ပဲခူးတိုင်းဒေသကြီး၊ ညောင်လေးပင်မြို့ ရန်ကုန်မန္တလေးကားလမ်း မိုင်တိုင်အမှတ် (၉၇)မိုင် (၄)ဖာလုံနဲ့ (၅)ဖာလုံအကြားမှာ စက်တင်ဘာ(၂၃)ရက် ည(၈)နာရီခန့်က (၂၂)ဘီးမော်တော်ယာဉ်နဲ့ ဆိုင်ကယ်တို့ မျက်နှာချင်းဆိုင်တိုက်မိပြီး ဆိုင်ကယ်မောင်းသူ သေဆုံးသွားတယ်လို့ သိရပါတယ်။
ဖြစ်စဉ်မှာ ရန်ကုန်ဘက်ကနေ (အမည်မသိ နေရပ်လိပ်စာ စုံစမ်းဆဲ) မောင်းနှင်လာတဲ့ NCX WAVE-110 အမျိုးအစား ကျောက်စိမ်းရောင်ဆိုင်ကယ်နဲ့ မန္တလေးဘက်ကနေ မောင်းနှင်လာတဲ့ MITSUBISHI FUSO အမျိုးအစား နီ/ပြာ ရောင် (၂၂)ဘီး မော်တော်ယာဉ်တို့ ကားလမ်းမအလယ်မှာမျက်နှာချင်းဆိုင်တိုက်မိရာ (အမည်မသိ)ဆိုင်ကယ်မောင်းသူဟာ ဦးခေါင်းနောက်စေ့ ကွဲကျေဒဏ်ရာ နားသွေးထွက်ဒဏ်တို့နဲ့ အခင်းဖြစ်နေရာမှာပင် သေဆုံးသွားပြီး FUSO ယာဉ်မောင်းဟာ အခင်းဖြစ်နေရာကနေ ထွက်ပြေးတိမ်းရှောင်သွားခဲ့ကြောင်း သိရပါတယ်။
အဲဒီအမှုကို ညောင်လေးပင်မြို့မရဲစခန်းက ယာဉ်(ပ) ၄၀/ ၂၀၁၇ ရာဇသတ်ကြီးဥပဒေပုဒ်မ ၃၀၄-က နဲ့ အမှုဖွင့်အရေးယူဆောင်ရွက်ထားရှိပြီး ထွက်ပြေးတိမ်းရှောင်သွားသူ ယာဉ်မောင်း ဖမ်းဆီးရမိရေး စုံစမ်းဆောင်ရွက်နေတယ်လို့ သိရပါတယ်။ ဒီသတင်းကို ကိုထွေး(ညောင်လေးပင်) ပေးပို့တာဖြစ်ပါတယ်။
Central News Bureau
https://www.facebook.com/skynetcnb/
Reviewed by THITHTOOLWIN
on
18:23
Rating:
