Donald Trump နဲ့ ဂျာမနီ ၀န်ကြီးချုပ် ပထမဆုံး အကြိမ်တွေ့ဆုံ

အမေရိကန် သမ္မတ Donald Trump နဲ့ ဂျာမနီဝန်ကြီးချုပ် Angela Merkel တို့ဟာ သောကြာနေ့က ဝါရှင်တန်ဒီစီ သမ္မတအိမ်ဖြူမှာ တွေ့ဆုံ။

အမေရိကန် သမ္မတ Donald Trump နဲ့ ဂျာမနီဝန်ကြီးချုပ် Angela Merkel တို့ဟာ သောကြာနေ့က ဝါရှင်တန်ဒီစီ သမ္မတအိမ်ဖြူမှာ တွေ့ဆုံခဲ့ကြပါတယ်။ ဆီးရီးယားဒုက္ခသည် ထောင်ပေါင်းများစွာ နိုင်ငံတွင်း အဝင်ခံပြီး သူ့ဂျာမနီနိုင်ငံကို ဖျက်ဆီးသူအဖြစ် ဝန်ကြီးချုပ် Merkel ကို သမ္မတ Trump က စွပ်စွဲခဲ့ပြီး လအနည်းငယ် အကြာမှာ ပြုလုပ်တဲ့ ဒီတွေ့ဆုံပွဲကနေ ခေါင်းဆောင် ၂ ဦးကြား NATO အဖွဲ့နဲ့ ပတ်သက်ပြီး သဘောထား ကွာဟမှု သိပ်မကြီးစေဖို့ ကြိုးစားမှုအပြင် ကမ္ဘာ့ကုန်သွယ်ရေးဆိုင်ရာနဲ့ တခြားကိစ္စရပ်တွေကို ဆွေးနွေးကြတာ ဖြစ်ပါတယ်။

နိုဝင်ဘာ အမေရိကန် သမ္မတရွေးကောက်ပွဲမှာ မထင်မှတ်ပဲ Trump အနိုင်ရလိုက်ချိန် ကစပြီး၊ အနောက်နိုင်ငံတွေကြား ကမ္ဘာ့သြဇာ အကြီးဆုံး နိုင်ငံကြီး ၂ နိုင်ငံက ခေါင်းဆောင် ၂ ဦး ပထမဆုံး အကြိမ်အဖြစ် လူကိုယ်တိုင်တွေ့ဆုံတာလည်း ဖြစ်ပါတယ်။ ဆွေးနွေးပွဲ မစခင်မှာ သမ္မတ Trump နဲ့ ဝန်ကြီးချုပ် Merkel တို့ ၂ ဦးဟာ သတင်းထောက်တွေကို ဓါတ်ပုံရိုက်ခွင့် ပြုခဲ့ပါတယ်။

လူဝင်မှု ကြီးကြပ်ရေးဆိုင်ရာ မူဝါဒတွေနဲ့ ဝန်ကြီးချုပ် Merkel ဟာ ဥရောပကို ဖျက်ဆီးတယ်ဆိုတဲ့ Trump ရဲ့ ပြောဆိုစွပ်စွဲမှုတွေနဲ့ အတူ NATO မဟာမိတ် စစ်စာချုပ်အဖွဲ့ အပေါ် အဆိုးမြင်ပြောဆိုမှုတွေ၊ ကုန်သွယ်ရေး စစ်ပွဲဖြစ်လာနိုင်တဲ့ အရိပ်အယောင်တွေ သမ္မတ Trump ပြသခဲ့ချိန်ကစပြီး ခေါင်းဆောင် ၂ ဦးကြား ဆက်ဆံရေးဟာ ထိပ်တိုက်တွေ့မယ့် အနေထားအဖြစ် မြင်နေရတာပါ။

တချိန်ထဲမှာပဲ ဝန်ကြီးချုပ် Merkel ကလည်း Trump ရဲ့ မူစလင် အများစု နေထိုင်တဲ့ နိုင်ငံ ၆ နိုင်ငံက လူတွေကို ခရီးသွားခွင့် ပိတ်ပင်တဲ့ အမိန့်အတွက် အပြစ်တင်ဝေဖန်ခဲ့တာဖြစ်ပြီး အမေရိကန်- ဂျာမနီ အနီးကပ်ပူးပေါင်းဆောင်ရွက်မှုတွေဟာ လူမျိုး ဘာသာ အသားရောင် ကျားမကွဲပြားမှု နိုင်ငံရေးယုံကြည်ချက်တွေ အပေါ် အခြေမခံပဲ ဒီမိုကရေစီ၊ လွတ်လပ်မှုနဲ့ တရားဥပဒေ နဲ့ လူ့ဂုဏ်သိက္ခာ လေးစားလိုက်နာမှု တွေပေါ် အခြေခံတယ် ဆိုတာကို သမ္မတ Trump ကို သတိပေးခဲ့ ပါတယ်။

ဗွီအိုအေ (မြန်မာပိုင်း)
http://burmese.voanews.com