 |
| (TNLA တပ်ဖွဲ့ဝင်တချို့ကို တွေ့ရစဉ်) Photo: Kan Thar/RFA |
ပြီးခဲ့တဲ့ မေလတစ်လလုံးနီးပါးနဲ့ မနေ့ကအထိ တိုက်ပွဲတွေ ရက်ဆက်ဖြစ်ပွားနေပြီး အချိန်မရွေးတိုက်ပွဲဖြစ်နိုင်တဲ့ အခြေအနေမှာရှိနေဆဲဖြစ်တယ်လို့ TNLA က ပြောရေးဆိုခွင့်ရှိသူ ဗိုလ်မှူး မိုင်းအိုက်ကျော်က ပြောပါတယ်။
"နေရာဒေသတော်တော်များများမှာ မြန်မာ့တပ်မတော်က ထိုးစစ်တွေပြုလုပ်တယ်၊ တိုက်ပွဲဖြစ်ဖို့ တော်တော်လေး နီးနီးကပ်ကပ် အချိန်မရွေးတိုက်ပွဲဖြစ်ပွားနိုင်တဲ့ အနေအထားမှာရှိတယ်၊ ဖြစ်တာက နေ့တိုင်းလိုလိုဖြစ်တယ်၊ တော်တော်ကြာပြီ မေလထဲက ၁ ရက်နေ့နဲ့ ၂ ရက်နေ့က ကွတ်ခိုင်မြို့နယ် ဒေသတွေမှာ ဖြစ်တယ်"
နမ့်ဆမ်၊ ကျောက်မဲ၊ နမ္မတူ၊ မန်တုံ၊ နမ်ခမ့်၊ ကွတ်ခိုင်၊ မူဆယ်မြို့နယ်တွေမှာ စစ်ရေးတင်းမာမှုတွေ ရှိနေတာဖြစ်ပြီး ဒေသခံတွေတချို့ ထွက်ပြေးတိမ်းရှောင်တာတွေရှိပေမယ့် တောင်ယာစိုက်ပျိုးတဲ့ ကာလဖြစ်တာကြောင့် တချို့ကလည်း ကျေးရွာတွေထဲမှာပဲ ရှိနေကြတယ်လို့ ပြောပါတယ်။
ဖြစ်ပွားနေတဲ့ တိုက်ပွဲတွေကြောင့် ပြီးခဲ့တဲ့ မေလထဲက နမ္မတူမြို့ကို စစ်ဘေးဒုက္ခသည်တွေ ရောက်ရှိနေပြီး နမ္မတူမြို့ပေါ်က စစ်ဘေးဒုက္ခသည် စခန်းတွေမှာ ဒုက္ခသည် ၆ဝဝ ကျော် ခိုလှုံနေရတယ်လို့ သိရပါတယ်။
ပြီးခဲ့တဲ့ မေလ ၂၄ ရက်နေ့ကနေ ၂၉ ရက်နေ့အထိ ကျင်းပခဲ့တဲ့ ဒုတိယအကြိမ် ပင်လုံညီလာခံကို မြောက်ပိုင်းမဟာမိတ်တပ်ပေါင်းစု ၇ ဖွဲ့ဝင်အနေနဲ့ TNLA အဖွဲ့ပါ တက်ရောက်ခဲ့ပြီး ဖွင့်ပွဲရက်အပြီးမှာ ငြိမ်းချမ်းရေးကော်မရှင်၊ နိုင်ငံတော်အတိုင်ပင်ခံပုဂ္ဂိုလ်တို့နဲ့ တစ်ဖွဲ့ချင်း သီးခြားတွေ့ဆုံမှုတွေ ပြုလုပ်ခဲ့ပါတယ်။
RFA Burmese
https://www.facebook.com/rfaburmese
တပ်မတော်နဲ့ TNLA ကြား တိုက်ပွဲ ဆက်တိုက်ဖြစ်နေ
Reviewed by THITHTOOLWIN
on
18:20
Rating:
Reviewed by THITHTOOLWIN
on
18:20
Rating:
