲ့ ဟိုတယ်တခုဖြစ်သလို အခုအချိန်မှာလည်း အိုင်တီ နည်းပညာ ဆိုင်ရာ ကွန်ဖရင့် တခု လုပ်နေလို့ ဒေသဆိုင်ရာ အစိုးရအရာရှိတွေ အဲဒီ ဟိုတယ်မှာ ရှိနေတယ်လို့ ဒေသတွင်းမီဒီယာ တခု က ဆိုပါတယ်။
ပြီးခဲ့တဲ့ ၂၀၁၁ တုန်းက လည်း ဒီဟိုတယ် ကို တာလီဘန်တွေ ဝင်တိုက်ခဲ့လို့ တိုက်ခိုက်သူ ၉ ယောက်အပါအဝင် လူပေါင်း ၂၁ ယောက် သေဆုံးခဲ့ပါတယ်။
BBC Burmese
http://www.bbc.com/burmese
ကဘူးလ်မြို့တော် က အထင်ကရ အင်တာကွန်တင်နီတယ် ဟိုတယ် ကို သေနတ်သမားတွေ တိုက်ခိုက်
Reviewed by THITHTOOLWIN
on
09:35
Rating: