နေပြည်တော် ၊ ဒီဇင်ဘာ ၁၅
ပြီးခဲ့သည့် ရက်သတ္တပတ်အတွင်းက ကျဆင်းခဲ့သည့် ပြည်တွင်းရွှေဈေးများသည် ယခုတစ်ပတ်တွင်လည်း ဆက်လက်ကျဆင်းခဲ့သည်။ ကမ္ဘာ့ရွှေဈေးများ ဆက်တိုက် ကျဆင်းလာမှုကြောင့် ပြည်တွင်းရွှေဈေးများ ဆက်လက် ကျဆင်းရခြင်းဖြစ်ကြောင်း ရွှေကုန်သည်များက သုံးသပ်သည်။
ပြည်တွင်းရွှေဈေးများ ဆက်တိုက် ကျဆင်းလာမှုကြောင့် ဈေးကွက်အတွင်း အရောင်းအဝယ်များ အေးလာကြောင်း၊ အတက်ဈေးဖြင့် ဝယ်ယူထားသူများအနေဖြင့် ဈေးကျဆင်းလာမှုကြောင့် အရှုံးခံကာ ပြန်လည်ရောင်းချသူများ ရှိသကဲ့သို့ ဈေးပြန်တက်ချိန်ကို စောင့်ဆိုင်းနေသူများလည်း ရှိကြောင်း ဈေးကွက်အတွင်းမှ သိရသည်။
ပြည်တွင်းရွှေဈေးကွက်တွင် ဒီဇင်ဘာ ၄ ရက်က အခေါက်ရွှေ တစ်ကျပ်သားလျှင် ကျပ် ၉၃ဝဝဝဝ ရှိခဲ့ပြီး ဒီဇင်ဘာ ၆ ရက်တွင် ကျပ် ၉၂၆၀၀၀ ရှိခဲ့သည်။ ဒီဇင်ဘာ ၈ ရက်တွင် ကျပ် ၉၂ဝဝဝဝ သို့ ဆက်လက်ကျဆင်း ခဲ့သည်။ ဒီဇင်ဘာ ၉ ရက်တွင် ကျပ် ၉၁၄၅ဝဝ သို့ ဆက်လက်ကျဆင်းခဲ့သည်။ ကမ္ဘာ့ရွှေဈေးကွက်တွင် ဒီဇင်ဘာ ၄ ရက်က တစ်အောင်စလျှင် အမေရိကန် ဒေါ်လာ ၁၂၇၅ ရှိခဲ့ပြီး ဒီဇင်ဘာ ၆ ရက်တွင် အမေရိကန် ဒေါ်လာ ၁၂၆၅ ရှိခဲ့သည်။ ဒီဇင်ဘာ ၈ ရက်တွင် အမေရိကန်ဒေါ်လာ ၁၂၄၉ သို့ ဆက်လက်ကျဆင်းခဲ့ပြီး ဒီဇင်ဘာ ၉ ရက်တွင် အမေရိကန်ဒေါ်လာ ၁၂၄၈ သို့ ထပ်မံကျဆင်းခဲ့သည်။
Myanmar Digital News
https://www.facebook.com/MyanmarDigitalNews
ကမ္ဘာ့ရွှေဈေးများ ဆက်တိုက်ကျဆင်းလာမှုကြောင့် ပြည်တွင်းရွှေဈေးများ ဆက်လက်ကျဆင်း
Reviewed by THITHTOOLWIN
on
18:19
Rating:
Reviewed by THITHTOOLWIN
on
18:19
Rating:
