အသက်(၁၂)နှစ်အရွယ် သားအရင်းဖြစ်သူမှ ဖခင်အား ဓါးဖြင့် ခုတ်သတ်

အရက်သောက်စား မူးယစ်ကာ မိသားစုအား ကြိမ်းဝါးသည်ဟု ဆိုသည့် ဖခင်ဖြစ်သူအား အသက်(၁၂)နှစ်အရွယ် သားအရင်းဖြစ်သူက ဓါးဖြင့် ခုတ်သတ်မှု မကွေးတိုင်းဒေသကြီး မင်းလှမြို့နယ်၊ စမ်းအိုင် ကျေးရွာတွင် ဖြစ်ပွားခဲ့ကြောင်း မင်းလှမြို့မရဲစခန်းမှ သိရသည်။

“အဲဒီနေ့ နေ့လယ် ၁၂နာရီခွဲ အချိန်လောက် ယာခင်းကပြန်အလာ ယာမြောက်ထိပ်မှာ လူတွေဝိုင်း ကြည့်နေကြတာတွေ့လို့ ဝင်ကြည့်လိုက်တော့ ကျွန်မခင်ပွန်းကို ဒဏ်ရာတွေနဲ့ သေဆုံးနေတာကိုတွေ့ရတာ ပါ”ဟု သေဆုံးသူ၏ဇနီး ဒေါ်လှညိမ်းက ပြောသည်။

၂၀၁၇ခုနှစ် အောက်တိုဘာလ(၁၃)ရက်နေ့ နေ့လယ်(၁၂)နာရီဝန်းကျင်အချိန်က အခင်းဖြစ်ပွားခဲ့ခြင်း ဖြစ်ကြောင်းနှင့် အသက်(၅၂)နှစ်ရှိ ဦးသောင်းနိုင်အား သားအရင်ဖြစ်သူ အသက်(၁၂)နှစ်အရွယ်ရှိ ဟန်သွင်မောင်က ဓားဖြင့်ခုတ်၍ သေဆုံးရခြင်း ဖြစ်ကြောင်းကို မိခင်ဖြစ်သူမှ သိရှိရသဖြင့် ကျေးရွာ အုပ်ချုပ်ရေးမှူး၏ နေအိမ်သို့ သွားရောက်ခဲ့ရာ ယင်းနေအိမ်တွင် သားဖြစ်သူအား တွေ့ရှိရကြောင်း ၎င်းထံက သိရသည်။

အဆိုပါ ကိစ္စနှင့် ပတ်သက်၍ သားဖြစ်သူအား အကျိုးအကြောင်းမေးမြန်းရာ ဖခင်ဖြစ်သူမှာ အရက်သောက်စား မူးယစ်ကာ မိသားစုအား ကြိမ်းဝါးရိုက်နှက်လေ့ရှိသည်ကို မကျေနပ်ဖြစ်နေရာမှ အခင်းဖြစ်သည့် နေ့၏ နေ့လယ် ၁၂နာရီအချိန်ခန့်တွင်လည်း ဖခင်ဖြစ်သူက အရက်မူးပြီး ၎င်းကို ကြိမ်းဝါးလိုက်လံရိုက်နှက်သဖြင့် ရုတ်တရက်ဒေါသဖြစ်ကာ လက်ထဲတွင်အသင့်ကိုင်ဆောင်ထားသည့် အရိုး(၉)လက္မ၊ အသွား(၁၈)လက္မခန့်၊ ဗျက် ၂လက္မခွဲခန့်ရှိ ကိုင်း ခုတ်ဓား နှင့် ခုတ်လိုက်မိခြင်းဖြစ်သည်ဟု ပြောပြသိရှိရကြောင်း သိရသည်။

ယင်းဖြစ်စဉ်နှင့် ပတ်သက်၍ ခင်ပွန်းဖြစ်သူကို ဓားနှင့်ခုတ်သတ်ခဲ့သည့် သားဖြစ်သူအား အရေးယူ ပေးပါရန် မိခင်ဖြစ်သူ ဒေါ်လှညိမ်းက တရားလိုပြုလုပ်၍ ယင်းနေ့ ည(၉)နာရီအချိန်တွင် တိုင်တန်းသဖြင့် မင်းလှမြို့မ ရဲစခန်းမှ (ပ)၂၂၇/၂၀၁၇(အမှုကြီးအမှတ်စဉ် ၂/၂၀၁၇)ရာဇသတ်ကြီးပုဒ်မ ၃၀၂ အရ အမှုဖွင့်ကာ မောင်ဟန်သွင်မောင်(၁၂နှစ်)အား ဖမ်းဆီး၍ အမှုကို စစ်ဆေးကာ အမြန်ဆုံးတရားစွဲဆိုတင်ပို့ နိုင်ရန် စီစဉ်ဆောင်ရွက်လျှက်ရှိကြောင်း သိရသည်။

သတင်း/ဓာတ်ပုံ- ဖီးနစ် ၊ ကြိမ်လုံး
Tachileik News Agency
http://www.tachileik.net