ဘားအံမြို့ တွင် ယာဉ်တိုက်မှုဖြစ် အမျိုးသမီးတစ်ဦး သေဆုံး

လမ်းမအတိုင်းမောင်းနေသော ဆိုင်ကယ်အား လမ်းသွယ်မှထွက်လာသော ယာဉ်မှဝင်တိုက်၍ ဆိုင်ကယ်နောက်မှလိုက်သည့် အမျိုးသမီးအခင်းဖြစ် နေရာတွင်သေဆုံး

ဘားအံ ဧပြီ ၁

ကရင်ပြည်နယ်၊ ဘားအံမြို့၊ အမှတ်(၉)ရပ်ကွက်၊ မေတ္တာလမ်းတွင် အသက်(၁၅)နှစ်အရွယ်လူငယ်တစ်ဦး မောင်းနှင်ပြီး နောက်မှ မိခင်ဖြစ်သူထိုင်လိုက်လာသော ဆိုင်ကယ်အား လမ်းသွယ်အတွင်းမှ မောင်းနှင်လာသောယာဉ်မှ ၀င်ရောက်တိုက်မိသဖြင့် ဆိုင်ကယ်နောက်မှ ထိုင်လိုက်သူ အမျိုးသမီးမှာ အခင်းဖြစ်နေရာတွင် သေဆုံးသွားခဲ့ပြီး ယာဉ်မှာမောင်းနှင်ထွက်ပြေး သွားခဲ့ကြောင်းသိရသည်။

ဖြစ်စဉ်မှာ ၃၀-၃-၂၀၁၇ ရက်နေ့ နံနက်(၁၀)နာရီအချိန်ခန့်တွင် အမှတ်(၇၀)ယာဉ်တပ်ဖွဲ့စုမှူးရုံးမှ တာဝန်မှူးရဲအုပ်အောင်ကျော်ဝင်းသည် ဘားအံမြို့၊ အမှတ်(၉)ရပ်ကွက်၊ မေတ္တာလမ်းတွင် ယာဉ်တိုက်မှုဖြစ်ပွားကြောင်း သတင်းအရ ရဲတပ်ကြပ်ကြီး နိုင်မျိုးအောင်၊ ရဲတပ်ကြပ်ကြီးကျော်စွာလင်း၊ ရဲတပ်ကြပ်ကြီး ကျော်မင်းလွင် သက်သေ အမှတ်(၉)ရပ်ကွက်အုပ်ချုပ်ရေးမှူး ဦးစောထွဋ်ထွဋ်၊ ရာအိမ်မှူး ဦးကြာရင်တို့နှင့်အတူ အခင်းဖြစ်နေရာသို့ သွားရောက်စစ်ဆေးခဲ့ရာ စောစနေထွန်း၊၁၅နှစ်၊(ဘ)ဦးစောစံဝင်း၊ မေတ္တာလမ်း၊ အမှတ်(၉)ရပ်ကွက်၊ဘားအံမြို့နေသူမောင်းနှင်ပြီးနောက်မှ မိခင်ဖြစ်သူ ဒေါ်လှအောင်၊၅၃နှစ်၊(ဘ)ဦးချစ်ဆွေ ၊(လိပ်စာတူ)လိုက်ပါလာသော နံပါတ်မပါ၊ Honda Dream အမဲရောင်ဆိုင်ကယ်သည် မေတ္တာလမ်းအတိုင်း တောင်မှမြောက်သို့မောင်းနှင်လာစဉ် မေတ္တာလမ်းဆုံအရောက် လမ်းသွယ်မှ မောင်းနှင်လာသော ယာဉ်မောင်း
(စုံစမ်းဆဲ)မောင်းနှင်လာသော နံပါတ်မမှတ်မိ၊ ကန်တာအမျိုးအစား၊အပြာရောင်ယာဉ်မှ ဆိုင်ကယ်အား ၀င်ရောက်တိုက်မိခဲ့ခြင်းဖြစ်သည်။

ယာဉ်တိုက်မှုကြောင့် ဆိုင်ကယ်မောင်းသူ စောစနေထွန်းမှ ယာမျက်လုံးသွေးစို့ဒဏ်ရာ၊ယာနှုတ်ခမ်း ပေါက်ပြဲဒဏ်ရာ၊ယာခြေခုံပွန်းပဲ့ဒဏ်ရာ၊၀ဲခြေခုံပွန်းဒဏ်ရာ/၀ဲဒူးကွဲဝဲခြေသလုံးပွန်းပဲ့ဒဏ်ရာများအသီးသီးရရှိသွားပြီး ဆိုင်ကယ်နောက်မှလိုက်သူ ဒေါ်လှအောင်မှာဦးခေါင်းကွဲဒဏ်ရာရရှိသဖြင့်အခင်းဖြစ်နေရာ၌ပင် သေဆုံးသွား၍ သေဆုံးသူနှင့်ဒဏ်ရာရရှိသူတို့အား ရဲဆေးစာဖြင့် ဘားအံဆေးရုံကြီးသို့ ပို့ဆောင်ခဲ့သည်။

ဖြစ်စဉ်နှင့်ပတ်သက်ပြီးယာဉ်မဆင်မခြင်မောင်းနှင်သည့် ယာဉ်မောင်း(စုံစမ်းဆဲ)အား ရဲအုပ်အောင်ကျော်ဝင်းမှ တရားလိုပြုလုပ်ကာ ဘားအံမြို့မရဲစခန်းတွင် ယာဉ်(ပ) ၂၆/၂၀၁၇၊ ရာဇသတ်ကြီးပုဒ်မ ၃၀၄-က/၃၃၈/၂၇၉/၂၀၂ဖြင့် အမှုဖွင့်လှစ်ထားပြီး ရဲအုပ် အောင်ကျော်ဝင်းမှစစ်ဆေးလျှက်ရှိသည်။

မင်းသူ/ထွန်းထွန်းထွေး(ဘားအံ)
Myanmaalinn
https://www.facebook.com/MYANMAALINNNEWS/