စစ်တွေ၊ မေ၂၁
ရခိုင်ပြည်နယ် ကျောက်တော်မြို့နယ် အပေါက်ဝကျေးရွာ ပေါ်တော်မှုရပ်ကွက်၌ နေအိမ်တစ်လုံး အနီးရှိ သစ်ပင်အား မိုးကြိုးပစ်ရာ အမျိုးသမီး တစ်ဦးမှာ မိုးကြိုး စက်ကွင်းအတွင်း ပါဝင်သွားသဖြင့် သတိမေ့သွားရာမှ ဆေးရုံတင်လိုက်ရသည်ဟု အပေါက်ဝ ရဲစခန်းမှ ရဲအုပ် ဌေးဇော်က ပြောသည်။
သတိမေ့မျောသွားသူမှာ မငယ်ငယ်သန်း ( ၂၂ ) နှစ် ဖြစ်ပြီး ဖြစ်စဉ်မှာ ယနေ့ မေလ ၂၁ ရက် ညနေ ၄ နာရီခန့်တွင် ဖြစ်ပွားခဲ့သည်။
“ မိုးကြိုးပစ်တာတော့ ဟုတ်တယ်။ မိုးကြိုး စက်ကွင်းထဲဝင်ပါတာလို့ ခန့်မှန်းရပါတယ်။ အိမ်နောက်ဘက် မှာ ရှိတဲ့ ကုက္ကိုလ်ပင်ရဲ့ အကိုင်းတွေတော့ ကျိုးသွားတယ်” ဟု ရဲမှူး ဌေးဇော်က ပြောသည်။
မိုးကြိုးစက်ကွင်းထဲဝင်ပါသွားသည်ဟုဆိုသော်လည်း အတူရှိနေသူ သားဖြစ်သူမှာ တစ်စုံတစ်ရာ အနာတရာ မရရှိခဲ့ဟု ရဲမှူး ဌေးဇော်က ပြောသည်။
အဆိုပါ မငယ်ငယ်သန်းမှာ ပြင်ပဒဏ်ရာရရှိခြင်းမရှိဘဲ သတိမေ့မျောနေခဲ့ပြီး ညနေ ၆ နာရီခန့်တွင် ပြန်လည်သတိဝင်လာသည် ဟု သိရသည်။
မဘုကေ
Narinjara
http://www.narinjara.com/burmese/
မိုးကြိုးစက်ကွင်းထဲ ၀င်ပါသွား၍ သတိမေ့သွားသူ အမျိုးသမီးဆေးရုံတင်လိုက်ရ
Reviewed by THITHTOOLWIN
on
23:03
Rating:
Reviewed by THITHTOOLWIN
on
23:03
Rating:
