မြို့ရှောင်လမ်းတွင် လိုက်ထရပ်ယာဉ် တိမ်းမှောက် အမျိုးသမီး တစ်ဦး သေဆုံး

ပခုက္ကူမြို့၊ မြို့ရှောင်လမ်းတွင် ဇွန်(၂၈)ရက်နေ့ နံနက်ပိုင်းက လိုက်ထရပ်ယာဉ်တစ်စီး တိမ်းမှောက်ခဲ့၍ အမျိုးသမီးတစ်ဦးသေဆုံးခဲ့ပြီး အမျိုးသမီးဆယ်ဦးမှာ ဒဏ်ရာများရရှိခဲ့ကြောင်း ပခုက္ကူမြို့မရဲစခန်းမှ သိရသည်။ ဖြစ်စဉ်မှာ ဇွန်(၂၈)ရက်နေ့ နံနက်(၁၀)နာရီက မြို့ရှောင်လမ်းတွင် ယာဉ်တိမ်းမှောက်မှုဖြစ်ပွားကြောင်းသတင်းအရ ပခုက္ကူမြို့မ ရဲစခန်းမှ ရဲအုပ် အောင်နိုင် သွားရောက်စစ်ဆေးခဲ့သည်။

 တင်ဝင်း၊၆၂နှစ်၊စိုတွင်းကျေးရွာ၊ ပခုက္ကူမြို့နယ်နေသူသည် 7J/---------LIGHT TRUCK အဖြူရောင်ယာဉ်ပေါ်တွင် တစ်ရွာတည်းနေ အမျိုးသမီး(၁၀)ဦး၊ ပခုက္ကူမြို့နေ အမျိုးသမီး(၂)ဦး စုစုပေါင်း (၁၂)ဦး အား တင်ဆောင်၍ ပခုက္ကူမြို့၊အမှတ်(၁)ရပ်ကွက်၊ မြို့ရှောင်လမ်းအတိုင်း ဧရာဝတီတံတားဘက်မှ စက်မှုဇုံဘက်သို့ မောင်းနှင်လာစဉ် မြို့ရှောင်လမ်း မိုင်တိုင်အမှတ် (၃/၇)၊ ခရိုင်မီးသတ်ရုံးအနီးအရောက်တွင် အရှိန်မထိန်းနိုင်ဘဲ လမ်းယာ ဘက်သို့ လဲကျတိမ်းမှောက်ခဲ့၍ ယာဉ်ပေါ်ပါ ဒေါ်သိန်းအေး၊၅၀နှစ်၊ စိုတွင်းကျေးရွာနေသူတွင် နဖူးစုတ်ပြဲ ၊နှာခေါင်းသွေးထွက်၊ပါးစပ်သွေးထွက်ဒဏ်ရာများဖြင့်ဆေးရုံသို့ပို့ဆောင် ကုသစဉ်သေဆုံးသွားခဲ့ပြီး အမျိုးသမီး(၁၀)ဦးမှာ ဒဏ်ရာများအသီးသီး ရရှိခဲ့ခြင်းဖြစ်ကြောင်း အမှုစစ်၏ ကနဦးစစ်ဆေးချက်အရသိရသည်။

 ဖြစ်စဉ်နှင့်ပက်သက်၍ ယာဉ်မောင်း တင်ဝင်းအား အရေးယူပေးရန် ရဲအုပ် အောင်နိုင် မှ တရားလိုပြုတိုင်ကြားခဲ့၍ ပခုက္ကူမြို့နယ်၊ မြို့မရဲစခန်းက အမှုဖွင့်ထားသည်။

kyawzayya
ဓါတ်ပုံ - HtooHtoo(Pku)
Myanmaalinn
https://www.facebook.com/MYANMAALINNNEWS/