တာချီလိတ်တွင် ဓာတ်တိုင်အား ဆိုင်ကယ်ဖြင့် အရှိန်ပြင်းစွာ ၀င်တိုက်မိရာမှ အမျိုးသားတစ်ဦး ပွဲချင်းပြီး သေဆုံး

တာချီလိတ်မြို့ ၀ိန်းကျောက်ရပ်ကွက် တာချီလိတ်ရေဆေးခုံရှေ့တွင် ဆိုင်ကယ်တစ်စီးမှ ဓာတ်တိုင်အား အရှိန်ပြင်းစွာ ၀င်တိုက်မိရာမှ ဆိုင်ကယ်မောင်းလာသူ အမျိုးသားတစ်ဦး ပွဲချင်းပြီး သေဆုံးသွားမှု မေလ(၂၁)ရက်နေ့ နံနက်(၂)နာရီဝန်းကျင်အချိန်က ဖြစ်ပွားခဲ့ကြောင်း သိရသည်။

အသက်(၂၀)ကျော်ရှိ အမျိုးသားတစ်ဦးသည် ဆိုင်ကယ်မောင်းနှင်လာရာမှ အာခါဈေးလမ်း၊ ၀ိန်းကျောက်ရပ်ကွက်၊ တာချီလိတ်ရေဆေးခုံရှေ့ရှိ လမ်းဘေးဓာတ်တိုင်အား အရှိန်ပြင်းစွာ ၀င်တိုက်မိရာ နေရာ၌ပင် ပွဲချင်းပြီး သေဆုံးသွား၍ တာချီလိတ်နာရေးကူညီမှုအသင်းမှ တာချီလိတ်ပြည်သူ့ဆေးရုံရှိ ရင်ခွဲရုံသို့ ပို့ဆောင်ပေးခဲ့ကြောင်း သိရသည်။

သေဆုံးသူသည် ဓာတ်တိုင်အား ၀င်ရောက်တိုက်မိခြင်းကြောင့် ယာမျက်ခုံးပေါက်ပြဲ၊ နောက်စေ့ပေါက်ပြဲ၊ နား၊နှာခေါင်းသွေးထွက်၊ ၀ဲပေါင်ပွန်းဒဏ်ရာများ အသီးသီးရရှိခြင်း ဖြစ်ကြောင်း သိရသည်။

အဆိုပါ ဖြစ်စဉ်နှင့် ပတ်သက်၍ တာချီလိတ်ယာဉ်ထိန်းရဲတပ်ဖွဲ့မှ စစ်ဆေးမှုများ ပြုလုပ်ပြီး လတ်တလောတွင် သေဆုံးသူမှာ မည်သူဖြစ်ကြောင်း မသိရသေး၍ စုံစမ်းမှုများပြုလုပ်နေကြောင်း နှင့် တာချီလိတ်မြို့မရဲစခန်းတွင် ယာဉ်(ပ)၂၈/၂၀၁၇၊ ရာဇသတ်ကြီး ပုဒ်မ ၃၀၄-က/၂၇၉ဖြင့် အမှုဖွင့်ထားရှိကြောင်း သိရှိရသည်။

ဓာတ်ပုံ - တာချီလိတ်နာရေးကူညီမှုအသင်း
Tachileik News Agency
http://www.tachileik.net