ကလေးမြို့ ကမ္ဘောဇ လေကြောင်းရုံးမှ စာရေးမ လမ်းတွင် လုယက်ခံရ

မုံရွာ၊ဇူလိုင်၇။

ကလေးမြို့ ရှိ ကမ္ဘောဇလေကြောင်းရုံးမှ လေယာဉ်လက်မှတ်ရောင်းစာရေးမတစ်ဦး ရုံးမှအိမ်သို့ပြန်စဉ် လမ်း၌ ဆိုင်ကယ်စီး လူသုံးယောက်၏ လုယက်ခြင်းကို ခံခဲ့ရကြောင်း ကလေးမြို့မရဲစခန်းမှ သတင်းရရှိသည်။

ဇူလိုင် ၄ ရက်နေ့ ညနေ ၅ နာရီခန့်က လေယာဉ် လက်မှတ်ရေး စာရေးမ မဇာဇာခိုင်သည် လေကြောင်းရုံးမှနေအိမ်သို့ဆိုင်ကယ်ဖြင့် ပြန်လာခိုက် ဖောင်ကူးတံတားနှင့်အင်ဒိုင်းကြီးရွာကြားအရောက် ဆိုင်ကယ်သုံးယောက်ပူးစီးလာသော လူငယ်သုံးဦးမှ နောက်မှ လိုက်လာ၍ လွယ်ထားသော လက်ကိုင်အိတ်ကို ဆွဲလု၊တွန်းလှဲ၍ထွက်ပြေးသွားခဲ့ခြင်းဖြစ်ကြောင်း ကာယကံရှင်၏ ရဲစခန်းသို့တိုင်ချက် အရ သိရသည်။

၎င်းလွယ်အိတ်ထဲတွင် ဘဏ် ATM ကတ်နှစ်ခု၊ငွေစု စာအုပ် နှစ်အုပ်၊ ငွေ ၅သောင်း နှင့် ဆမ်ဆောင်းဖုန်း ၊ ဟွာဝေးဖုန်းတို့ပါသွားကြောင်း သိရသည်။ ဆိုင်ကယ်တွန်းလှဲ ထားခဲ့မှုကြောင်း မဇာဇာခိုင်မှာ နဖူး၊နားထင်၊လက်မောင်းတို့တွင် ပွန်းပဲ့ဒဏ်ရာများရရှိခဲ့ပြီး လက်ကိုင်အိတ်ကို လုပြေးသွားသူများအား ဖော်ထုတ်ဖမ်းဆီးပေးရန် ကလေးမြို့မရဲစခန်းတွင် (ပ)၂၅၉/၁၇ ပုဒ်မ ၃၈၂ ဖြင့် အမှုဖွင့်တိုင်ကြားထားကြောင်းသိရသည်။

နှင်းမောင်
Central News Myanmar
https://www.facebook.com/CNMyanmar/