 |
| မုန်တိုင်းကြောင့် မြို့နေ လူ သောင်းချီဟာ ကယ်ဆယ်ရေးစခန်းတွေမှာ ခိုလှုံနေရ |
အမေရိကန်နိုင်ငံရဲ့ စတုတ္ထမြောက် လူဦးရေ အများဆုံးမြို့ ဖြစ်တဲ့ ဟျူစတန်မှာ မုန်တိုင်းကြောင့် စံချိန်တင်မိုးရွာနေပြီး မြို့တော်ရဲ့ နေရာ အတော်များများမှာ ရေဖုံးလွှမ်းနေကာ နေအိမ်တွေ ပျက်စီးပြီး လူ အယောက် ၂၀ ကျော် သေဆုံးခဲ့ရပါတယ်။
ရေကြီးတာတွေ ဖြစ်နေတုန်း လုယက်ခိုးယူတာတွေ မဖြစ်အောင် ညသန်းခေါင်ချိန်ကနေ မနက် ၅ နာရီ အထိ ညမထွက်ရ အမိန့်ထုတ်ပြန်လိုက်ရတာ ဖြစ်တယ်လို့ မြို့တော်ဝန် ဆစ်ဗဲလ်စတာတားနာက ပြောပါတယ်။
လူတွေ စွန့်ခွာခဲ့တဲ့ နေအိမ်တွေကို ဖောက်ထွင်းခိုးယူတဲ့ ရာဇဝတ်မှုတွေ မဖြစ်အောင် ကာကွယ်တဲ့ သဘောဖြစ်ပြီး ဒီအမိန့်မှာ ကယ်ဆယ်ရေး လုပ်သားတွေ၊ အရေးပေါ်ကူညီရေး ဝန်ထမ်းတွေနဲ့ အလုပ်သွား အလုပ်ပြန်သူတွေတော့ ကင်းလွတ်ခွင့် ရပါတယ်။
 |
| အဓိက လမ်းပန်းဆက်သွယ်ရေးလမ်းကြောင်းတွေလည်း ရေအောင်မြုပ်နေ |
 |
| သမ္မတ ထရမ့်နဲ့ သမ္မတကတော် မလာနီယာ တို့လည်း မုန်တိုင်းသင့်ဒေသကို လာရောက်ခဲ့ |
 |
| မုန်တိုင်းကြောင့် လူဝီစီးယားနားမှာလည်း ရေကြီးရေလျှံတာတွေ ဖြစ်လာနိုင် |
၂၀ဝ၅ ခုနှစ်တုန်းက ဟာရီကိန်း ကက်ထရီနာ ဒဏ်ကို ပြင်းပြင်းထန်ထန် ခံခဲ့ရတဲ့ မြေနိမ့်ပိုင်းမှာ ရှိတဲ့ လူဝီစီးယားနား မြို့တော် နယူးအော်လင်း ဟာ လာမယ့် ၃၆ နာရီ အတွင်း မိုးရေချိန် လက်မ ၁၀ (၂၅ စင်တီမီတာ) ရွာသွန်းဖွယ်ရှိပြီး ရေကြီးမှု အန္တရာယ် ရင်ဆိုင်ရနိုင်ပါတယ်။
တက္ကဆက်နဲ့ လူဝီစီးယားနား ပြည်နယ် နှစ်ခုလုံးမှာ သမ္မတ ထရမ့်က အရေးပေါ်အခြေအနေကြေညာထားပြီး အစိုးရရဲ့ အရေးပေါ် ရန်ပုံငွေနဲ့ အကူအညီတွေ ပံ့ပိုးနေပါတယ်။
BBC Burmese
http://www.bbc.com/burmese
ရေဘေးသင့် ဟျူစတန်မှာ ညမထွက်ရ အမိန့်ထုတ်
Reviewed by THITHTOOLWIN
on
19:53
Rating:
Reviewed by THITHTOOLWIN
on
19:53
Rating:
