 |
| ဆဒုံးမြို့နယ်ခွဲ နယ်စပ်မှတ်တိုင် ၆ နှင့် ၈ ဒုက္ခသည်စခန်း၊ မိုးမောက်မြို့နယ် မိုင်ဂျာယန်အနီး ဆိုင်မိုင်ပါနဲ့ အင်ဘာပါ ဒုက္ခသည် စခန်းများ၌ UNOCHA, UNHCR, WFP တို့က အကူအညီပေးနေစဉ်။ Photo: courtesy of Kachinnet.net |
ပြီးခဲ့တဲ့ရက်ပိုင်းအတွင်းက ဖြစ်ပေါ်ခဲ့တဲ့ မတည်ငြိမ်မှုတွေကြောင့် သေဆုံးသူအရေအတွက် တဖြည်းဖြည်းများလာ သလို သောင်းနဲ့ချီတဲ့ မွတ်ဆလင်နဲ့ ဒေသခံ တိုင်းရင်းသားဗုဒ္ဓဘာသာဝင်တွေ နေရပ်စွန့်ခွာထွက်ပြေးနေရတဲ့ ရခိုင်ပြည်နယ်အတွင်းမှာ လုံခြုံရေးကို စိုးရိမ်လာရတဲ့အတွက် ကူညီထောက်ပံ့ရေးတွေကို ရပ်ဆိုင်းထားရ တာဖြစ်ပါတယ်။
WFP အပါအဝင် နိုင်ငံတကာကယ်ဆယ်ရေးအဖွဲ့တွေဟာ ရခိုင်ပြည်နယ်အတွင်း ပြီးခဲ့တဲ့ သြဂုတ်လ ၂၅ ရက်နေ့ ကဖြစ်ပွားခဲ့တဲ့ တိုက်ခိုက်မှုမှာ ပါဝင်ခဲ့သူတွေအပါအဝင် ရိုဟင်ဂျာစစ်သွေးကြွတွေကို ရိက္ခာထောက်ပံ့ကူညီတယ် ဆိုပြီး မြန်မာအာဏာပိုင်တွေက စွပ်စွဲထားတယ်လို့လည်း သတင်းမှာဖော်ပြထားပါတယ်။
လုံခြုံရေးအခြေအနေကြောင့် WFP ရဲ့ ရိက္ခာထောက်ပံ့မှုအားလုံးကို ရပ်ဆိုင်းထားရတဲ့အတွက် အိုးအိမ်စွန့်ခွာ ထွက်ပြေးရသူ ၂ သိန်းခွဲလောက်နဲ့ တခြားလိုအပ်နေသူတွေပါ ထိခိုက်နစ်နာရတယ်လို့ WFP က ထုတ်ပြန် တဲ့ကြေညာချက်မှာ ဖော်ပြထားပါတယ်။
ကုလသမဂ္ဂ ဒုက္ခသည်များဆိုင်ရာမဟာမင်းကြီးရုံး (UNHCR) ရဲ့နောက်ဆုံးထုတ်ပြန်တဲ့စာရင်းအရ ပြီးခဲ့တဲ့ သတင်းပတ် တိုက်ခိုက်မှုတွေအပြီး ဘင်္ဂလားဒေ့ရ်ှဘက်ကို ထွက်ပြေးသွားတဲ့ ရိုဟင်ဂျာမွတ်ဆလင် ၅၈၆၀၀ လောက်ရှိပြီလို့ AFP သတင်းမှာ ရေးသားထားပါတယ်။
RFA Burmese
http://www.rfa.org/burmese
ကမ္ဘာ့စားနပ်ရိက္ခာအဖွဲ့ ရခိုင်ပြည်နယ်ကို ထောက်ပံ့မှုရပ်ဆိုင်းထား
Reviewed by THITHTOOLWIN
on
18:31
Rating:
Reviewed by THITHTOOLWIN
on
18:31
Rating:
