 |
| KIA စစ်ရေးပြနေပုံ၊ လိုင်ဇာ |
ပူတာအို မြို့နယ်၊ Sumpyi Yang (ဆွမ်ပီယန်) ကျေးရွာ အနီး KIA တပ်မဟာ (၁) လက်အောက် တပ်ရင်း (၇) Shing Kap Bum စခန်း ကို မွန်းလွဲ ၃ နာရီကျော်မှာ အစိုးရ ခလရ (၄၆) တပ်မှ စတင် တိုက်ခိုက်လာခြင်းကြောင့် နှစ်ဖက် တိုက်ပွဲ ဖြစ်ပွားပြီး ညနေပိုင်းတွင် KIA ဘက် ဆုတ်ခွာ ပေးလိုက်ရသည်။
‘Shing Kap Bum စခန်းတွင် လူ အပြောင်းအလဲဖြင့် စစ် အင်အား နည်း နေချိန်’ ၎င်းကို အစိုးရတပ်မှ ‘အခွင့်ကောင်း’ ယူကာ တိုက်ခိုက် သိမ်းပိုက်ခဲ့ခြင်း ဖြစ်ကြောင်း KIA ဘက် ပြောပါသည်။
တိုက်ပွဲနေရာသို့ အစိုးရတပ် အင်အား ဖြည့်တင်းမှု အနေဖြင့် နောက် တရက် သောကြာနေ့တွင် ပူတာအိုမြို့ဘက်မှ နောက်ထပ် တပ်ဖွဲ့များ တက်လာပြီး ယခုချိန် အင်အား ၁၀၀ ကျော် ရှိနေပြီဖြစ်ကြောင်း သိရသည်။
ကချင်ပြည်နယ် အနောက်ဘက် KIA တပ်မဟာ (၂) နယ်မြေ ဖားကန့် နှင့် တနိုင်း နှစ်မြို့နယ်တွင်လည်း နိုဝင်ဘာလ ကတည်းက အစိုးရတပ်များမှ KIA တပ်စခန်းများကို စစ်ဆင်တိုက်ခိုက်မှုများ တိုး၍ ပြုလုပ်လာခြင်းကြောင့် ဒေသတွင်း တိုက်ပွဲများ နေ့စဉ်လိုလို ဖြစ်ပွားနေပါသည်။
Kachin News Group
http://burmese.kachinnews.com/
မြစ်ကြီးနား-ပူတာအို လမ်း KIA စခန်း တစ်ခု ကို မြန်မာ အစိုးရတပ် သိမ်းပိုက်
Reviewed by THITHTOOLWIN
on
16:11
Rating:
Reviewed by THITHTOOLWIN
on
16:11
Rating:
