လူဝင်မှုတင်းကျပ်မယ့် အမိန့်ထုတ်ပြန်ချက် သမ္မတ Trump လက်မှတ်ထိုး

အမေရိကန်ထဲကို တရားမ၀င် ၀င်လာတဲ့သူတွေကို တားဖို့ မက္ကဆီကိုနယ်စပ်မှာ တံတိုင်းဆောက်ဖို့ Trump သမ္မတ အမိန့် ကြေညာချက်ထုတ်ပြီးမကြာခင်မှာပဲ အခုလည်း မွတ်ဆလင်အများစုနေထိုင်တဲ့ နိုင်ငံတွေကသူတွေကို အမေရိကန်ထဲဝင်ဖို့ ပိတ်မယ့်အရေး သမ္မတ Trump ပြင်ဆင်နေပြန်ပါပြီ။

ဒီလိုနိုင်ငံတွေက အကြမ်းဖက်မှုတွေရှိပြီး ဒီလိုနိုင်ငံတွေကလူတွေက ဒီကိုလာပြီး ပြဿနာတွေ ဖြစ်အောင်လုပ်ကြမှာလို့ ဗုဒဟူးနေ့က ABC သတင်းဌာနနဲ့ တွေ့ ဆုံမေးမြန်းခန်းမှာ Trump က ပြောလိုက်ပါတယ်။ အီရတ်၊ အီရန်၊ လစ်ဗျား၊ ဆီးရီးယား၊ ဆိုမာလီ၊ ဆူဒန်နဲ့ ယီမင်နိုင်ငံတွေက ဘယ်သူ့ ကိုမဆို အနည်းဆုံး ရက် ၃၀ အမေရိကန်ထဲ ၀င်ခွင့်ပိတ်ပင်မယ်လို့ ဒီအမိန့်မူကြမ်းက ဖော်ပြထားတာလို့ ဒီမူကြမ်းကို ကျွမ်းဝင်သူတွေက ပြောပြပါတယ်။

မွတ်ဆလင်မှန်သမျှကို နိုင်ငံအတွင်းဝင်ခွင့်ပိတ်မယ်လို့ Trump မဲဆွယ်စဉ်ကာလတုန်းကပြောခဲ့ပေမယ့် ခုအခါမှာတော့ အကြမ်းဖက်မှုတွေနဲ့ ဆက်စပ်နေတဲ့ နိုင်ငံတွေက သူတွေကိုသာပိတ်ပင်ဖို့ ပြောင်းလဲဆုံးဖြတ်လိုက်တာပါ။ ဒီစာရင်းထဲမှာ အာဖဂန်နစ္စတန်၊ ပါကစ္စတန်နဲ့ ဆော်ဒီအာရေးဗီးရားနိုင်ငံတွေ ဘာလို့ မပါတာလဲဆိုတဲ့ မေးခွန်းကို တွေ့ ဆုံမေးမြန်းခန်းမှာ မေးခဲ့တဲ့အခါမှာတော့ Trump က ဒီစာရင်းထဲမှာ သေချာမပြောထားတဲ့ လူတွေအားလုံး အစွန်းရောက် အသေးစိတ် စစ်ဆေးမှု ခံရမယ်လို့ ပြန်ဖြေပါတယ်။ ဒီတားမြစ်ချက်မှာ ဒီနိုင်ငံတွေထဲက ဘာသာရေးလူနည်းစုတွေနဲ့ မတရားဖိနှိပ်ခံရသူတွေကိုတော့ ချွင်းချက်အဖြစ် ထားနိုင်ဖွယ်ရှိပါတယ်။ ဒီအမိန့် ကြောင့် အမေရိကန်နိုင်ငံအတွင်း ရွှေ့ ပြောင်းဒုက္ခသည် လက်ခံမှုကို ၄ လ ဆိုင်းထားရမှာ ဖြစ်ပါတယ်။

အမေရိကန် ပြည်ထောင်စုကို အထောက်အထားမရှိဘဲ ဥပဒေမဲ့ ၀င်ရောက်လာသူတွေကို ခိုလှုံခွင့်ပေးထားတဲ့ အမေရိကန် မြို့ကြီးတွေကို အစိုးရရဲ့ အထောက်အပံတွေ ဖြတ်တောက်ပြီး၊ နှိမ်နင်းသွားမယ့် အမိန့်ကိုိ သမ္မတ ထရမ့်က ဗုဒ္ဓဟူးနေ့မှာပဲ လက်မှတ်ရေးထိုး ထုတ်ပြန်လိုက်ပါတယ်။

ဗွီအိုအေ (မြန်မာပိုင်း)
http://burmese.voanews.com