 |
| ထွက်ပြေးသူတွေ ဆက်လက် ရှိနေ |
လှေနဲ့မမျှ လူတွေ ပြွတ်သိပ် လိုက်ပါလာတဲ့ တံငါလှေ နတ်မြစ်ထဲ ချာပူရီ ကျွန်းနီးမှာ နစ်မြုပ်သွားတာ ဖြစ်ပါတယ်။
သေဆုံးကြောင်း အတည်ပြုနိုင်တဲ့ ၁ဝ ယောက်ထဲ ကလေးငယ် ၄ ဦး အနည်းဆုံး ပါဝင် နေပါတယ်။
ရိုဟင်ဂျာတွေ အစုလိုက်အပြုံလိုက် ထွက်ပြေးကြရင်းသား အခုလို လှေမှောက်ပြီး သေဆုံး ရတာမျိုးတွေ ဆက်တိုက် ဆိုသလို ဖြစ်လာ နေပါတယ်။
ရခိုင်ပြည်နယ်တွင်းမှာ အကြမ်းဖက် ဖြစ်ရပ်တွေ ပေါ်ပေါက် လာခဲ့အပြီး ၊ ရိုဟင်ဂျာ ၅ သိန်းကျော် ဘင်္ဂလားဒေ့ရ်ှဘက် ထွက်ပြေးလာတယ်လို့ ကုလသမဂ္ဂက ပြောထားပါတယ်။
အခုရက်ပိုင်းတွေ အထိလည်း ဘင်္ဂလားဒေ့ရ်ှဘက် ဝင်ရောက်လာသူ ဆက်လက် ရှိနေသေးသလို၊ မြန်မာဘက်ခြမ်းမှာလည်း နယ်စပ်ဖြတ်ကျော်ဖို့ စောင့်ဆိုင်းနေသူတွေ အများအပြား ရှိတယ်လို့ ဘီဘီစီ သတင်းထောက်က ပြောပါတယ်။
မောင်တောမြို့နယ် တောင်ပိုင်း ၊ အလယ်သံကျော် ပင်လယ်ကမ်းခြေမှာ ရောက်ရှိနေတဲ့ လူပေါင်း ၆ဝဝ ကျော်ကို မြန်မာ အာဏာပိုင်တွေဘက်က လုံခြုံရေးနဲ့ စားနပ်ရိက္ခာတွေ ထောက်ပံ့ပေးထားတယ်လို့ အလယ်သံကျော် အုပ်ချုပ်ရေးမှူက ဘီဘီစီကို ပြောပါတယ်။
BBC Burmese
http://www.bbc.com/burmese
နတ်မြစ်ထဲ လှေမှောက်ပြီး အနည်းဆုံး လူ ၁ဝ ဦး သေဆုံး
Reviewed by THITHTOOLWIN
on
20:10
Rating:
Reviewed by THITHTOOLWIN
on
20:10
Rating:
