 |
| အမေရိကန်ဘဏ္ဍာရေးဝန်ကြီးဌာန |
အင်ဒိုနီးရှားနိုင်ငံသား မိုဟာမက်ဘာရွန်တမ်တိုမို နဲ့ မလေးရှားနိုင်ငံက မိုဟာမက်ဂျဒီတို့ကို အီရတ် နဲ့ ဆီးရီးယားနိုင်ငံတွေက IS အဖွဲ့တွေကို ငွေကြေးအရရော၊ လုပ်ငန်းပိုင်းမှာပါ အထောက်အပံပေးတာတွေ နဲ့ စစ်ပွဲတွေမှာ လူသစ်စုဆောင်းတာတွေလုပ်နိုင်ဖို့ အာရှကနေ ငွေကြေးပေးပို့တဲ့အတွက် အထူးသတ်မှတ်ထားတဲ့ ကမ္ဘာအကြမ်းဖက်သမားများစာရင်းမှာ ထည့်သွင်းလိုက်ပါတယ်။
သူတို့ ၂ ယောက်ကို အဲဒီ စာရင်းမှာထည့်လိုက်တဲ့အတွက် ISIS အဖွဲ့တွေကို အထောက်အပံ့ပေးနေတဲ့သူတွေကို ကြီးကြီးမားမား အချက်ပေးလိုက်တာဖြစ်သလို ဒေသတွင်းမှာ အကြမ်းဖက်ဝါဒကို တိုက်ဖျက်ဖို့ နဲ့ အကြမ်းဖက်ဝါဒကို ငွေကြေးထောက်ပံ့နေတာတွေနဲ့ ပတ်သက်ပြီး အမေရိကန် အစိုးရရဲ့ သန္ဒိဌာန်ကို ပြသလိုက်တာဖြစ်တယ်လို့ အမေရိကန်ဘဏ္ဍာရေးဝန်ကြီးဌာနရဲ့ ညွှန်ကြားရေးမှူး John E. Smith က ကြေညာချက်မှာ ပြောထားပါတယ်။ သူတို့ ၂ ဦးအပါအ၀င် အမေရိကန်အစိုးရက ဒဏ်ခတ်ပိတ်ဆို့လိုက်တဲ့သူဟာ ၇ ဦးရှိပြီး၊ အဲဒီထဲမှာ IS အဖွဲ့ကို ထောက်ခံလို့ ပြီးခဲ့တဲ့နှစ်က ထောင်ချခံရတဲ့ ဗြိတိန်က အစ္စလာမ်တရားဟောဆရာ Anjem Choudary လည်း ပါဝင်ပါတယ်။
အမေရိကန်ဘဏ္ဍာရေးဝန်ကြီးဌာန နဲ့ နိုင်ငံခြားရေးဝန်ကြီးဌာနတွေ အခုလို ဒဏ်ခတ်ပိတ်ဆို့လိုက်တဲ့အတွက် အမေရိကန်ကုမ္ပဏီတွေ နဲ့ နိုင်ငံသားတွေအနေနဲ့ အဲဒီလူတွေနဲ့ စီးပွားရေးမလုပ်ဖို့ တားမြစ်လိုက်သလို၊ အမေရိကန်မှာရှိတဲ့ သူတို့ရဲ့ ပိုင်ဆိုင်မှုတွေကိုလည်း ထိန်းသိမ်းလိုက်ပါတယ်။
ဗွီအိုအေ (မြန်မာပိုင်း)
http://burmese.voanews.com
အရှေ့တောင်အာရှက IS ခေါင်းဆောင် ၂ ဦး ကန်ဒဏ်ခတ်ပိတ်ဆို့
Reviewed by THITHTOOLWIN
on
06:24
Rating:
Reviewed by THITHTOOLWIN
on
06:24
Rating:
