ဆိုမာလီယာ ကားဗုံးဖောက်ခွဲမှု လူ ၂၇၀ ကျော်သေ

ဆိုမာလီနိုင်ငံ၊ မိုဂါဒစ်ရှုးမြို့တော်မှာ စနေနေ့က ကြီးမားတဲ့ ကားဗုံးဖောက်ခွဲမှုကြောင့် သေဆုံးသူ ၂၇၀ ကျော် နီးပါးရှိသွားပြီဖြစ် တာကြောင့် နိုင်ငံသမိုင်းမှာ အထိအခိုက်အများဆုံး တိုက်ခိုက်မှုဖြစ်သွားပါတယ်။

သေဆုံးသူအရေအတွက် ၂၇၆ ယောက်ရှိပြီး ဒဏ်ရာရသူ ၃၀၀ နီးပါးရှိတယ်လို့ ဆိုမာလီ ပြန်ကြားရေးဝန်ကြီး Abdirahman O. Osman က Twitter မှာရေးတာပါ။

ကင်ညာ၊ အီသီယိုးပီးယားနဲ့ တူရကီနိုင်ငံတွေက ဆေးဘက်ဆိုင်ရာ အကူအညီတွေ ပေးပို့တဲ့အတွက် ကျေးဇူးတင်စကားကိုလဲ ၀န်ကြီး Osman က တခြား tweet တွေမှာ ရေးထားပါတယ်။

ဒီတိုက်ခိုက်မှုအပေါ် ဒေါသထွက်သူတွေ ဆန္ဒပြကြပြီး အယ်လ်-ရှာဘတ်အစွန်းရောက်အဖွဲ့ကို ပြစ်တင် ရှုတ်ချကြပါတယ်။ မိုဂါဒစ်ရှုးမြို့တော်က တိုက်ခိုက်မှုတွေကို သူတို့လက်ချက်ဖြစ်ကြောင်း ကြေညာလေ့ရှိတဲ့ အယ်လ်-ရှာဘတ်စစ်သွေးကြွအဖွဲ့က တော့ အခုချိန်ထိ ဘာမှမပြောသေးပါဘူး။ ဒါပေမဲ့ ဆိုမာလီအစိုးရနဲ့ အကြမ်းဖက်ဝါဒစွဲလုပ်ရပ်ဆိုင်ရာ ကျွမ်းကျင်သူတွေကတော့ ဒီအဖွဲ့လက်ချက်ဖြစ်တယ်လို့ အခိုင်အမာ ယူဆထားကြပါတယ်။

သူတို့ ကြေညာသည်ဖြစ်စေ၊ မကြေညာသည်ဖြစ်စေ၊ ဘာမှမထူးခြားပါဘူး၊ အခုဖြစ်သွားတာဟာ အယ်လ်-ရှာဘတ်လက်ချက် ဖြစ်တယ်ဆိုတာ ကျနော်တို့ သိပါတယ်၊ အခုချိန်ထိ ရထားသမျှ သတင်းတွေအရ အခင်းဖြစ်ရပ်မှာ သူတို့ရဲ့ လက်စလက်နတွေ ပါနေပြီး အယ်လ်-ရှာဘတ်လက်ချက်ပဲဆိုတာ ပြနေပါတယ်လို့ ဆိုမာလီ ထောက်လှမ်းရေးအရာရှိဟောင်း Abdi Hassan Hussein က ဗွီအိုအေကိုပြောပါတယ်။

ဗွီအိုအေ (မြန်မာပိုင်း)
https://burmese.voanews.com