 |
| ( အမျိုးသားလွှတ်တော်ကိုယ်စားလှယ် ဦးရဲထွဋ် ကို မတ်လ ၁ဝ ရက်နေ့က တွေ့ရစဉ် ) Photo: Win Naung Toe/RFA |
လွန်ခဲ့တဲ့ ၂ လကျော် ၃ လနီးပါက ပုဒ်မ ၆၆ ကို ပြင်ဆင်၊ ဖျက်သိမ်းဖို့ရှိ မရှိ မေးခွန်းမေးဖို့ပါတီတွင်း စိစစ်ရေးအဖွဲ့ကို တင်ခဲ့ပေမယ့် ခွင့်မပြုတာကြောင့် မေးခွန်းမေးမြန်းခွင့်မရရှိခဲ့ကြောင်း စစ်ကိုင်းတိုင်းဒေသကြီးက အမျိုးသားလွှတ်တော်ကိုယ်စားလှယ် ဦးရဲထွဋ် က ပြောပါတယ်။
ဒီလိုအရေးကြီးတဲ့မေးခွန်းတွေနဲ့ အဆိုတွေကို လွှတ်တော်မှာ မြန်မြန်ဆန်ဆန်နဲ့ မေးမြန်းခွင့်မရရှိတဲ့အတွက် လွှတ်တော်ကိုယ်စားလှယ်တွေရဲ့ ပုံရိပ်ကိုထိခိုက်နိုင်ကြောင်း၊ ကိုယ်က ပါတီဝင်တစ်ယောက် ဖြစ်နေတဲ့အတွက် ပါတီရဲ့ဆုံးဖြတ်ချက်ကို လေးစားလိုက်နာရမှာဖြစ်ကြောင်း၊အချိန်အခါအရ မေးမြန်းဖို့ မသင့်သေးဘူးလို့ ပါတီတာဝန်ရှိသူတွေက ဆုံးဖြတ်ထားတာကြောင့် နောက်ထပ်မေးခွန်းမေးမြန်ဖို့ ထပ်မံကြိုးစားသွားမှာဖြစ်ကြောင်းလည်း ဦးရဲထွဋ်က ပြောပါတယ်။
ဒါ့အပြင် ၈၈ အရေးပုံတော်နဲ့ ပတ်သက်ပြီး ကျဆုံးခဲ့တဲ့သူတွေအတွက်၊ ဂုဏ်ပြုဖို့အစီအစဉ်ရှိ မရှိနဲ့ သဘာဝပတ်ဝန်းကျင်၊ ကုန်ဈေးနှုန်းကြီးမြင့်မှု စတာတွေနဲ့ ပတ်သက်ပြီးလွှတ်တော်မှာ မေးခွန်းမေးဖို့ ကြိုစားခဲ့ပေမယ့် ပါတီစိစစ်ရေးက ခွင့်မပြုခဲ့ကြောင်းလည်း ဦးရဲထွဋ်က ပြောပါတယ်။
ဆက်သွယ်ရေး ဥပဒေပုဒ်မ ၆၆ (ဃ) ကို အမြန်ဆုံးပြင်ဆင်ပေးဖို့ အရပ်ဘက်အဖွဲ့တွေ၊ တက်ကြွလှုပ်ရှားသူတွေ၊ ကျောင်းသားတွေနဲ့ ပုဒ်မ ၆၆(ဃ) နဲ့ အရေးယူခံခဲ့ရသူတွေက ဆန္ဒပြတောင်းဆိုထားကြပြီး ၆၆ ဃ နဲ့ တရားစွဲဆိုခံရသူတွေရဲ့ တရားရုံးချိန်းတွေမှာ လှုပ်ရှားမှုတွေလည်း ဆောင်ရွက်နေပါတယ်။
RFA Burmese
https://www.facebook.com/rfaburmese/
၆၆ (ဃ) ပြင်ဆင်ဖို့အဆို တင်သွင်းခွင့်ကို NLD ပါတီတွင်းဆုံးဖြတ်ချက်နဲ့ ပယ်ချ
Reviewed by THITHTOOLWIN
on
18:43
Rating:
Reviewed by THITHTOOLWIN
on
18:43
Rating:
